ಮನಸು ಹೇಳಬಯಸಿದೆ – ಬೀಗರ ಪಂದ್ಯ

ಚಿತ್ರ : ಬೀಗರ ಪಂದ್ಯ
ಗಾಯಕಿ : ಪಿ.ಸುಶೀಲ
ಸಂಗೀತ: ರಮೇಶ್ ನಾಯ್ಡು
ಸಾಹಿತ್ಯ: ಆರ್. ಏನ್. ಜಯಗೋಪಾಲ್

ಮನಸು ಹೇಳಬಯಸಿದೆ ನೂರೊಂದು
ತುಟಿಯ ಮೇಲೆ ಬಾರದಿದೆ ಮಾತೊಂದು
ನೆನಪು ನೂರು ಎದೆಯಲಿ ಅಗಲಿಕೆಯ ನೋವಲಿ
ವಿದಾಯ ಗೆಳೆಯನೆ ವಿದಾಯ ಗೆಳತಿಯೆ
ವಿದಾಯ ಹೇಳೆಬಂದಿರುವೆ ನಾನಿಂದು || ಪಲ್ಲವಿ||

ಹಗಲು ರಾತ್ರಿ ಹಕ್ಕಿ ಹಾಗೆ ಹಾಡಿ ಮೆರೆದೆವು
ನಗು ಎನ್ನುವ ಅಲೆಯ ಮೇಲೆ ತೇಲಿ ನಲಿದೆವು
ಹೃದಯಗಳ ಬೆಸುಗೆಯಾಗಿ
ಸ್ನೇಹಬಂಧ ಅಮರವಾಗಿ
ನಾಳೆ ಎನುವ ಚಿಂತೆ ಮರೆತು ಹಾಡಿ ಕುಣಿದೆವು
ಆ ಕಾಲ ಕಳೆದಿದೆ ದೂರಾಗೊ ಸಮಯದೆ
ವಿದಾಯ ಹೇಳೆ ಬಂದಿರುವೆ ನಾನಿಂದು ||೧||

ನೀನು ಬೇರೆ ನಾನು ಬೇರೆ ಹೇಗೋ ಬೆರೆತೆವು
ನಮ್ಮ ನಮ್ಮ ಒಪ್ಪು ತಪ್ಪು ಎಲ್ಲಾ ಅರಿತೆವು
ಈ ದಿನವ ಮರೆಯಬೇಡ
ನಮ್ಮ ಸ್ನೇಹ ತೊರೆಯಬೇಡ
ದಾರಿ ಬೇರೆಯಾದರೇನು ಪ್ರೀತಿ ಉಳಿಯಲಿ
ನೀ ಎಲ್ಲೇ ಇದ್ದರೂ ನೀ ಹೇಗೇ ಇದ್ದರೂ
ನೀ ನಾಳೆ ಕೇಳಬೇಡ ನನ್ನ ಯಾರೆಂದು||೨||