ಮುಂಜಾನೆಯ ಮಂಜು – ದುಂಬಿ ದುಂಬಿ

ಚಿತ್ರ: ಮುಂಜಾನೆಯ ಮಂಜು -(೧೯೯೩)
ಸಾಹಿತ್ಯ,ಸಂಗೀತ- ಹಂಸಲೇಖ
ಗಾಯಕರು – ಚಿತ್ರ, ಎಸ್.ಪಿ.ಬಾಲಸುಬ್ರಹ್ಮಣ್ಯಂ

ಹಾಡು ಕೇಳಿ

ದುಂಬಿ ದುಂಬಿ ದುಂಬಿ ದುಂಬಿ
ದೂರ ಹೋಗು ದುಂಬಿ
ಆಯಿತು ಸಾಯಂಕಾಲ

ಮಲ್ಲೆ ಮಲ್ಲೆ ಮಲ್ಲೆ ಮಲ್ಲೆ
ಇಂದು ರಾತ್ರಿ ಇಲ್ಲೆ
ನಿಂತರೆ ಅನುಕೂಲ

ಆಗದು ಹೋಯ್ ಆಗದು ಹೋಯ್
ಹಾಗಾಗದು ಹೋಯ್
ಜಾಣನಾಗಿ ಊರು ಸೇರಿಕೊ

ಮಲ್ಲೆ ಮಲ್ಲೆ ಮಲ್ಲೆ ಮಲ್ಲೆ
ಇಂದು ರಾತ್ರಿ ಇಲ್ಲೇ
ನಿಂತರೆ ಅನುಕೂಲ

ಆಗದು ಹೋಯ್ ಆಗದು ಹೋಯ್
ಹಾಗಾಗದು ಹೋಯ್
ನನ್ನ ಮುತ್ತ ಒತ್ತೆ ಇಟ್ಟುಕೊ ||ಪ||

ಊರೇಕೆ ದುಂಬಿಗೆ
ಸೂರೇಕೆ ದುಂಬಿಗೆ
ಮಲ್ಲಿಗೆ ಮರೆ ದುಂಬಿ ಹಾಡೋ ಜಾಗ
ಹಾಡಿನ ಮಧ್ಯೆ ಜೇನು ಹೀರೋ ಯೋಗ

ಜಾಣ ಜಾಣ ನೀನು
ಹಾಡಿನ ಬಾಣ ಹೂಡುವೆ
ಜೀವ ಜಾರುವಾಗ
ಅರ್ಧ ಪ್ರಾಣ ನೀಡುವೆ

ಅಂಜುವೆ ಏಕೆ ಮಲ್ಲಿ
ಕಂಪಿನ ತೋಟದಲ್ಲಿ
ಉತ್ತಮನಾಗಿ ಓಡಾಡುವೆ

ಮಾನದ ಮಲ್ಲಿ ನಾನು
ನಾಚಿಕೆ ಕಾಡದೇನು?
ಕತ್ತಲೆಗಾಗಿ ನಾ ಬೇಡುವೆ

ಆಗದು ಹೋಯ್ ಆಗದು ಹೋಯ್
ಹಾಗಾಗದು ಹೋಯ್
ಕಣ್ಣು ಮುಚ್ಚಿ ಕತ್ತಲೆಂದುಕೋ||೧||

ಬಾ ನನ್ನ ಹತ್ತಿರ
ಬಾ ಇನ್ನು ಹತ್ತಿರ
ಹತ್ತಿರ ಬಂದ ಮೇಲೆ ಹೆಚ್ಚಬೇಡ
ಮೆಚ್ಚಿನ ರಾಸಲೀಲೆ ನೆಚ್ಚಬೇಡ

ಮಾತು ಮತ್ತು ಮುತ್ತು ಈಗ ಸಾಲ ನೀಡು
ಅಂತರಂಗ ಒಪ್ಪಿದಾಗ ಪ್ರೀತಿ ಮಾಡು

ತಣ್ಣನೆಯ ಗಾಳಿಯಂತ
ಸಂಜೆಯ ರಂಗಿನಂತ
ದುಂಬಿಯ ಹಾಡಿಗೆ ಸೋಲೆನು

ಮಾಗಿಯ ಕಾಲದಂತ
ಮಾವಿನ ಹೂವಿನಂತ
ಹೆಣ್ಣಿನ ಕಂಪು ನಾ ತಾಳೆನು

ಆಗದು ಹೋಯ್ ಆಗದು ಹೋಯ್
ಹಾಗಾಗದು ಹೋಯ್
ಹಣ್ಣು ತಿಂದು ಹೆಣ್ಣು ಎಂದುಕೊ ||೨||

*** *** *** *** *** *** ***