ಶಾಪ – ಲೇ ಲೇ ಮರುಳಾ….

ಚಿತ್ರ – ಶಾಪ – ೨೦೦೧
ಸಾಹಿತ್ಯ ಮತ್ತು ಸಂಗೀತ – ಹಂಸಲೇಖ
ಗಾಯಕ – ಹೇಮಂತ್

ಹಾಡು ಕೇಳಿ –

ಲೇ ಲೇ ಮರುಳಾ….ಮರುಳಾ….
ಮರುಳಾದೀಯೋ ಮರುಳಾ
ನಿಂತಲ್ಲೇ ನೀನು ನಿಲುವೆ
ನೀನಿನ್ನೆಲ್ಲೋ ಗೆಲುವೆ?
ಹುಟ್ಟುಗುರುಡ ಹುಟ್ಟುಗುರುಡ
ಬಣ್ಣ ಕಾಣನು
ಹೆಣ್ಣ ಕಣ್ಣ ಕಾಣನು ||ಪ||

ನಿನ್ನ ಹೊಟ್ಟೆಗೆ ಹಿಟ್ಟಿಲ್ಲ
ಇನ್ನು ಜುಟ್ಟಿಗೆ ಮಲ್ಲಿಗೆ ಯಾಕೋ?
ಕಾಲಿಗೆಟುಕದ ಚಿಂದಿ ಚಾಪೆ
ಅಲ್ಲಿ ತಿರುಕನ ಕನಸುಗಳ್ಯಾಕೋ?

ಗಾಳಿಯಲೇ ಹಾರುತಿರುವೆ
ನೀನಿಲ್ಲೆನ್ನೋ ನಡೆವೆ?
ಹುಟ್ಟು ತಿರುಕ ಹುಟ್ಟು ತಿರುಕ
ಬೆವರ ಬಸಿಯನು
ಬೇರೆ ಹೆಸರು ಗಳಿಸನು ||೧||

ನಿನ್ನ ನೆನಪೇ ನಿನಗುರುಳೋ
ನಿನ್ನ ಕನಸ ಕದಿಯೋ ಶಾಪ!
ನಾನು ಇರುವೆ ನಿನ್ನೊಳಗೇ
ನಿನ್ನ ನುಂಗೋ ಭಯದ ಭೂತ!

ನಿನ್ನವರನೇ ನೀನು ತಿನುವೆ
ನೀನಿನ್ನೇನೋ ಬಿಡುವೆ?
ಹುಟ್ಟು ಪಾಪಿ ಹುಟ್ಟು ಪಾಪಿ
ತಾನೂ ಬಾಳನು
ಯಾರ ಬಾಳ ಬಿಡನು ||೨||

***

ಒಂದಾಗೋಣ ಬಾ – ಒಂದ್ಹೆಜ್ಜೆ ನಾವೇ ಹೋಗೋಣಯ್ಯ

ಚಿತ್ರ – ಒಂದಾಗೋಣ ಬಾ (೨೦೦೩)
ಸಾಹಿತ್ಯ ಮತ್ತು ಸಂಗೀತ – ಹಂಸಲೇಖ
ಗಾಯಕ – ಫಯಾಜ್‍ಖಾನ್ ಮತ್ತು ಸಂಗಡಿಗರು

ಹಾಡು ಇಲ್ಲಿದೆ –

ಹಂಸಲೇಖ

ಒಂದ್ಹೆಜ್ಜೆ ನಾವೇ ಹೋಗೋಣಯ್ಯ
ಸಿಹಿ ಸಜ್ಜೆ ತಿನಿಸಿ ಬರೋಣಯ್ಯ
ಮನೆ ಬಾಗಿಲು ತೆರೆದ ಸೂರ್ಯ
ಬೆಳಕಿದ್ದರೆ ಮನಸಿಗೆ ಧೈರ್ಯ
ಮನೆ ದೇವರಿಗೂ ಕುಲದೇವರಿಗೂ
ಬೆಳಕಲ್ಲೇ ಆರತಿ ||ಪ||

ಮಹಾಮಹಾ ಮರಗಳೇ ಉರುಳುವವೋ
ಬೇರು ಸಹಿತ ಎಬ್ಬಿ
ಭೋರೆನ್ನುತ ಬರೋ ಆ ನದಿಯ
ರಭಸದಲೆಗೆ ಸಿಕ್ಕಿ
ತಲೆಬಾಗುವ ಆ ಹುಲ್ಲಿಗೆ
ಜಲದ ಭೀತಿ ಎಲ್ಲಿದೆ?

ತಲೆಬಾಗೋ…..
ಹುಲುಮಾನವ ನೀನು ಪ್ರೀತಿಗೆ ||೧||

ಮನೆ ಬಾಗಿಲು ತೆರೆದ ಸೂರ್ಯ
ಬೆಳಕಿದ್ದರೆ ಮನಸಿಗೆ ಧೈರ್ಯ
ಮನೆ ದೇವರಿಗೂ ಕುಲದೇವರಿಗೂ
ಬೆಳಕಲ್ಲೇ ಆರತಿ ||ಪ||

ಕೂಡಿ ತಿನ್ನೋ ಆನಂದ
ಬಿಡಿಬಿಡಿಯಲಿಲ್ಲ
ಕೂಡಿ ಬಾಳೋ ಸಂತೋಷ
ಹೊಡಿಬಡಿಯಲಿಲ್ಲ
ಪೈರಿಗೂ ಪೈರಿಗೂ ವೈರವೇ?
ಕಾಳಿಗೂ ಕಾಳಿಗೂ ಕದನವೇ?

ಜೊತೆಯಾಗೋ….
ಹುಲುಮಾನವ ನೀನು ಪ್ರೀತಿಗೆ ||೨||

ಮನೆ ಬಾಗಿಲು ತೆರೆದ ಸೂರ್ಯ
ಬೆಳಕಿದ್ದರೆ ಮನಸಿಗೆ ಧೈರ್ಯ
ಮನೆ ದೇವರಿಗೂ ಕುಲದೇವರಿಗೂ
ಬೆಳಕಲ್ಲೇ ಆರತಿ ||ಪ||

***

ಮಿಡಿದ ಹೃದಯಗಳು – ಚಂದದ ಚಂದನದಿಂದ

ಮಿಡಿದ ಹೃದಯಗಳು (೧೯೯೩) –
ಸಾಹಿತ್ಯ ಮತ್ತು ಸಂಗೀತ – ಹಂಸಲೇಖ
ಗಾಯಕರು – ಎಸ್.ಪಿ.ಬಾಲಸುಬ್ರಹ್ಮಣ್ಯ, ಚಿತ್ರಾ

ಹಾಡು ಕೇಳಿ

ಚಂದದ ಚಂದನದಿಂದ
ಕೊರೆದ ಗೊಂಬೆಯ ಅಂದಚಂದ
ಘಮಘಮ ಬೊಂಬೆ ಹಿಡಿದರೆ
ಸರಿಗಮ ಬೊಂಬೆ ನುಡಿದರೆ ||ಪ||
ತುಂಬಿರುವ ತುಂಗೆ ನೀನು
ಸೌಂದರ್ಯ ವನದ ಜೇನು
ಬಳುಕಿದರೆ ನೀ
ಮುಳುಗುವೆನು ನಾ

ರಸವಂತ ಚಿತ್ರಗಾರ
ನನ್ನ ಪ್ರೇಮ
ಸೂತ್ರಧಾರ
ತೀಡಿದರೆ ನೀ
ಮೂಡುವೆನು ನಾ

ಮಾತಾಡಬಲ್ಲದೀ
ಬೇಲೂರ ಬಾಲಿಕೆ
ಸಿಹಿಯಾದ ಕಾಣಿಕೆ
ಕೊಡಬಲ್ಲ ಮದನಿಕೆ ||೧||

ಕಲ್ಪನೆಯ ಕನ್ಯೆ ನಾನು
ಕಂಗೊಳಿಸೊ ಕವಿಯು ನೀನು
ಬಯಸಿದರೆ ನೀ
ಬಳಸುವೆನು ನಾ

ಕರ್ಪೂರ ಅಲ್ಲ ನೀನು
ಕರಗೋಕೆ ಬಲ್ಲೆಯೇನು?
ಕರಗಿದರೆ ನೀ
ಉರಿಸುವೆನು ನಾ

ಅಸಮಾನ್ಯ ಶೂರನೇ
ಸುಕುಮಾರಿ ಚೋರನೇ
ಅಪರೂಪ ಭಂಗಿಯೇ
ರತಿದೇವಿ ತಂಗಿಯೇ? ||೨||

***

ಪ್ರೀತಿಯೆ೦ದರೆ ಅದಲ್ಲ!

ಪ್ರೀತಿಯೆ೦ದರೆ-
ಅಲ್ಲ, ಬರೀ ಹಸಿಬಿಸಿ ಕಾಮನೆಗಳ ಪ್ರಲಾಪ
ಒಲವೊ೦ದು ಮರೆಯದ ಮಧುರ ಆಲಾಪ
ಅದು ಎದೆಯ ಬಾನಲಿ ಮೆರೆವ ಇ೦ದ್ರಚಾಪ!

ಪ್ರೀತಿಯೆ೦ದರೆ-
ಬರೀ ತುಟಿಗಳ ಚು೦ಬನವಲ್ಲ
ತೋಳುಗಳ ಬ೦ಧನವೂ ಅಲ್ಲ
ಅದು ಕಾಮ-ಪ್ರೇಮಗಳ ಬೇವು-ಬೆಲ್ಲ!

ಪ್ರೀತಿಯೆ೦ದರೆ-
ದಾಹಭರಿತ ದಿನ ರಾತ್ರಿಗಳ
ಹಳಹಳಿಕೆಯ ಹಗಲುಗನಸುಗಳಲ್ಲ
ಅದು ಜನ್ಮಜನ್ಮಾ೦ತರದ ಸಿಹಿನೆನಪು!

ಪ್ರೀತಿಯೆ೦ದರೆ-
ಅಗ್ಗದ ಬೆಲೆಗೆ ಸಿಗುವ
ನಿರ್ಭಾವ ನಿರ್ಗ೦ಧ ಕುಸುಮವಲ್ಲ
ಅದು ದೇವಲೋಕದಿ೦ದ ಬ೦ದ ದಿವ್ಯ ಪಾರಿಜಾತ!

ಪ್ರೀತಿಯೆ೦ದರೆ-
ಒಲಿದ ಮನಸು ಮನಸು ಮಾತ್ರ
ಕೇಳಬಲ್ಲ ಪಿಸುನುಡಿ
ಲೋಕಕೆಲ್ಲ ತಿಳಿಯುವ೦ತೆ
ಮಾಡಬೇಕೆ ಗಡಿಬಿಡಿ?

ಇರಲಿ ಪ್ರೀತಿ ಸುಪ್ತವಾಗಿ
ಹೃದಯದಲ್ಲಿ ತಣ್ಣನೆ
ಬಿಸಿಲಿನಲ್ಲಿ ಬಯಲಿನಲ್ಲಿ
ಹರವಬೇಡಿ ಸುಮ್ಮನೆ!

ನಿನ್ನ ಕಾಡುವುದಿಲ್ಲವೇ?

ಅಂದಿನಿಂದ ಇಂದಿನವರೆಗೂ
ಜೊತೆ ಜೊತೆಯಾಗೇ
ನಡೆದುಬ೦ದೆವಲ್ಲಾ
ಬದುಕ ಹಿರಿದಾರಿಯುದ್ದಕ್ಕೂ….

ಪಯಣದ ಹಾದಿಯಲ್ಲಿ –
ಕಂಡಿದ್ದು, ಉಂಡಿದ್ದು ನೂರಾರು.
ತಂಪಿನ ನೆಳಲಲ್ಲಿ ಸುಖಿಸಿದ್ದುಂಟು,
ಬೆಂಕಿಯ ಮಡಿಲಲ್ಲಿ ಬಳಲಿದ್ದುಂಟಾದರೂ
ಅದಾವುದೂ ಮರೆಯದ ನೆನಪಾಗುಳಿಯದೆ,

ಅಂದು ನೂರು ನಿಟ್ಟುಸಿರುಗಳ ಮರೆಸಿ
ನಾವು ನಕ್ಕ ಆ ಒ೦ದೊ೦ದು ನಗೆಯೂ
ದೈತ್ಯ ಮರದ ತೊಗಟೆಯ ಸೀಳಿ
ಮೆಲ್ಲಮೆಲ್ಲಗೆ ಇಣುಕುವ ಹಸಿರು ಚಿಗುರುಗಳಾಗಿ
ಕಣ್ಣು ಮಿಟುಕಿಸಿ, ಇಂದಿಗೂ ನಿನ್ನ ಕಾಡುವುದಿಲ್ಲವೇ?

***

ಚಂದ್ರೋದಯ -ಓಹೋ ಚಂದ್ರಮ

ಸಾಹಿತ್ಯ ಮತ್ತು ಸಂಗೀತ : ಹಂಸಲೇಖ
ಗಾಯಕ : ಎಸ್.ಪಿ.ಬಾಲಸುಬ್ರಹ್ಮಣ್ಯಂ

ಹಾಡು ಕೇಳಿ    

ಓಹೋ ಚಂದ್ರಮ, ಕೇಳಯ್ಯಾ ಚಂದ್ರಮ ಒಲವಿನ ಕತೆಯ
ಒಲ್ಲದ ಒಲವಿನಲಿ ಬಾಳುವ ಈ ಜೊತೆಯ ||ಪ||

ಗುಲಾಬಿ ಹೂವಿನಲ್ಲಿ ಅದೇಕೋ ನಗುವೇ ಇಲ್ಲ
ಮುಳ್ಳಿಂದ ಮುತ್ತಿನೆಡೆಗೆ ಅದೇಕೋ ಬಾರದಲ್ಲ
ಕಂಗಳಿಂದ ಕಂಗಳ ಕನಸು ಕಾಣಲು ಕೊಡದಲ್ಲ
ಹೃದಯದಿಂದ ಹೃದಯವ ಅಳೆದು ನೋಡಲು ಬಿಡದಲ್ಲ
ಸಪ್ತಪದಿಗಳೆಂಬ ಸೆರೆಯಲಿರುವ ಹೊಸ ಕತೆಯ ||೧|
 

ನಿಟ್ಟುಸಿರ ಜಗಳದಲ್ಲಿ ದೂರಾಯ್ತು ಜೋಡಿ ಮಂಚ
ಭಾವಗಳ ಕದನದಲ್ಲಿ ಬೋಳು ಹೃದಯದ ಪ್ರಪಂಚ
ಅಂತರಂಗದ ಆಗಸ ಬೆಳಕು ಕಾಣದೆ ಅಲೆಯುತಿದೆ
ಅಂದದ ಈ ಅಂತ:ಪುರ ಅರ್ಥವಿಲ್ಲದೆ ಅಳುತಾ ಇದೆ
ವಿರಹವೆಂಬ ವಿಷವ ವಿನಾ ಕಾರಣ ಕುಡಿದವರ ||೨||

***    

ನೆನಪಿರಲಿ – ದ್ರೌಪದಿ ದ್ರೌಪದಿ

ನೆನಪಿರಲಿ – ೨೦೦೫
ಸಾಹಿತ್ಯ ಮತ್ತು ಸಂಗೀತ :  ಹಂಸಲೇಖ
ಗಾಯಕರು: ಸೌಮ್ಯರಾವ್, ಅನುಪಮ,ಅನೂಪ್

ಹಾಡು ಕೇಳಿ

ದ್ರೌಪದಿ … ದ್ರೌಪದಿ … ಎಂದಿನದೇ ಈ ಕದನ
ಷಟ್ಪದಿ … ಚೌಪದಿ …ಯಾವುದರಲೀ  ಈ ಕವನ

ಮನಸೇ ಮಹಾ ಮರ್ಕಟ
ಆಯ್ಕೆ ಮಹಾ ಸಂಕಟ
ಚಿತ್ತ ಮಹಾ ಚಂಚಲ
ಆಸೆ ತಿಮಿಂಗಿಲ

ಮಳೆಗೆ ಮನೆ ಮಣ್ಣಿನೊಳಗೆ
ಮಳೆ ಮನಸು ಇದೆ ಗಾಳಿಯೊಳಗೆ

ಸುಖದ ಬಹುಮಾನ ಉಚಿತ ಕೊಡುವಂತ
ಪಂಚಭೂತಗಳ ಜರಿವುದೆಂತೋ
ಪೂಜೆಗೆ ಹೂಗಳನು ಕಟ್ಟೋ ಕೈಗಳಿಗೆ
ಗಂಧ ಸೋಕಿದರೆ ಜರಿವುದೆಂತೋ

ಮನಸೇ ಮಹಾ ಮರ್ಕಟ
ಸನಿಹ ಮಹಾ ಪ್ರೇರಕ
ಚಿತ್ತ ಮಹಾ ಚಂಚಲ
ಮನ್ಮಥ ಸಮಯ ಸಾಧಕ ||೧||

ಎಂದು ಗೆಲ್ಲು ಇಂದ್ರಿಯಗಳ
ಕೊಲ್ಲು ಅರಿಷಡ್ವರ್ಗಗಳ

ಎಳೆಯ ಬಿಸಿಲೊಳಗೆ
ಕುಣಿವ ತನು ಒಳಗೆ
ಕಹಿಯ ವಿಷಗಳಿಗೆ ತರುವುದೆಂತೋ
ಕಣ್ಣು ಮುಚ್ಚಿದರು ಕಾಣೊ ಸ್ವರ್ಗವನು
ಸವಿಯೊ ಹೆಣ್ಣೆದೆಯ ಜರಿವುದೆಂತೋ


ದ್ರೌಪದಿ … ದ್ರೌಪದಿ … ಎಂದಿನದೇ ಕದನ
ಷಟ್ಪದಿ … ಚೌಪದಿ …ಯಾವುದರಲೀ ಈ ಕವನ||೨||

ಬಯಕೆ ಬೆಂಕಿ ಬಲೆಯಾಗಿದೆ
ಭ್ರಮರ ನಿನ್ನ ನೋಡಬೇಕಿದೆ
ಹೂವು ಹಾರಲಾರದು
ಹಾಡಿ ಕೂಗಲಾರದು
ಅರಳದಿರಲಾರದು ಬೆರೆವುದೆಂತೋ
ಪ್ರಥಮ ಅನುಭವದ ಮಧುರ ನೆನಪುಗಳ
ಸುರಿದು ಹೋದವನ ಮರೆವುದೆಂತೋ

ಮನಸೇ ಮಹಾ ಮರ್ಕಟ
ವಿರಹ ಮಹಾ ದುಶ್ಚಟ
ಚಿತ್ತ ಮಹಾ ಚಂಚಲ
ತಿಳಿಯೋ ಹೆಣ್ಣ ಹಂಬಲ ||೩||

ದ್ರೌಪದಿ … ದ್ರೌಪದಿ … ಎಂದಿನದೇ ಈ ಕದನ
ಷಟ್ಪದಿ … ಚೌಪದಿ …ಯಾವುದರಲೀ ಈ ಕವನ

***
   
       
  

   

 

ಮೇಘಮಾಲೆ ..ಮೇಘಮಾಲೆ

ಚಿತ್ರ – ಮೇಘಮಾಲೆ -೧೯೯೪
ಸಾಹಿತ್ಯ ಮತ್ತು ಸಂಗೀತ – ಹಂಸಲೇಖ
ಗಾಯಕ – ಡಾ.ರಾಜ್‍ಕುಮಾರ್  

ಹಾಡು ಕೇಳಿ – 

ಮೇಘಮಾಲೆ…ಮೇಘಮಾಲೆ…
ಪ್ರೀತಿಗಾಗಿ ದಾರಿ ತೋರೋ ದೀಪಮಾಲೆ!

ಬಿಸಿಲ ಬಿಡದೆ ಒಳಗೆ ಹೊಳೆಯೋ
ಬೆಳ್ಳಿ ಬಳಗವೇ ಬನ್ನಿರಿ
ದಿನವೂ ಪಯಣ, ಹೊರಡೋ ದಿಬ್ಬಣ
ನಮಗೂ ಅಮೃತ ತನ್ನಿರಿ

ನದಿಯ ಬಸಿರಿಗೆ ಪ್ರೇಮ ಸಿಂಚನ
ಮಿಂಚು ಮಿಂಚಿನ ಪದದ ಕಂಪನ
ನೀಡುವಂತೆ ನೀಡಿ ಸುಖದ ಮಾಲೆ ||೧||

ಇವನೋ ತರುಣ ಇವಳೋ ತರುಣಿ
ಪ್ರಣಯ ತರುಣದ ಹೊಸಿಲಲಿ
ಎರಡು ಒಡಲು ನೋಡೋ ಬದಲು
ಹೂಡೋ ಕಾಮನ ಬಲೆಯಲಿ

ಬಳಸಿಕೊಂಡರೆ ತೋಳಮಾಲೆ
ಹಂಚಿಕೊಂಡರೆ ಮುತ್ತುಮಾಲೆ
ಸ್ಪರ್ಶ ಸುಖಕೆ ಸಿಗದ ಪ್ರೇಮಮಾಲೆ||೨||