ಭಾಗ – 14

ಶಾರದಮ್ಮ, ಶಾಸ್ತ್ರಿಗಳಿಗೆ ದಿಕ್ಕೇ ತೋಚದಂತಾಗಿತ್ತು. ಮಕ್ಕಳಾದ ಪ್ರವಲ್ಲಿಕಾ, ಧಾರಿಣಿಯರಿಬ್ಬರೂ ಕಣ್ಮರೆಯಾಗಿಹೋಗಿದ್ದು ಅವರನ್ನು ದಿಗ್ಭಾಂತರನ್ನಾಗಿಸಿತ್ತು. ಆಕಾಶ ಮತ್ತು ಅಮೆರಿಕಾದಿಂದ ಬಂದಿದ್ದ ರಾಜೀವ ಅವರನ್ನು ಸಂತೈಸುವಲ್ಲಿ ವಿಫಲರಾಗಿದ್ದರು. ಧಾರಿಣಿ, ಪ್ರವಲ್ಲಿಕಾರ ಬಗ್ಗೆ ಅವರಿಗೂ ಸರಿಯಾದ ಮಾಹಿತಿ ತಿಳಿದಿರಲಿಲ್ಲ. ಪ್ರವಲ್ಲಿಕಾಳಿಂದ ’ತಾನು ಕ್ಷೇಮವಾಗಿದ್ದೇನೆ’ ಎಂಬ ಸಂದೇಶ ಬಂದಿದ್ದರೂ ಅವಳು ದುಬೈಗೆ ಹೋಗಿದ್ದೇಕೆ? ಅವಳನ್ನು ಅಲ್ಲಿಗೆ ಕರೆದೊಯ್ದವರಾರು ಎಂಬ ಶಾರದಮ್ಮನ ಪ್ರಶ್ನೆಗೆ ಯಾರೂ ಉತ್ತರಿಸುವಂತಿರಲಿಲ್ಲ. ಯಾವ ಗಳಿಗೆಯಲ್ಲಿ ಯಾರಿಂದಲಾದರೂ, ಏನಾದರೂ ವಿಷಯ ತಿಳಿದೀತೇ ಎಂದು ಎಲ್ಲರೂ ಕಾದು ಕುಳಿತಿದ್ದರು.

ಒಟ್ಟಿನಲ್ಲಿ ಶಾಸ್ತ್ರಿಗಳು ಭವಿಷ್ಯ ನೋಡಿ ಹೇಳಿದ್ದ ಗಂಡಾಂತರ ಕಾಲ ಇದೇ ಇರಬಹುದೆಂಬುದನ್ನು ಮಾತ್ರ ಎಲ್ಲರೂ ನಂಬಿದಂತಿತ್ತು. ’ದೇವರು ದಿಂಡರು ಯಾವುದೂ ಇಲ್ಲ, ಜ್ಯೋತಿಷ್ಯ, ಗ್ರಹಚಾರ ಎಲ್ಲಾ ಶುದ್ಧ ಸುಳ್ಳು, ನಮ್ಮ ಭವಿಷ್ಯ ನಮ್ಮ ಕೈಯಲ್ಲೇ ಇದೆ….’ ಎಂದು ಅತಿ ಆತ್ಮವಿಶ್ವಾಸದಿಂದ ಬೀಗುತ್ತಿದ್ದ ಆಕಾಶನಿಗೂ ತಮ್ಮೆಲ್ಲರನ್ನೂ ಮೀರಿದ ಶಕ್ತಿಯೊಂದು ಎಲ್ಲೋ ದೂರದಲ್ಲಿದ್ದುಕೊಂಡು ನಮ್ಮನ್ನೆಲ್ಲಾ ತನ್ನ ತಾಳಕ್ಕೆ ತಕ್ಕಂತೆ ಕುಣಿಸುತ್ತಿರಬಹುದೇ ಅನಿಸುವ ಮಟ್ಟಿಗೆ, ಇದ್ದಕ್ಕಿದ್ದಂತೆ ಎದುರಾದ ಪರಿಸ್ಥಿತಿ ಎಲ್ಲರನ್ನೂ ಕಂಗಾಲು ಮಾಡಿಹಾಕಿತ್ತು.

ಶಾಸ್ತ್ರಿಗಳು ಮನೆ ಮುಂದಿನ ತೋಟದ ಅಂಗಳದಲ್ಲಿ ಚಿಂತಾಮಗ್ನರಾಗಿ ಕೂತಿದ್ದರು ಎದುರಿಗೆ ಕಾಣಿಸಿಕೊಂಡ ಅವಳನ್ನು ನೋಡಿ ಕಣ್ಣುಜ್ಜಿಕೊಂಡರು ತಿಳಿನೀಲಿ ಜೀನ್ಸ್ ಅದರಮೇಲೆ ದೊಗಳೆ ಶರ್ಟ್ ಧರಿಸಿದ ಹೊಂಗೂದಲಿನ ನೀಲಿಕಂಗಳ ಚೆಲುವೆ ನಸು ನಗುತ್ತಿದ್ದಾಳೆ! ಕನಸೇ ಇದು..?ಅಲ್ಲಾ…ಅವಳ ಜೊತೆ ಇ ದ್ದ ಅರೇಳರ ಪುಟಾಣಿ ಹುಡುಗ ಬಂದು ಶಾಸ್ಸ್ರಿಗಳ ಕೈ ಎಳೆದಾಗ ಅದು ಖಾತ್ರಿ ಯಾಯಿತು ಆದರವಳು ಅಮೆರಿಕನ್ ಆಯಕ್ಸೆಂಟ್ನಲ್ಲಿ ಮಾತಾಡಲಾರಂಭಿಸಿದಾಗ ಮಾತ್ರ ಶಾಸ್ತಿಗಳು ಕಕ್ಕಾಬಿಕ್ಕಿಯಾದರು ಆ ಪುಟಾಣಿಯ ಮೊಗದಲ್ಲಿ ಕಂಡ ಮಿಂಚು ಪರಿಚಿತವೆನಿಸಿತು….ಶಾರದಾ…ಶಾಸ್ರಿಗಳ ಕೂಗಿಗೆ ಹೊರಬಂದ ಶಾರದಮ್ಮನೂ ಕಣ್ಣರಿಳಿಸಿಕೊಂಡು ನಿಂತು ಬಿಟ್ಟಿದ್ದಾರೆ ಆಗವರ ನೆರವಿಗೆ ಬಂದವನು ಸದ್ಯಕ್ಕೆ ಮನೆಯಲ್ಲೇ ಇದ್ದ ಆಕಾಶ. ಅವಳು ಹೇಳಿದ್ದನ್ನು ಆಕಾಶ ಕನ್ನಡಕ್ಕೆ ಮಾಡಿ ಹೇಳಿದಾಗ….`ಇವನು ನಿಮ್ಮ ಮೊಮ್ಮಗ…ಪ್ರತಾಪನ ಮಗ…ಪ್ರತಾಪ ಕಣ್ಮರೆಯಾಗುವಾಗ ನಾನು ನಾಲ್ಕು ತಿಂಗಳ ಬಸುರಿ…ತಂಗಿ ಮದುವೆಗೆಂದು ಇಂಡಿಯಾಗೆ ಹೋದಾಗ ಅಪ್ಪನ ಹತ್ರ ಮಾತಾಡಲು ಸಂಕೋಚವೆನಿಸಿ ಪ್ರತಾಪ್ ವಾಪಸು ಬಂದು ಬಿಟ್ಟಿದ್ದರು ಮದುವೆಗೆ ಮುಂಚೆ ನಾವಿಬ್ಬರೂ ದುಡುಕಿದ್ದು ಸಂಪ್ರದಾಯಸ್ತರಾದ ಅಪ್ಪನ ಬಳಿ ಹೇಳಲು ಅವರು ತುಂಬಾ ಹಿಂಸೆ ಪಟ್ಟು ಕೊಂಡಿದ್ದರು ಅಪ್ಪ ನಮ್ಮನ್ನು ಕ್ಷಮಿಸುತ್ತಾರೆಯೇ..ಅಂತ ತುಂಬಾ ಸಲ ಹೇಳುತ್ತಿದ್ದರು ಹಾಗಾಗಿ ಅವರು ಕಣ್ಮರೆಯಾದ ಮೇಲೆ ನಾನು ನಿಮ್ಮನ್ನು ಸಂಪರ್ಕಿಸುವ ಪ್ರಯತ್ನ ಮಾಡಲಿಲ್ಲ ನಿಶ್ಯಬ್ದವಾಗಿ ನ್ಯೂಯಾರ್ಕ್ ತೊರೆದು ಕ್ಯಾಲಿಫೋರ್ನಿಯಾಗೆ ಹೊರಟು ಹೋದೆ ಇವನು ಹುಟ್ಟಿದ ನಾನು ಕೆಲಸ ಮಾಡುತ್ತಾ ಇವನನ್ನು ಬೆಳೆಸುತ್ತಾ ಪ್ರತಾಪನ ನೆನಪಲ್ಲಿ ಸಮಾಧಾನವಾಗಿಯೇ ಇದ್ದೆ ವಿಧಿ ಸಹಿಸಲಿಲ್ಲ…ನನ್ನ ಮುದ್ದು ಮರಿಗೀಗ ಅಪರೂಪದ ಕಾಯಿಲೆ ಅಮೆರಿಕಾದ ಡಾಕ್ಟರುಗಳೆಲ್ಲಾ ನಮ್ಮ ಕೈಬಿಟ್ಟಾಗಿದೆ…ಪ್ರತಾಪ ಬಹುವಾಗಿ ನಂಬಿದ್ದ ನಿಮ್ಮಊರ ದೇವರು ನನಗೆ ಸಹಾಯ ಮಾಡುವನೆಂದು ನಂಬಿ ಬಂದಿದ್ದೇನೆ …ಆ ದೇವರ ಕೃಪೆ ಈ ಮಗುವಿಗೆ ದಯಮಾಡಿ ದೊರಕಿಸಿ ಕೊಡಿ…’

ಶಾಸ್ರಿ ದಂಪತಿಗಳು ದಿಕ್ಕು ತೋಚದೆ ನಿಂತು ಬಿಟ್ಟಿದ್ದಾರೆ…ಇವಳನ್ನು ನಂಬುವುದು ಹೇಗೆ…? ಮಗುವಿನ ಮುಖದಲ್ಲೇನೋ ಪ್ರತಾಪನ ಹೋಲಿಕೆ ಕಾಣುತ್ತಿದೆ ಎಂದು ಹೇಳೋಣವೆಂದು ಶಾರದಮ್ಮನ ಮನಸ್ಸು… ಆದರೆ ಶಾಸ್ರ್ತಿಗಳು ಏನನ್ನುವರೋ ಎಂಬ ಭಯ.

ಅಷ್ಟರಲ್ಲಿ ತೋಟದಿಂದ ಹುಶ್ಶಪ್ಪಾ ಅಂತ ಮನೆಗೆ ಬಂದ ರಾಜೀವನ್ನು ನೋಡಿ ಅವಳ ಕಣ್ಣುಗಳು ನಿರಾಳತೆಯಿಂದ ಮಿಂಚಿದರೆ ರಾಜೀವ ಅವಳನ್ನು ನೋಡಿ `ಜೆನೀ… ನೀನೂ..ಇಷ್ಟು ವರ್ಷದ ನಂತರ ಇಲ್ಲೀ..ಅಂತ ಆಶ್ಚರ್ಯಚಕಿತನಾಗಿ ಹೇಳಿದ.

***

ಓಸಾಮಾ ಬಿನ್ ಲಾಡೆನ್ನಿನ ಹೆಗಲ ಮೇಲೆ ಮುಖ ಇಟ್ಟುಕೊಂಡು, ಭರತಖಾನ ಗೋಳೊ ಎಂದು ಅಳುತ್ತಿದ್ದ. “ಒಂದು ಲಕಡಿ ನಿಂಗೆ ಸಿಗ್ಲಿಲ್ಲಾ ಅಂತ ಯಾಕ್ಲೇ ಅಳ್ತೀ,ಬರತಾ!” ಅಂತ ಲಾಡೆನ್ ಭರತಖಾನನಿಗೆ ಸಾಂತ್ವನ ಹೇಳಲು ಪ್ರಯತ್ನಿಸುತ್ತಿದ್ದ. “ಹತ್ತು ಲಕಡಿಗೋಳ್ ಜೊತೆ ನಿನ್ನ ನಿಕಾ ಮಾಡ್ತೀನಿ. ನನ್ನೆ ಎಗಲ ಮ್ಯಾಲಿಂದು ನಿನ್ನ ತೆಲಿ ತೆಗಿ.”, ಅಂತ ಧೈರ್ಯ ಹೇಳಿದ.
“ಛೆ! ನಿನಗೆ ಕನ್ನಡ ಕಲಿಸಿದ್ದೆ ತಪ್ಪಾಯ್ತು ನೋಡು. ನನಗೇನೂ ನಿನ್ನ ಲಕಡಿ ಬೇಕಾಗಿಲ್ಲ. ನನ್ನ ಅಳಲೇ ಬೇರೆ. ಒಂದು full bottle ಕುಡಿದು ಸ್ಟ್ರೇಟಾಗಿ ನಿಲ್ಲೊ ನಾನು; ಆ ಹುಡುಗಿ ಒಂದು ಕಪ್ಪು ಹಾಲಿನಲ್ಲಿ ಒಂದು ಚಮಚೆ ವ್ಹಿಸ್ಕಿ ಕೂಡಿಸಿ ಕೊಟ್ರೆ knock out ಆದೆನಲ್ಲಾ!” ಎಂದು ತನ್ನ ಕೊರಗು ತೋಡಿಕೊಂಡ. “ಮೊದಲೆ out ಆದವನಿಗೆ ‘ಹಾಲು ok, ಅಲ್ಕೋಹಾಲು ಯಾಕೆ?’ ಇರಲಿ, ಮುಂಡೆ ಬೆಚ್ಚ ಆಗಬೇಡ. ಮುಲ್ಲನ್ನು ಮುಲ್ಲಿನಿಂದಲೆ ತೆಗೀಬೇಕು ಅಂತ ನೀನೆ ಹೇಲ್ತಾ ಇದ್ದೆಲ್ಲಪ್ಪ, ಈಗ ನಾನು ಹೇಲೋದನ್ನಷ್ಟು ಕೇಲು. ನೀನು ಬಾರತಕ್ಕೆ ಮರಲಿ ಓಗು. ಆ ಲಕಡಿಯನ್ನು ಕಾಫರ ಸೋಗಿನಲ್ಲಿಯೇ ಮೋಸ ಮಾಡು. ಆದರೆ ಒಂದು ಮಾತು ತಲ್ಯಾಗ ಇಟ್ಕೋ. ಆ ಲಕಡಿ ಹಾಲು ಕೊಟ್ಟರೆ ಕುಡಿಯಬೇಡ!”, ಎಂದು ತನ್ನ ಮಾನಸಪುತ್ರನಿಗೆ ಕುಟಿಲೋಪಾಯ ಹೇಳಿಕೊಟ್ಟ ಲಾಡೆನ್.

ಈ ಕಾರಣದಿಂದ, ಭರತಖಾನ ಭರತದಾಸನಾಗಿ ಕೈಯಲ್ಲಿ ತಂಬೂರಿ ಹಿಡಿದುಕೊಂಡು ಒಂದು ಮುಂಜಾವಿನಲ್ಲಿ ಶಾಸ್ತ್ರಿಗಳ ಎದುರಿಗೆ ಪ್ರತ್ಯಕ್ಷನಾದ.
“ನಿನ್ನಂಥ ವೈದ್ಯರಿಲ್ಲೋ ಹರಿಯೇ!” ಎಂದು ಹಾಡುತ್ತ ಎದುರಿಗೆ ಬಂದ ಹರಿದಾಸರನ್ನು ಕಂಡ ಶಾಸ್ತ್ರಿಗಳಿಗೆ “ಹರಿಯೆ ತನ್ನ ಮೊರೆಯ ಕೇಳಿ ಬಂದನೇನೋ” ಎಂದೆನಿಸಿತು.
***

ಆತುರಗಾರನ ಬುದ್ದಿ ಮಟ್ಟ ಎಂಬ ಗಾದೆ ಭರತ ಖಾನನನ್ನೇ ನೋಡಿ ಮಾಡಿರಬೇಕು!ಪ್ರವಲ್ಲಿಕಾಳನ್ನು ತನ್ನದಾಗಿಸಿಕೊಳ್ಳಲು ದಾಸ ಯ್ಯನ ವೇಷ ತೊಟ್ಟು ಅವನು ಶಾಸ್ತ್ರಿಗಳ ಹಳ್ಳಿಗೆ ಬರುವ ಅವನ ಯೋಜನೆಯನ್ನು ಒಂದೆರಡು ದಿನಗಳು ಮುಂದೂಡಿದ್ದಿದ್ದರೆ ಚೆನ್ನಾಗಿರುತ್ತಿತ್ತು!ಒಟ್ಟಿನಲ್ಲಿ ಖಾನನ ಟೈಮ್ ಚೆನ್ನಾಗಿಲ್ಲ ಅಷ್ಟೇ…ಹೋಗಲಿ ಪ್ರವಲ್ಲಿಕಾದಾದರೂ ಚೆನ್ನಾಗಿದೆಯೇ…?ಉಹುಂ…

ಭಾರತೀಯದೂತಾವಾಸದ ಸೋಫಾಮೇಲೆ ಕೂತು ವಿಶ್ರಮಿಸಿ ಕೊಳ್ಳುತ್ತಾ ಏನೋ ಸಾಧಿಸಿದ ತೃಪ್ತಿಯಿಂದ ಬೀಗುತ್ತಿರುವ ಪ್ರವಲ್ಲಿಕಾಗೆ ಇನ್ನೆರಡು ಗಂಟೆಗಳಲ್ಲಿ ತನ್ನ ಜೀವನಕ್ಕೆ ಊಹಿಸದ ತಿರುವು ಸಿಗಲಿದೆ ಎಂಬ ಸಣ್ಣ ಸುಳಿವೂ ಇಲ್ಲ ಪಾಪ…ಬಿಳಿಯ ಪಾರಿವಾಳದಂತೆ ನಾಜೂಕಾಗಿರುವ ಹೆದರು ಪುಕ್ಕಿ ಪ್ರವಲ್ಲಿಕಾ ಮುಂದೆ ತುಳಿಯಲಿರುವ ಹಾದಿ ತುಂಬಾ ಕಷ್ಟದ್ದು…ಅನೂಹ್ಯವಾದುದ್ದು…ಮತ್ತು ಅದು ಅವಳ ವ್ಯಕ್ತಿತ್ವವನ್ನೇ ಬದಲಾಯಿಸುವಂಥದ್ದು…

ಭಾರತೀಯ ದೂತಾವಾಸದ ಆ ಅಧಿಕಾರಿ ಭರತ ಖಾನನನ್ನು ಸಂಪರ್ಕಿಸಲು ಸತತವಾಗಿ ಪ್ರಯತ್ನಿಸುತ್ತಿದ್ದಾನೆ.ಭಾರತದ ಮಣ್ಣಲ್ಲಿ ಹುಟ್ಟಿ ಇಂಡಿಯಾ ಗೌರ್ನಮೆಂಟಿನಿಂದ ದೊಡ್ಡ ಮೊತ್ತದ ಸಂಬಳ ಏಣಿಸಿಕೊಂಡೂ ಹುಟ್ಟಿದ ನೆಲಕ್ಕೇ ದ್ರೋಹ ಬಗೆಯುವ ನೀಚರ ಗುಂಪಿಗೆ ಸೇರಿದವನು ಆತ ಒಸಾಮ ಕೊಡುವ ಕಾಸಿಗಾಗಿ ಅವನ ಏಜಂಟನಾಗಿ ಕೆಲಸ ಮಾಡುತ್ತಿರುವವನು.ಪ್ರವಲ್ಲಿಕಾ ಖಾನನಬಗ್ಗೆ ಮುಂಬೈ ಗೆ ಕಳಿಸಿದ ವಿವರಗಳ ವಾಸನೆ ಹಿಡಿದು ಇವಳನ್ನು ಖಾನನಿಗೆ ಒಪ್ಪಿಸಬೇಕೆಂದು ಸಂಚು ಮಾಡುತ್ತಿದ್ದಾನೆ
ಅಂತೂ ಖಾನ ಸಿಗದಿದ್ದರೂ ಅವನ ಬಂಟನಿಗಾದರೂ ಸುದ್ದಿ ಮುಟ್ಟಿಸಿದೆನೆಂದು ಅವನು ತೃಪ್ತಿಯಿಂದ ಮೀಸೆ ಸವರಿಕೊಂಡ
**********************

ಮುಂದಿನರ್ಧ ಗಂಟೆಯಲ್ಲಿ ಪ್ರವಲ್ಲಿಕಾ ಜೀಪೊಂದರಲ್ಲಿ ಕುಳಿತು ದುಬೈನ ಹೊರವಲಯದ ರಸ್ತೆಯಲ್ಲಿ ಸಾಗುತ್ತಿದ್ದಳು ಅವಳನ್ನು ಬೀಳ್ಕೊಟ್ಟ
ಭಾರತೀಯದೂತಾವಾಸದ ಅಧಿಕಾರಿ `ನೀವೇನೂ ಯೋಚಿಸಬೇಡಿ ಮೇಡಂ… ನೀವು ದೇಶಕ್ಕೆ ಮಾಡಿರುವ ಉಪಕಾರ ಅಮೂಲ್ಯವಾದುದು ಇವರು ನಿಮ್ಮನ್ನು ಸುರಕ್ಷಿತವಾಗಿ ಇಂಡಿಯಾ ತಲುಪಿಸುತ್ತಾರೆ’ ಎಂದು ಹೇಳಿ ಕೈ ಕುಲುಕಿದ್ದ. ಅಪ್ಪ ಅಮ್ಮಅಕ್ಕನನ್ನು ಕಾಣುವ ತವಕದಲ್ಲಿರುವ ಪ್ರವಲ್ಲಿಕಾಗೆ ಕಣ್ತುಂಬಾ ಕನಸುಗಳು…!

***

ಪ್ರವಲ್ಲಿಕಾಳನ್ನು ಒಫ್ಫಿಸಿದ್ದಕ್ಕೆ ದೊಡ್ಡಮೊತ್ತದ ಬಹುಮಾನವೇ ನನಗೆ ಕಾದಿದೆ ಎಂದು ಜೊಲ್ಲು ಸುರಿಸಿಕೊಂಡ ಆ ಅಧಿಕಾರಿಗಾಗಲೀ ಪ್ರವಲ್ಲಿಕಾಗಾಗಲೀ ತಿಳಿಯದ ವಿಶಯವೆಂದರೆ ಪ್ರವಲ್ಲಿಕಾಳನ್ನು ಕರೆದೊಯ್ದಿದ್ದು ಮೊಸಾದ್(MOSSAD) ಎಂದು! ಮೊಸಾದ್ ತನ್ನ ಚಾಣಾಕ್ಷತನಕ್ಕಾಗಿ ಜಗತ್ತಿನಾದ್ಯಂತ ಹೆಸರಾಗಿರುವ ಇಸ್ರೇಲಿ ಬೇಹುಗಾರಿಕಾ ಸಂಸ್ಥೆ ಖಾನನ ಪೋನನ್ನು ಟ್ಯಾಪ್ ಮಾಡಿ ಪ್ರವಲ್ಲಿಕ ಎಂಬ ಈ ವ್ಯಕ್ತಿ ಯಾವುದೋ ವ್ಯವಹಾರದ ಪ್ರಮುಖ ಕೊಂಡಿ ಇರಬಹುದೆಂದು ಶಂಕಿಸಿ ಅವಳನ್ನು ಖಾನನ ಬಂಟರು ಬರುವ ಮೊದಲೇ ಕರೆದೊಯ್ದು ಬಿಟ್ಟಿದ್ದರು.

***

ಭಾಗ – 13

ಭರತಖಾನ ಈಗ ಪ್ರವಲ್ಲಿಕಾಳ ಕಡೆಗೆ ತಿರುಗಿದ. ನೋಡಿದಷ್ಟೂ ನೋಡಬೇಕೆನಿಸುವ ಚೆಲುವಿನ ಮುಖ. ಆದರೆ ಈಗ ಅವನಿಗೆ ಸಮಯವಿಲ್ಲ. “ವಲ್ಲೀ, ನಾನು ಬರುವದು ರಾತ್ರಿಯಾಗುತ್ತದೆ. ಬಾತ್ ರೂಮ್ ಉಪಯೋಗಿಸ್ಕೊ. ಕಿಚನ್ ನಲ್ಲಿ ಬೇಕಾದ್ದನ್ನು ಮಾಡಿಕೊಂಡು ತಿನ್ನು. ಆರಾಮಾಗಿ ಟೈಮ್ ಕಳೆ. ಇಂದೇ ನಿನ್ನ ಸುಹಾಗ್ ರಾತ್. …..ತಿಳಿಯಿತೆ? ನಿನಗೆ ಎರಡು options. ಒಂದು ನನ್ನೊಡನೆ ನಿಕಾಹ್ ಮಾಡಿಕೊಂಡು ಸುಖವಾಗಿರು. ಇಲ್ಲಾ……..ಗೊತ್ತಾಯಿತಲ್ಲ?”, ಎಂದು ಅಟ್ಟಹಾಸದಿಂದ ನಕ್ಕ.

“ಇಲ್ನೋಡು, ನಾನು ಹೊರಗಿನಿಂದ lock ಮಾಡಿಕೊಂಡು ಹೋಗುತ್ತಿದ್ದೇನೆ.
ಬೆಂಗಳೂರಿನಲ್ಲಿ ನನ್ನಿಂದ ತಪ್ಪಿಸಿಕೊಂಡು ಹೋದೆಯೆಲ್ಲ, ಅದು ಇಲ್ಲಿ ಸಾಧ್ಯವಿಲ್ಲ.”, ಎಂದು ಮತ್ತೊಮ್ಮೆ ನಕ್ಕ.

“ಸ್ವಾಭಿಮಾನದ ನಲ್ಲೆ, ಸಾಕು ಸಂಯಮ ಬಲ್ಲೆ,
ಈಗ ಟಾಟಾ, ರಾತ್ರಿ ಆಟಾ, ಆಡು ಬಾ ನಲ್ಲೆ!”,
ಎಂದು ಹಾಡುತ್ತ, ಕೀಲಿಕೈ ತಿರುಗಿಸುತ್ತ, ಭರತಖಾನ ಬಾಗಿಲೆಳೆದುಕೊಂಡು ಹೊರ ನಡೆದ.
………………………………………………….
ಪ್ರವಲ್ಲಿಕಾ ಹೆದರುಪುಕ್ಕಿ ನಿಜ, ಆದರೆ ತೀಕ್ಷ್ಣ ಬುದ್ಧಿಯವಳು.ಮನದಲ್ಲಿಯೆ ಯೋಜನೆಯೊಂದನ್ನು ರೂಪಿಸಿಕೊಂಡಳು. ಮೊದಲು ಸ್ನಾನ ಮಾಡಿ ಕಿಚನ್ ಹೊಕ್ಕಳು. ಶಾಕಾಹಾರಿಯಾದ ತನಗೆ ತಿನ್ನಲು ಅಲ್ಲಿ ಬ್ರೆಡ್ ಹಾಗು ಬೆಣ್ಣೆ ಬಿಟ್ಟರೆ ಮತ್ತೇನೂ ಇರಲಿಲ್ಲ. ಅದನ್ನೆ ಅಷ್ಟು ತಿಂದು, ಆ ಮನೆಯ ಶೋಧನೆಯನ್ನು ನಡೆಸಿದಳು. ಅವಳ ಆಶ್ಚರ್ಯಕ್ಕೆ ಭರತಖಾನನ ಕಂಪ್ಯೂಟರ್ ರೂಮಿನಲ್ಲಿ ಕನ್ನಡದಲ್ಲಿ ಬರೆದ ಒಂದು ಫೈಲ್ ಸಿಕಿತು. ಅದರಲ್ಲಿ ಉಗ್ರವಾದಿಗಳು ಇಂಡಿಯಾದಲ್ಲಿ ನಡೆಯಿಸಬೇಕಾದ ಕೆಲವು ಯೋಜನೆಗಳ ರೂಪುರೇಷೆಗಳು. ಇವನ್ನು ಭರತಖಾನ ಕನ್ನಡದಲ್ಲೇಕೇ ಬರೆದಿದ್ದಾನೆ? ಸ್ವಲ್ಪ ಯೋಚನೆಯ ನಂತರ ಅವಳಿಗೆ ಉತ್ತರ ಹೊಳೆಯಿತು. ಉಗ್ರವಾದಿಗಳನ್ನು ಬೇಟೆಯಾಡುತ್ತಿರುವ ಅಮೇರಿಕನ್ ಗುಪ್ತಚರ ಇಲಾಖೆಗೆ ಅರೇಬಿಯನ್ ಬರುತ್ತಿರಬಹುದು, ಆದರೆ ಕನ್ನಡ ಬರುವದಿಲ್ಲ!
ಪ್ರವಲ್ಲಿಕಾ ಕಂಪ್ಯೂಟರ್ ಓಪನ್ ಮಾಡಿದಳು; ಇಂಟರನೆಟ್ ಚಾಲೂ ಮಾಡಿದಳು. ಆ ಫೈಲ್ ನ್ನು ಸ್ಕ್ಯಾನ್ ಮಾಡಿ ಧಾರಿಣಿಯ ಏ-ಮೇಲಿಗೆ ಕಳುಹಿಸಿದಳು. ಅದರ ಜೊತೆಗೆ ಒಂದು ಸಂದೇಶಃ “ನಾನು ಸುರಕ್ಷಿತವಾಗಿದ್ದೇನೆ. ಹೆದರಬೇಡಿ.”
…………………………………………………….
ಭರತಖಾನ ರಾತ್ರಿ ಮರಳಿದಾಗ ಅವನಿಗೆ ಆಶ್ಚರ್ಯ ಕಾದಿತ್ತು. ಅವನ ಮಂಚದ ಮೇಲೆ ಬುರ್ಖಾ ಧರಿಸಿದ ಪ್ರವಲ್ಲಿಕಾ!
“ವಲ್ಲೀ!”, ಭರತಖಾನ ಸಂತೋಷದಿಂದ ಉಸುರಿದ.
“ನಾನು ನಿಮ್ಮವಳು; ಆದರೆ ದಯವಿಟ್ಟು ನನ್ನನ್ನು ಧರ್ಮಾಂತರಿಸಬೇಡಿ”, ಪ್ರವಲ್ಲಿಕಾ ಖಾನನಿಗೆ ವಿನಂತಿಸಿದಳು.
“ಅದು ಮುಂದಿನ ಮಾತು. ಈಗಂತೂ,
‘ಅನಿಸುತಿದೆ ಯಾಕೋ ಇಂದು, ನೀನೇ ನನ್ನವಳೆಂದು!”,
ಎನ್ನುತ್ತ ಭರತಖಾನ ಪ್ರವಲ್ಲಿಕಾಳನ್ನು ಎಳೆದುಕೊಂಡ.

ಪರಮಾನ್ನ ನಾಯಿಯ ಪಾಲಾಯಿತೇ??

***
ಹೊರಕೋಣೆಯ ಸೋಫಾದ ಮೇಲೆ ಪಿಳಿ ಪಿಳಿ ಕಣ್ಣು ಬಿಡುತ್ತಾ ಛಾವಣಿ ನೋಡುತ್ತಿದ್ದ ಪ್ರವಲ್ಲಿಕಾ ತಾನು ಮಾಡಿದ್ದೆಷ್ಟು ಸರಿ ಎಂದು ಚಿಂತಿಸತೊಡಗಿದಳು. ಧಾರಿಣಿಗೆ ಸಂದೇಶ ಕಳಿಸುವಾಗ ಆನ್’ಲೈನ್ ಸಿಕ್ಕಿದ್ದ ತನ್ನ ಗೆಳತಿ ಕಾಂತಿಯೊಂದಿಗೆ ಸೇರಿ ಷಡ್ಯಂತ್ರ ರಚಿಸಿದ್ದಳು. ಖಾನ್ ರಾತ್ರಿ ಮನೆ ಸೇರಿದಾಗ ನಶೆ ಏರಿಸಿಕೊಂಡೇ ಬಂದಿದ್ದ. ಏನೋ ಸಾಧಿಸಿದ ಖುಷಿಯಲ್ಲಿದ್ದ. ಅವನ ತಾಳಕ್ಕೆ ಹೆಜ್ಜೆ ಹಾಕುತ್ತಾ ಅವನನ್ನು ಮತ್ತಷ್ಟು ಮತ್ತನನ್ನಾಗಿಸಿದ್ದಳು. ಅವನ ಹಾಲಿಗೆ ಮನೆಯಲ್ಲಿದ್ದ ಸ್ಕಾಚ್ ಸೇರಿಸಿ ಕುಡಿಸಿದ್ದಳು. ಆತ, ಓಲಾಡುತ್ತಾ ದೀಪವಾರಿಸಿ ಇವಳನ್ನು ಸೆಳೆದುಕೊಂಡು ಮಲಗಿದಾಗ ಅತೀವ ಭಯ ಪಟ್ಟಿದ್ದಳು. ತನ್ನ ಪ್ರಾಣ ಇಲ್ಲೇ ಹೊರಟು ಹೋಗಲಿ, ಪುಂಡನ ಕೈಗೆ ಸಿಕ್ಕಿದೆನಲ್ಲಾ ಎಂದು ಪರಿತಪಿಸಿದ್ದಳು. ಮತ್ತೆ ಮತ್ತೆ ದೇವರನ್ನು ಬೇಡಿಕೊಂಡಿದ್ದಳು.

ದಿಂಬಿಗೆ ತಲೆಯಿರಿಸಿದ ಖಾನ್ ನಿಮಿಷದೊಳಗೆ ನಿದ್ದೆಗೆ ಜಾರಿದ್ದ. ಅವನ ಪರ್ಸಿನ ಜೊತೆಗೆ ಮನೆಯ ಕೀ ಮತ್ತು ಒಂದಿಷ್ಟು ಹಣ ಕೈಗೆ ಸಿಕ್ಕಿತ್ತು. ಕೋಣೆಯನ್ನು ಜಾಲಾಡಿದರೂ ತನ್ನ ಪಾಸ್’ಪೋರ್ಟ್ ಸಿಗಲಿಲ್ಲ. ಈಗೇನು ಮಾಡುವುದೋ ತೋಚದೆ ಮನೆಯಿಂದ ಹೊರಗೆ ಹೋಗುವ ನಿರ್ಧಾರ ಮಾಡಿದಳು. ಮನೆಯ ಕೀ ಜೊತೆಗೆ ಕಾರಿನ ಕೀ ಕೂಡಾ ಇತ್ತು. ತನಗೆ ಡ್ರೈವಿಂಗ್ ಬರುತ್ತೆ, ಆದರೆ, ಪರದೇಶದಲ್ಲಿ, ಪರವಾನಗಿ ಇಲ್ಲದೆ…? ಚಿಂತಿಸುತ್ತಾ ಮನೆಯ ಮುಂದೆ ನಿಂತಿದ್ದ ಕಾರಿನ ಬಾಗಿಲು ತೆರೆದಳು. ಒಳಗೆ ಕೂತು ಒಮ್ಮೆ ಸುತ್ತ ನಿರುಕಿಸಿದಳು, ಸೊಗಸಾದ ಬೆಂಝ್ ಕಾರು. ಗ್ಲೋವ್ ಕಂಪಾರ್ಟ್’ಮೆಂಟಿನಲ್ಲಿ ಇಣುಕಿದಳು. ಒಂದು ಹೊರೆ ಕಾಗದ ಪತ್ರಗಳು… ಅಯಾಚಿತವಾಗಿ ಹೊರಗೆಳೆದಳು, ತನಗೇನಾದರೂ ಪುರಾವೆ ದೊರಕಬಹುದು ಎಂಬ ಆಸೆ, ಯಾವುದೇ ಸುಳಿವು ಸಿಗಬಹುದೆಂಬ ನಿರೀಕ್ಷೆ, ಅವಳಲ್ಲಿತ್ತು. ಎರಡು ನಿಮಿಷಗಳಲ್ಲಿ ಕಿರುನಗೆ ತೇಲಿಸಿಕೊಳ್ಳುತ್ತಾ ಕಾರನ್ನು ಚಲಾಯಿಸಿದಳು. ಅರ್ಧ ಘಂಟೆಯ ಬಳಿಕ ಭಾರತೀಯ ದೂತಾವಾಸದ ಅತಿಥಿಗೃಹದಿಂದ ಮುಂಬಯಿಗೆ, ಕಾಂತಿಯ ಅಪ್ಪನಿಗೆ ಫೋನ್ ಮಾಡಿ, ಕೇಶವನ ಮನೆಯವರಿಗೆ ತನ್ನ ಕ್ಷೇಮದ ಸುದ್ದಿ ತಿಳಿಸಲು ಹೇಳಿದಳು. ಪ್ರವಲ್ಲಿಕಾ ಕಾಂತಿಯ ಅಪ್ಪನಿಗೆ ತಿಳಿಸಿದ ಇನ್ನೂ ಒಂದು ವಿಷಯದಿಂದ ಮರುದಿನ ಬೆಂಗಳೂರಿನ ಆರಕ್ಷಕ ಠಾಣೆಯಲ್ಲಿ ಗಡಿಬಿಡಿ, ಗೊಂದಲ ಉಂಟಾಗುವ ಬಗ್ಗೆ ಯಾರಿಗೂ ಯಾವ ಸುಳಿವೂ ಇರಲಿಲ್ಲ.

***

ಇರುವೆ ಕಷ್ಟ ಪಟ್ಟು ಕಟ್ಟಿದ ಹುತ್ತದಲ್ಲಿ ಹಾವು ವಾಸ ಮಾಡುತ್ತೆ.ಆಕಾಶ ತನ್ನೆಲ್ಲಾ ಬುದ್ದಿಶಕ್ತಿ ಉಪಯೋಗಿಸಿ ಅಸಲಿಯಂತೆಯೇ ಇರುವ ನಕಲಿ ವಿವರಗಳನ್ನೊಳಗೊಂಡ ಪೇಟೆಂಟ್ ಡಾಕ್ಯುಮೆಂಟ್ ತಯಾರು ಮಾಡಿದ್ದ. ಟಿಮ್ ನನ್ನು ಸದ್ಯಕ್ಕೆ ಏಮಾರಿಸಿ ಬಾ ಎಂದು ಪ್ರವಲ್ಲಿಕಾ ಅಶೋಕಾ ಗೆ ಹೊರಡುವಾಗ ನೀಡಿದ್ದ. ಇದರಿಂದ ಲಾಭವಾಗಿದ್ದು ಮಾತ್ರ ಭರತ ಖಾನನಿಗೆ! ಪ್ರವಲ್ಲಿಕಾ ಎಂಬ ಬಿಳಿಯ ಪಾರಿವಾಳ ತಪ್ಪಿಸಿಕೊಂಡು ಹೋಯಿತೆಂಬುದೇನೋ ನಿಜ . ಆದರೆ ಒಂದು ಬಿಲಿಯನ್ ಡಾಲರ್ ಲಾಭ ಮಾಡಿ ಕೊಟ್ಟು ಹೋಯಿತಲ್ಲ ಎಂದು ಸಂತೋಷದಿಂದ ಬೀಗಿದ ಭರತ ಖಾನ್. ಅದು ನಡೆದದ್ದು ಹೀಗೆ…ಟಿಮ್ ತನ್ನ ಬಾಸ್ ಜೋಯಿಯನ್ನು ಸಂಪರ್ಕಿಸಿ ಖಾನನ ಬೇಡಿಕೆ ಯನ್ನು ತಿಳೀಸಿದ ಆದರೆ ಇಂಥಾ ಬಿಲಿಯನ್ ಡಾಲರ್ ವಿಶಯದಲ್ಲಿ ಜೋಯಿ ಏಕಾಏಕಿ ನಿರ್ಧಾರ ಕೈಗೊಳ್ಳುವಂತಿರಲಿಲ್ಲ…ಸಹಜವಾಗಿಯೇ ಒಂದಿಷ್ಟು ವಿಳಂಬವಾಯಿತು …ಸಹನೆ ಕಳೆದುಕೊಂಡ ಖಾನ ಆ ದೈತ್ಯ ಕಂಪನಿಯ ಎದುರಾಳಿ ಮೂರನೆಯ ಕಂಪನಿ ವೀಎಕ್ಸ್ ಗೆ ಒಂದು ಬಿಲಿಯನ್ ಡಾಲರ್ ಗೆ ಆಕಾಶ ಬರೆದ ಪೇಟೆಂಟ್ ಅನ್ನು ಮಾರಿಬಿಟ್ಟ. ಆಕಾಶನದು ಅಗಾಧ ಬುದ್ದಿ, ಆದರೆ ಏನು ಪ್ರಯೋಜನ…? ದುಡ್ದು ಮಾಡಿದವ ಖಾನ್. ವೀಎಕ್ಸ್ ನ ಪ್ರಮುಖರಿಗೆ ಖಾನ ಮಾಡಿದ ಮೋಸ ಇವತ್ತಲ್ಲ ನಾಳೆ ತಿಳಿದೇ ತಿಳಿಯುತ್ತದೆ ಮತ್ತು ಮಿಡ್ಲ್ ಈಸ್ಟ್ ನ ಲ್ಲಿ ವೀಎಕ್ಸ್ ನ ಬೇರುಗಳು ಆಳವಾಗಿವೆ. ನಂತರ ಖಾನ ನ ಗತಿ ಏನಾಗಬಹುದು..?

ಭಾಗ – 12

ಧಾರಿಣಿಯ ಸುರಕ್ಷತ ವಾಪಸಾತಿಗಾಗಿ ಶಾಸ್ತ್ರಿಗಳು ಇಟ್ಟುಕೊಂಡಿದ್ದ ಪೂಜೆಗೆ ಕೇಶವ ದಂಪತಿಗಳೂ ಪ್ರವಲ್ಲಿಕಾಳೂ ಹಳ್ಳಿಗೆ ಬಂದಿದ್ದರು.ಅಂದು ಬಂದ ಕಾಗದಗಳನ್ನು ಪೋಸ್ಟ್ ಮ್ಯಾನ್ ನಿಂದ ತೆಗೆದು ಕೊಂಡ ಪ್ರವಲ್ಲಿಕಾ ಎಲ್ಲವನ್ನೂ ಒಡೆದು ನೋಡುತ್ತಿದ್ದಳು. ತಾವು ಪೋಸ್ಟ್ ಮಾಡಿದ ಕಾಂತಿಯ ಜಾತಕವೂ ಅದರಲ್ಲಿತ್ತು ನೋಡು ನಮ್ ಪೋಸ್ಟಲ್ ಸಿಸ್ಟಮ್ಮು ನಾವು ಬಂದ ಮೇಲೆ ಇದು ಬಂದಿದೆ ಅಂತ ಹೇಳುತ್ತಾ ಅದನ್ನು ಒಡೆದವಳು ಬೆಚ್ಚಿದಳು ಅಲ್ಲಿ ಕಾಂತಿಯ ಜಾತಕದ ಬದಲಿಗೆ ಧಾರಿಣಿ ಅವಳಿಗೆ ಕೊಟ್ಟ. ಪತ್ರವಾಗಿತ್ತು! ಆಕಾಶನ ಮೊಗ ನೋಡುತ್ತಾ ಕೆಂಪು ಕೆಂಪಾಗುತ್ತಾ ಕಾಂತಿ ಪತ್ರಗಳನ್ನು ಅದಲು ಬದಲು ಮಾಡಿ ತಪ್ಪು ಮಾಡಿಬಿಟ್ಟಿದ್ದಳು! ಕೇಶವ ಅವತ್ತೇ ಸಂಜೆ ವಾಪಸ್ಸು ಹೊರಟವರು `ನಮ್ಮದೇ ಬೀದಿಯಲ್ಲಿರುವ ನನ್ನಸ್ನೇಹಿತರ ಮಗ ಇವತ್ತು ರಾತ್ರಿಯೇ ಅಮೇರಿಕಾಗೆ ಹೊರಡುತ್ತಿದ್ದಾನೆ ಅವನಿಗೆ ಈ ಕಾಗದವನ್ನು ತೊಗೊಂಡು ಹೋಗಿ ಅಲ್ಲೇ ಪೋಸ್ಟ್ ಮಾಡು ಎಂದು ಹೇಳುತ್ತೇನೆ ಅಂತ ಪ್ರವಲ್ಲಿಕಾಳಿಂದ ಅ ಪತ್ರವನ್ನು ಹುಶಾರಾಗಿ ತೆಗೆದುಕೊಂಡು ಅದರಂತೆ ಆರಾತ್ರಿಯೇ ಅದು ಅಮೇರಿಕ ಸೇರುವಂತೆ ಏರ್ಪಾಡು ಮಾಡಿಬಿಟ್ಟರು.
********************
ಗಿರಿಯ ಕೈಯಿಂದ ತೆಗೆದುಕೊಂಡಲಕ್ಕೋಟೆ ಒಡೆದ ಟಿಮ್ ನಿಗೆ ಅದರಲ್ಲಿದ್ದ ಮೋಡಿ ಬರಹ ಓದಲಾಗಲಿಲ್ಲ ಗಿರಿಗೇ ವಾಪಸ್ಸು ಕೊಟ್ಟು ಅದೇನೆಂದು ಓದುವಂತೆ ಹೇಳಿದ `ಆದಿತ್ಯಾದಿ ಗೃಹಾಸ್ಸರ್ವೇ….ಪದವೀ ಪೂರ್ವ ಪುಣ್ಯಾನಾಂ ಲಿಖ್ಯತೇ ಜನ್ಮ ಪತ್ರಿಕಾ….ರಾಜಾರಾವ್ ಅವರ ಧರ್ಮಪತ್ನಿ ವಿಜಯಮ್ಮನವರ ಗರ್ಭಸುಧಾಂಭುದಿಯಲ್ಲಿ…..ಕನ್ಯಾರತ್ನ ಜನನ…’ಗಿರಿ ತೊದಲುತ್ತಾ ನಡುಗುತ್ತಾ ಓದಿದಾಗ ಟಿಮ್ ಕಕ್ಕಾಬಿಕ್ಕಿಯಾದ ಶಶ್ ಕಷ್ಟ ಪಟ್ಟು ಉಸಿರು ಹಿಡಿದುಕೊಂಡ. ಧಾರಿಣಿ ನಿಂತ ಜಾಗದಲ್ಲೇ ಕಲ್ಲಾಗಿದ್ದಳು.
***

ದುಬೈಗೆ ಹಾರಿದ ಭರತಖಾನ ಕುದಿಯುತ್ತಲಿದ್ದ. ಒಬ್ಬ ಯಃಕಶ್ಚಿತ ಹುಡುಗಿ ತನ್ನ ಬಲೆಯಿಂದ ತಪ್ಪಿಸಿಕೊಂಡಿದ್ದು ಅವನಿಗೆ ನುಂಗಲಾರದ ತುತ್ತಾಗಿತ್ತು. ಅಲ್ಲದೆ ಕಾಫರರ ವಿರುದ್ಧದ ಕಾಳಗ ಇನ್ನೂ ಕೊನೆಗೊಂಡಿರಲಿಲ್ಲ. ಇದೀಗ ಬೆಂಗಳೂರಿನಲ್ಲಿ, ಅಶೋಕಾ ಹೊಟೆಲ್ಲಿನಲ್ಲಿ ಪ್ರಧಾನ ಮಂತ್ರಿಗಳ ಕಾರ್ಯಕ್ರಮವಿರುವದನ್ನು ತಿಳಿದ ಭರತಖಾನ ಮತ್ತೆ ಬೆಂಗಳೂರಿಗೆ ಭೆಟ್ಟಿ ಕೊಡಲು ನಿರ್ಧರಿಸಿದ. ಇದರಲ್ಲಿ ಅವನಿಗೆ ಎರಡು ಉದ್ದೇಶಗಳಿದ್ದವುಃ ಮೊದಲನೆಯದು ಪ್ರಧಾನ ಮಂತ್ರಿಗಳ ಕಾರ್ಯಕ್ರಮದಲ್ಲಿಯ ರಕ್ಷಣಾ ವ್ಯವಸ್ಥೆಯಲ್ಲಿಯ ಬಿರುಕುಗಳ ಅಭ್ಯಾಸ ಮಾಡುವದು.ಎರಡನೆಯದಾಗಿ, ಸಾಧ್ಯವಾದರೆ ತನಗೆ ಕೈಕೊಟ್ಟ ಪಾರಿವಾಳಕ್ಕೆ ಮತ್ತೆ ಬಲೆ ಬೀಸುವದು.

**********
‘ಪ್ರೆಸ್ ‘ ಎನ್ನುವ ಸ್ಟಿಕರ್ ಅಂಟಿಸಿಕೊಂಡಿದ್ದ ಮಹೇಂದ್ರಾ ವ್ಯಾನ್ ದಿಂದ ನೆಹರೂ ಜುಬ್ಬಾ, ಪಾಯಜಾಮ ಧರಿಸಿದ ಭರತಖಾನ ತನ್ನ ಕರಿಯ ಕನ್ನಡಕವನ್ನು ಸರಿಪಡಿಸಿಕೊಳ್ಳುತ್ತ ಕೆಳಗಿಳಿದ. ಅಶೋಕಾ ಹೊಟೆಲ್ಲಿನ ರಕ್ಷಣಾ ಕೋಟೆ ಅಭೇದ್ಯವಾಗಿತ್ತು. ತನ್ನ ಬಗಲ ಚೀಲದಲ್ಲಿ ಇಟ್ಟುಕೊಂಡಿದ್ದ ಪ್ರೆಸ ಕ್ರೆಡೆನ್ಶಿಯಲ್ ಗಳನ್ನು ಹೊರ ಬಾಗಿಲ ಕಾವಲುಗಾರನಿಗೆ ತೋರಿಸುತ್ತಿರುವಾಗ, ಅವನಿಗೆ ಪೆಚ್ಚು ಮುಖ ಹಾಕಿಕೊಂಡು ಅಲ್ಲಿಯೇ ನಿಂತಿದ್ದ ಪ್ರವಲ್ಲಿಕಾ ಕಾಣಿಸಿದಳು. ಭರತಖಾನನನ್ನು ಈ ವೇಷದಲ್ಲಿ ಗುರುತಿಸಲು ಮಫ್ತಿಯಲ್ಲಿದ್ದ ಏ.ಸಿ.ಪಿ.ಗೇ ಸಾಧ್ಯವಾಗದಾಗ, ಮುಗ್ಧ ಪ್ರವಲ್ಲಿಕಾಳಿಗೆ ಸಾಧ್ಯವೇ? ಭರತಖಾನ ಪ್ರವಲ್ಲಿಕಾಳ ಬಳಿ ಸಾರಿ “ಹಲೊ!” ಎಂದ. ಪ್ರವಲ್ಲಿಕಾ ಈತನೇ ತನ್ನ contact ಇರಬೇಕೆಂದು ಬಗೆದು, ”ನಿಮಗೆ ಬೇಕಾದ ಮಾಹಿತಿಯನ್ನೆಲ್ಲ ತಂದಿದ್ದೇನೆ. ನನ್ನ ಅಕ್ಕನನ್ನು ಬಿಟ್ಟು ಬಿಡಿ”, ಎಂದು ತೊದಲಿದಳು. ಭರತಖಾನನ ಪಾದರಸದಂತಹ ಬುದ್ಧಿಗೆ ತಕ್ಷಣವೇ ಇದೊಂದು ‘ಕಿಡ್ ನ್ಯಾಪ್-ಬ್ಲ್ಯಾಕ್ ಮೇಲ್’ ಪ್ರಸಂಗವೆಂದು ಹೊಳೆಯಿತು.
“ಆಯಿತು, ನನ್ನ ಜೊತೆಗೆ ಬಾ”, ಎಂದು ಅವಳನ್ನು ಕರೆದುಕೊಂಡೊಯ್ದು ತನ್ನ ವ್ಯಾನಿನಲ್ಲಿ ಹತ್ತಿಸಿದ. ಮಹೇಂದ್ರಾ ಶರವೇಗದಿಂದ ಭರತಖಾನನ ಗುಪ್ತಸ್ಥಾನಕ್ಕೆ ಓಡಿತು.

ಅಂದೇ ರಾತ್ರಿ ಭರತಖಾನ ದುಬೈಗೆ ಪ್ಲೇನಿನಲ್ಲಿ ಹಾರಿದ. ಜೊತೆಗೆ ಬುರ್ಖಾಧಾರಿಣಿಯಾದ ಅವನ ಹೆಂಡತಿ. ದುಬೈ ತಲುಪಿದ ಬಳಿಕ, ಭರತಖಾನ ಧಾರಿಣಿಯ ಮೊಬೈಲಿಗೆ ಪ್ರವಲ್ಲಿಕಾಳ ಕಡೆಯಿಂದ ಫೋನು ಮಾಡಿಸಿ, ಅದರಲ್ಲಿ ನಮೂದಾದ ಟಿಮ್ ನ ಮೊಬೈಲ ನಂಬರ ಇಸಿದುಕೊಂಡ.
*************
ಟಿಮ್ ನ ಮೊಬೈಲ್ ಗುಣಗುಣಿಸಿತು.
“ಹಲೊ ಟಿಮ್, ನಿನಗೆ ಬೇಕಾದ ಮಾಹಿತಿ ನನ್ನ ಹತ್ತಿರ ಇದೆ”, ಎನ್ನುವ ಧ್ವನಿ.
“ಯಾರು ನೀನು?”
“ಅದೆಲ್ಲ ಬೇಡ, ಒಂದು ಬಿಲಿಯನ್ ಡಾಲರ್ ಕೊಡಲು ಸಿದ್ಧವಿದ್ದರೆ ಇದೇ ನಂಬರಿಗೆ ಉತ್ತರ ನೀಡು. ನೆನಪಿರಲಿ, ನಾನು ನಿನ್ನ ಹೊಲಸು ಅಮೇರಿಕಾ ದೇಶದಲ್ಲಿಲ್ಲ. ನನ್ನನ್ನು ಹಿಡಿಯಲು ನಿನ್ನ ಹೊಲಸು ಪ್ರೆಸಿಡೆಂಟನಿಗೂ ಸಾಧ್ಯವಿಲ್ಲ”, ಫೋನ್ ಬಂದಾಯಿತು.

ಭಾಗ – 11

ಪ್ರವಲ್ಲಿಕ ಮತ್ತಿತರರು ಸುಧಾರಿಸಿಕೊಳ್ಳುವಷ್ಟರಲ್ಲಿ ಮತ್ತೊಮ್ಮೆ ರಾಜೀವನ ಪೋನ್ ಬಂತು `ಧಾರಿಣಿಯ ವಿಶಯ ಏನಾದ್ರೂ ಗೊತ್ತಾಯಿತಾ ಅಂತ ಕೇಳಿದಾಗ ಅವರು ಧಾರಿಣಿಯಿಂದ ಹೀಗೊಂದು ವಿಚಿತ್ರ ಕರೆ ಬಂದಿತ್ತು ಎಂದು ವಿಶಯ ತಿಳಿಸಿದರು ರಾಜೀವನಿಗೂ ಧಾರಿಣಿಯ ಕರೆಯ ಮರ್ಮ ತಿಳಿಯಲಿಲ್ಲ…ಅದಕ್ಕೆ ರಾಜೀವ `ಹೌದಾ…ಸರಿ ಧಾರಿಣಿ ಗೆ ಒಲೀವಿಯಾ ಅನ್ನುವವಳು ಈಗ ಕಾಲ್ ಮಾಡಿದ್ದಳು ಅವಳಿಗೆ ಧಾರಿಣಿ ಕೆಲವು ಮುಖ್ಯಪತ್ರಗಳನ್ನು ಪೋಸ್ಟ್ ಮಾಡುವುದಾಗಿ ಹೇಳಿದ್ದಳಂತೆ ನಿಮಗೇನಾದರೂ ಆ ವಿಶಯ ಗೊತ್ತಾ? ಅಂತ ಕೇಳಿದ ಅದಕ್ಕೆ ಕಾಂತಿ `ಹೌದು ಪ್ರವಲ್ಲಿಕಾ ಗೆ ಧಾರಿಣಿ ಪೋಸ್ಟ್ ಮಾಡಲು ಕೊಟ್ಟಿದ್ದಳು ಅದೇನೆಂದು ತೆಗೆದು ನೋಡಿದೆವು ವರ್ಜೀನಿಯಾದ ಅಲೆಕ್ಸಾಂಡ್ರಿಯಾ ದಲ್ಲಿರುವ United States Patent and Trademark Office (USPTO) ಗೆ ತಲುಪಿಸುವಂತೆ ಪೇಟೆಂಟ್ ಲೈಸನ್ಸ್ ಕಂಪನಿಯೊಂದಕ್ಕೆ ಧಾರಿಣಿ ಕಳಿಸಿದ ಅವಳು ಸಹಿ ಮಾಡಿದ Oath Declaration ಅದು ಆದರೆ ನನಗ್ಯಾಕೋ ಅದು ಇನ್ಕಂಪ್ಲೀಟ್ ಅನ್ನಿಸಿತು ಹೇಗಾದರೂ ಆಗ್ಲೀ ಅಂತ…ಇವತ್ತು ಪೋಸ್ಟ್ ಮಾಡಲು ಇನ್ನೂ ಕೆಲವು ಪತ್ರಗಳಿತ್ತು ಅವುಗಳೊಂದಿಗೆ ಪೋಸ್ಟ್ ಮಾಡಿಬಿಟ್ಟೆವು ಅದಾದರೂ ಇದ್ದಿದ್ದರೆ ಈಗ ಪ್ರವಲ್ಲಿಕಾ ಅದನ್ನೇ ಅಶೋಕಾ ಗೆ ತಗೊಂದು ಹೋಗಬಹುದಿತ್ತು ಅಂದಳು ಅವನು ಚಿಂತೆಯಿಂದಲೇ ಪೋನಿಟ್ಟದ್ದು ಇಲ್ಲಿವರಿಗೆ ವೇದ್ಯವಾಯಿತು.

ಮುಂದಿನ ಹೆಜ್ಜೆ ಯೋಚಿಸಲು ನೆಲೆಸಿದ್ದ ಗಂಭೀರ ವಾತಾವರಣವನ್ನು ತಿಳಿ ಮಾಡುವುದು ಅವಶ್ಯವೆಂದರಿತ ಪ್ರವಲ್ಲಿಕಾ ಕಾಂತಿಯನ್ನು ತಮಾಶೆ ಮಾಡಿದಳು`ಇವತ್ತು ಪೋಸ್ಟ್ ಮಾಡಕ್ಕೆ ಇನ್ನೂ ಕೆಲವು ಪತ್ರಗಳಿತ್ತಾ ಕಾಂತಿ…ಯಾಕಮ್ಮಾ ನಾಚ್ಕೋತೀಯಾ ನಿಮ್ಮಪ್ಪ ಮೈಲ್ ಮಾಡಿದ್ದ ನಿನ್ ಜಾತಕನ ಪ್ರಿಂಟ್ ಔಟ್ ತೆಗೆದು ಶಾಸ್ತ್ರಿ ಅಂಕಲ್ ಗೆ ಕಳಿಸಿದೆವು ಅಂತ ಹೇಳ ಬಾರದೇ….’ಎಂದಳು ಕಾಂತಿ ಅರೆ ಗಳಿಗೆ ಕೆಂಪಾದವಳು ಸುಧಾರಿಸಿಕೊಂಡು `ಈಗ ಮುಂದಿನ ದಾರಿ ಏನು…?’ಅಂದಳು ಅದಕ್ಕೆ ಆಕಾಶ್ `ಧಾರಿಣಿಯ ಆವಿಶ್ಕಾರದ ಬಗ್ಗೆ ಅಲ್ಪ ಸ್ವಲ್ಪ ನನಗೆ ಗೊತ್ತು ನಾನೊಂದು ನಕಲಿ ಪತ್ರ ತಯಾರು ಮಾಡುತ್ತೇನೆ ಪ್ರವಲ್ಲಿಕಾ ಅದನ್ನು ತೊಗೊಂಡು ಅಶೋಕ ಹೋಟೆಲ್ ಗೆ ಹೋಗಲಿ ಅಟ್ ಲೀಸ್ಟ್ ವಿ ಕ್ಯಾನ್ ಬೈ ಸಂ ಟೈಂ …’ಅಂದ.

ಟಿಮ್ ಅಶೋಕ ದಿಂದ ಧುಮುಗುಟ್ಟುತ್ತಾ ವಾಪಸ್ಸು ಬಂದ ಅಶೋಕಾದಲ್ಲಿ Indian Industries Association (IIA)ದವರು ಅಂದು ಏರ್ಪಡಿಸಿದ್ದ ಕಾರ್ಯಕ್ರಮದಲ್ಲಿ ಪ್ರಧಾನಮಂತ್ರಿಗಳು ಪಾಲ್ಗೊಂಡಿದ್ದರಿಂದ ಅವನಿಗೆ ಅಶೋಕಾದೊಳಗೆ ಹೋಗಲು ಸೆಕ್ಯೂರಿಟಿ ಸಿಬ್ಬಂದಿ ಬಿಡಲಿಲ್ಲ ಜೊತೆಗೆ ಬೆಂಗಳೂರಿನ ತಲೆ ಚಿಟ್ಟು ಹಿಡಿಸುವ ಟ್ರ್ಯಾಫಿಕ್ ಬೇರೆ …ತಲೆ ಓಡದೇ ಒಂದು ಚಿಲ್ಲ್ಡ್ ಬಿಯರ್ ಕುಡಿಯುವಾ ಅಂತ ಸೀದಾ ತನ್ನ ರೂಮಿಗೆ ಹೋರಟವನಿಗೆ ಶಶ್ ಯಾನೇ ಶಶಾಂಕ ಎದುರಾದ ಶಶ್ ನ ಕೈಲಿ ಪ್ಲ್ಯಾಸ್ಟಿಕ್ ಬ್ಯಾಗ್ ಒಂದಿತ್ತು.`ಹೌ ಈಸ್ ಶೀ…?’ ಧಾರಿಣಿ ಬಗ್ಗೆ ವಿಚಾರಿಸಿದ ಟಿಮ್ `ನಾಟ್ ಗುಡ್ ಟಿಮ್ ಅವಳು ಮಧ್ಯಾನ ಲಂಚ್ ಮುಟ್ಟಲಿಲ್ಲ…’ಅಂದ ಶಶ್ ` ಏಕೆ?’ಟಿಮ್ ಪ್ರಶ್ಣಿಸಿದ ಹಿಂದೂ ಗಳ ಆಚಾರ ವಿಚಾರಗಳು ನಿನಗೆ ಅಲ್ಪ ಸಲ್ಪ ಗೊತ್ತಿರಬೇಕು ಟಿಮ್ ನಾವೆಶ್ಟೇ ಮುಂದುವರೆದರೂ ಕೆಲವು ವಿಶಯಗಳಲ್ಲಿ ಸಂಪ್ರದಾಯ ಬಿಟ್ಟುಕೊಡುವವರಲ್ಲ ಇವತ್ತು ಶುಕ್ರವಾರವಲ್ಲವೇ…ಅವಳು ಲಲಿತಾ ಸಹಸ್ರ ನಾಮ ಹೇಳಿಕೊಳ್ಳದೇ ಏನೂ ತಿನ್ನುವುದಿಲ್ಲವಂತೆ ನಿಮ್ಮಗಳಿಗೆ ಭಾನುವಾರ ಚರ್ಚಿಗೆ ಹೋಗದಿದ್ದರೆ ಹೇಗೆ ಮನಸ್ಸು ತಡೆಯುವುದಿಲ್ಲವೋ ಹಾಗೆ… ಅದಕ್ಕೆ ಅವಳು ಸ್ವಲ್ಪ ಏನಾದರೂ ತಿನ್ನಲೀ ಅಂತ ಇವನ್ನು ಒಯ್ಯುತ್ತಿದ್ದೇನೆ ಅಂದು ತನ್ನ ಕೈಲಿದ್ದ ಸಾಮಾನು ತೋರಿಸಿದ ಟಿಮ್ ಯಾರನ್ನೂ ನಂಬುವವನಲ್ಲ ಶಶ್ ನ ಕೈನಿಂದ ಬ್ಯಾಗ್ ತೆರೆದು ಅದರಲ್ಲಿದ್ದ ಸಾಮಾನು ಪರೀಕ್ಷಿಸಿದ ಅದರಲ್ಲಿದ್ದದು ಒಂದು ಆರಿಂಚು ಉದ್ದದ ದೇವಿಯ ಶ್ರೀಗಂದದ ಪ್ರತಿಮೆ ಒಂದಿಷ್ಟು ಕುಂಕುಮದ ಪೊಟ್ಟಣ ಮತ್ತು ಶಶ್ ತನ್ನ ಪ್ರಿಂಟರ್ ನಲ್ಲಿ ತೆಗೆದಿದ್ದ ಇಂಗ್ಲಿಶ್ ಲಿಪಿಯಲ್ಲಿದ್ದ ಲಲಿತಾ ಸಹಸ್ರನಾಮದ ಪ್ರಿಂಟ್ ಔಟ್ ಟಿ ಮ್ ಅದರಲ್ಲಿದುದು ಓದಲು ಯತ್ನಿಸಿದ.

Om shrimata shrimaharagyi shrimatsimha saneshvari
Chidagni kundasambhuta devakarya samudyata …..

Shrimata: Salutations to the Divine Mother, who is the Mother of all.
Shri-mahararagni: Great Empress of the whole Universe.
Shrimat-simhasaneshvari: Great Sovereign, enthroned on the lion’s back.
Chidagni kundasambhuta: Who came out of the fire of Pure Consciousness.
Devakarya samudyata: Who promotes the cause of Divine forces….

ಟಿಮ್ ನಿಗೆ ಮೊದಲಿಗೆ ನಾಲಿಗೆ ತಿರುಗಲಿಲ್ಲ ನಂತರ ಇಂಗ್ಲಿಶ್ ನಲ್ಲಿದ್ದ ಅರ್ಥ ಓದಿದಾಗ ಅದರಲ್ಲೇನೂ ವಿಶೇಶ ಕಾಣಲಿಲ್ಲವಾದ್ದರಿಂದ ಏನೋ ಹೇಳಿಕೊಳ್ಳಲಿ ಬಿಡು ಅಂದು ಕೊಂಡು ಶಶ್ ನಿಗೆ ಸಹಸ್ರನಾಮವಿದ್ದ ಕಾಗದಗಳನ್ನು ವಾಪಸು ಮಾಡಿದ ದೇವಿಯ ವಿಗ್ರಹ ವನ್ನು ಮೂಗಿನ ಬಳಿ ಇಟ್ಟುಕೊಂಡು ವಾಸನೆ ನೋಡಿ ತುಂಬಾ ಚೆನ್ನಾ ಗಿದೆ ವಾಸನೆ…ನಾನು ಅಮೇರಿಕಾ ಗೆ ವಾಪಸು ಹೋಗುವಾಗ ನನಗೂ ಏನಾದರೂ ಸ್ಯಾಂಡಲ್ ವುಡ್ ನ ಸಾಮಾನು ಕೊಡಿಸು ಅಂದ.

ಶಶ್ ಧಾರಿಣಿ ರೂಮಿಗೆ ಬಂದು ತನ್ನ ಕೈಲಿದ್ದ ಸಾಮಾನು ಕೊಡುತ್ತಾ ` ಟೇಕ್ ದೀಸ್…ಫಿನಿಶ್ ಯುವರ್ ಚಾಂಟಿಂಗ್ ಅಂಡ್ ಹ್ಯಾವ್ ಸಂ ಪುಡ್…’ ಅಂದ ಧಾರಿಣಿ ಸ್ವಲ್ಪ ಅಚ್ಚರಿ ಪಡುತ್ತಾ ಅವನ ಕೈಲಿದ್ದ ಸಾಮಾನು ತೆಗೆದು ಕೊಂಡಳು. ಏಕೆಂದರೆ ಮೊದಲಿಗೆ ಅವಳು ದೇವರನ್ನು ನಂಬುವುದು ಬಿಟ್ತು ಹಲವು ವರ್ಷಗಳಾಗಿತ್ತು ನಿಖರವಾಗಿ ಹೇಳ ಬೇಕೆಂದರೆ ಆರು ವರ್ಶ ಒಂದು ಇರುವೆಯನ್ನೂ ನೋಯಿಸದ ತನ್ನಣ್ಣ ಪ್ರತಾಪ ಎಂದು ಬೂದಿಯಾದನೋ ಅಂದಿಗೆ ಅವಳಿಗೆ ದೇವರ ಮೇಲಿದ್ದ ಭಕ್ತಿ ಕೊನೆಯಾಗಿತ್ತು ಎರಡನೆಯದಾಗಿ ಅವಳು ಆ ಸಾಮಾನುಗಳಿಗಾಗಿ ಅವನನ್ನು ಕೇಳಿರಲೇ ಇಲ್ಲ!

ಟಿಮ್ ತನ್ನ ಸಹಾಯಕ ಗಿರಿಯ ಮೂಲಕ ಪ್ರವಲ್ಲಿಕಾ ಳ ಹಾಸ್ಟೆಲ್ ನಲ್ಲಿ ವಿಚಾರಿಸಿ ಧಾರಿಣಿ ಹೇಳಿದ್ದು ನಿಜವೆಂದು ಖಾತ್ರಿ ಮಾಡಿಕೊಂಡ ಧಾರಿಣಿಗೆ ಪ್ರವಲ್ಲಿಕಾ ಎಂಬ ತಂಗಿ ಇದ್ದಾಳೆಂಬುದು ನಿಜ …ಹಾಗಾದರೇನು ಮಾಡುವುದು ಈಗ ಎಂದು ಕೊಳ್ಳುತ್ತಾ ಪ್ರವಲ್ಲಿಕಾ ಹಾಸ್ಟೆಲ್ ನಲ್ಲಿ ಲೋಕಲ್ ಗಾರ್ಡಿಯನ್ ಎಂದು ಕೊಟ್ಟಿದ್ದ ಕೇಶವನ ಮನೆ ಅಡ್ರೆಸ್ ತೆಗೆಸಿಕೊಂಡ ಕೇಶವನ ಮನೆಗೆ ನುಗ್ಗಿ ಧಾರಿಣಿಯನ್ನು ಎಳೆತರುವುದೇನು ದೊಡ್ಡ ಕೆಲಸವಲ್ಲ ಈಗಾಗಲೇ ಬಿಳಿಯನಾದ ನನ್ನ ಮೇಲೆ ಒಬ್ಬಳನ್ನು ಕರೆತಂದಾಗಲೇ ಯಾರಿಗಾದರೂ ಸಂದೇಹ ಬಂದಿರಬಹುದು ತನ್ನನ್ನು ಯಾರಾದರೂ ಗುರುತು ಹಿಡಿದರೆ ಕಷ್ಟ ಎಂದು ಕೊಳ್ಳುತ್ತಾ ಗಿರಿಯನ್ನು ಕಳಿಸೋಣವೇ ಅಂದುಕೊಂಡ ನಂತರ ಬೇಡವೆಂದು ಗಿರಿಗೆ ಈವಿಳಾಸದ ಮನೆಯ ಮೇಲೆ ಒಂದು ಕಣ್ಣಿಡು ಅಂತ ಸೂಚನೆ ಕೊಟ್ಟ.

ಧಾರಿಣಿ ಮುಂದೇನು ಮಾಡುವುದೆಂದು ಯೋಚಿಸುತ್ತಿದ್ದಾಳೆ ಮಧ್ಯಾನ್ಹ ಟಿಮ್ ಇಲ್ಲದ ಸಮಯ ಸಾಧಿಸಿ ತನ್ನ ರೂಮಿಗೆ ಚೈನೀಸ್ ನೂದಲ್ಸ್ ತುಂಬಿದ ತಟ್ಟೇ ತಂದಿತ್ತ ಶಶ್ ಅವಳಿಗೆ ಒಂದಿಷ್ಟು ಭರವಸೆ ತೋರಿದಂತೆ ಅನ್ನಿಸಿತ್ತು ಇವ್ನೇನೋ ಭಾರೀ ಬುದ್ದಿವಂತ ಅಂದುಕೊಂಡರೆ ನಿನ್ನ ಬಿಡುಗಡೆಗಾಗಿ ದೇವರನ್ನು ಪ್ರಾರ್ಥಿಸು ಅಂತ ಕುಂಕುಮದ ಪೊಟ್ಟಣ ತಂದು ಕೊಟ್ಟಿದ್ದಾನೆ ಅಂತ ಬೈದುಕೊಂಡಳು ಮಧ್ಯಾನ ನಡೆದ ಸಂಗತಿಯನ್ನು ಮತ್ತೆ ಮೆಲಕು ಹಾಕಿಕೊಂಡಳು ನೂಡಲ್ಸ್ ಮೇಲೆ ಟೊಮೇಟೋ ಸಾಸ್ ನಿಂದ I help U’ಅಂತ ಬರೆದು ಸಿ.ಸಿ ಕ್ಯಾಮೆರಾ ಅತ್ತಿಂದಿತ್ತ ಹರಿಯುವುದರೊಳಗಾಗಿ ಅದನ್ನು ನೂಡಲ್ಸ್ ನೊಂದಿಗೆ ಕಲೆಸಿ ಬಿಟ್ಟಿದ್ದ ಶಶ್.ಇವಳು ವಾವ್ ಅಂದುಕೊಂಡು ಆ ಸಾಸ್ ಮಯ ನೂಡಲ್ಸ್ ಅನ್ನು ಕಷ್ಟ ಪಟ್ಟು ತಿಂದು ಏನೋ ಸಹಾಯ ನಿರೀಕ್ಷಿಸುತ್ತಿದ್ದರೆ ದೇವಿ ವಿಗ್ರಹವನ್ನೂ ಕುಂಕುಮ ಪೊಟ್ಟಣವನ್ನೂ ತಂದು ಕೊಟ್ಟಿದ್ದನ್ನು ನೋಡಿ ಅವಳಿಗೆ ನಿರಾಸೆಯಾಗಿಬಿಟ್ಟಿತ್ತು ಮತ್ತೆ ಯೋಚಿಸಿದಳು ಶಶ್ ಇವುಗಳ ಮೂಲಕ ಏನೋ ಹೇಳಲು ಪ್ರಯತ್ನಿಸುತ್ತಿದ್ದಾನೆ ಅನ್ನಿಸಿತು ವಿಗ್ರಹವನ್ನೂ ಪೊಟ್ಟಣಗಳನ್ನೂ ಪರೀಕ್ಷಿಸಿದಳು. ಏನೂ ಹೊಳೆಯಲಿಲ್ಲ. ಲಲಿತಾ ಸಹಸ್ರ ನಾಮದ ಕಾಗದಗಳನ್ನು ತೆಗೆದುಕೊಂಡು ಓದಲಾರಂಭಿಸಿದಳು ಅದು ಅವಳು ಚಿಕ್ಕಂದಿನಲ್ಲಿ ಕಲಿತದ್ದೇ ಸ್ಕೂಲು ಹುಡುಗಿಯರಾಗಿದ್ದಾಗ ಶಾರದಮ್ಮನವರೊಂದಿಗೆ ಮನೆ ಕೆಲಸ ಮಾಡುತ್ತಾ ಅವಳೂ ಪ್ರವಲ್ಲಿಕಾಳೂ ಲಲಿತಾ ಸಹಸ್ರನಾಮ ಹೇಳಿಕೊಳ್ಳುತ್ತಿದ್ದರು ಮೊದಲ ಹತ್ತು ಶ್ಕ್ಲೋಕಗಳಾದ ಮೇಲೆ ಏನೋ ಬದಲಾವಣೆ ಅನ್ನಿಸಿತು ಹನ್ನೊಡನೇ ಶ್ಲ್ಕೋಕದಿಂದ ಪ್ರತಿಶ್ಲ್ಕೋಕದ ಪ್ರತಿ ಎರಡನೇ ಸಾಲಿನಲ್ಲಿ ಅವಳಿಗೆ ಬೇಕಾದ್ದು ಸಿಕ್ಕಿತು!ಅದು ಶಶ್ ಅವಳಿಗೆ ಕೊಟ್ಟಿದ್ದ ಸೂಚನೆ!!
***

ಧಾರಿಣಿ ನಿಧಾನವಾಗಿ ಯೋಚಿಸುತ್ತಾ ಸಿಸಿ ಕ್ಯಾಮೆರಾ ಅವಳತ್ತ ತಿರುಗಿದಾಗ ಕುಂಕುಮಾರ್ಚನೆ ಮಾಡುತ್ತಾ ಅತ್ತ ತಿರುಗಿದಾಗ ಸಹಸ್ರ ನಾಮದ ಜೊತೆಗಿದ್ದ ಖಾಲಿ ಹಾಳೆಯಲ್ಲಿ ಪೇಟೇಂಟ್ ಬಗೆಗಿನ data sheet ನಲ್ಲಿ ಬರೆಯ ಬೇಕಾದ ವಿವರಗಳನ್ನು ಬರೆದಳು ಕೊನೆಯಲ್ಲಿ ಒಲೀವಿಯಾಳಿಗೆ ತಾನು ಖುದ್ದಾಗಿ ಸಹಿ ಮಾಡಬೇಕಾದ ದಾಖಲೆ ಗಳಿಗೆ ಈಗಾಗಲೇ ಸಹಿ ಮಾಡಿ ಕಳಿಸಿರುವೆಂದೂ ಅದು ಒಲೀವಿಯಾಳಿಗೆ ಬೇಗನೇ ತಲುಪುವುದೆಂಬ ಸೂಚನೆಯನ್ನೂ ಬರೆದಳು. ಇನ್ನೊಂದು ತುಂಡು ಕಾಗದದಲ್ಲಿ ಒಲೀವಿಯಾಳ ಮೈಲ್ ಐಡಿಯನ್ನು ಬರೆದು ಈಯೆಲ್ಲ ವಿವರಗಳನ್ನೂ ಆದಷ್ಟೂ ಬೇಗ ಮೇಲ್ ಮಾಡಬೇಕೆಂದು ಶಶ್ ನಿ ಗೆ ಸೂಚಿಸಿದಳು.ಎಲ್ಲವನ್ನೂ ಕುಂಕುಮವಿದ್ದ ಸಣ್ಣ ಪ್ಲ್ಯಾಸ್ಟಿಕ್ ಪೊಟ್ಟಣದಲ್ಲಿ ಸಣ್ಣಗೆ ಮಡಿಸಿ ದೇವಿ ವಿಗ್ರಹದ ತಳದ ಮರದ ಪಟ್ಟಿ ಸರಿಸಿ ಅದರ ಟೊಳ್ಳಿನಲ್ಲಿ ಅದನ್ನು ಸೇರಿಸಿ ಬಿಟ್ಟಳು.

***

ಜವಾನನೊಬ್ಬ ಬಂದು ಟಿಮ್ ನಿಗೆ ಆ ಹುಡುಗಿ ಪೂಜೆ ಮಾಡಿದ ನಂತರ ನೀರಿನಲ್ಲಿ ವಿಸರ್ಜನೆ ಮಾಡಬೇಕಂತೆ ಅಂದಾಗ `ದಿಸ್ ಈಸ್ ಟೂ ಮಚ್’ಅಂತ ಟಿಮ್ ಕೂಗಾಡಿದ ಆಗ ಅಲ್ಲೇ ಇದ್ದ ಶಶ್ ಅವಳ ಅಕ್ಕ ಅಶೋಕಾಕ್ಕೆ ಬಂದಿದ್ದಳೋ ಏನೋ ಅಥವಾ ನಿನ್ನನ್ನು ಹೇಗೆ ಸೆಕ್ಯೂರಿಟಿಯವರು ಬಿಡಲಿಲ್ಲವೋ ಹಾಗೇ ಅವಳನ್ನೂ ಬಿಡಲಿಲ್ಲವೋ ಏನೋ ಅದಕ್ಕೆ ಅವಳ ಮೇಲಿನ ಕೋಪ ಇವಳ ಮೇಲ್ಯಾಕೆ ತೀರಿಸುತ್ತೀ…ವಿಸರ್ಜನೆ ಹಿಂದೂ ಗಳ ಪೂಜಾ ವಿಧಾನ ನೀನು ನಮ್ಮಗಣಪತಿ ಅದೇ ಎಲಿಫೆಂಟ್ ಗಾಡ್ ಅನ್ನು ಅಮೇರಿಕಾ ದಲ್ಲೂ ನಾವುಗಳು ಸಮುದ್ರದಲ್ಲಿ ಕೊಂಡು ಹೋಗಿ ವಿಸರ್ಜಿಸುವುದು ನೋಡಿಲ್ಲವೇ…? ಈ ರೆಸಾರ್ಟ್ ನ ಮೂಲಕ ವಾಗಿ ಹರಿವ ಸ್ಟ್ರೀಮ್ ಇದೆಯಲ್ಲಾ…ಅಲ್ಲಿ ಹೋಗಿ ಹಾಕುತ್ತಾಳೆ ಬಿಡು… ಬೇಕಾದ್ರೆ ಗಿರಿ ಅವಳೊಂದಿಗೆ ಹೋಗಿಬರಲಿ…ಅಂತ ಟಿಮ್ ನನ್ನು ಸಮಾಧಾನ ಮಾಡಿದ. ಗಿರಿ ಎಲ್ಲೋ ಹೊರಗೆ ಹೋಗಿದ್ದರಿಂದ ಆ ಜವಾನನೊಂದಿಗೆ ಧಾರಿಣಿ ಅಲ್ಲಿಂದ ಕಣ್ಣಳತೆ ದೂರದಲ್ಲಿದ್ದ ತೊರೆಯಲ್ಲಿ ವಿಗ್ರಹವನ್ನು ಬೊಗಸೆ ಕುಂಕುಮದೊಂದಿಗೆ ಶಶ್ ನ ಸೂಚನೆಯಂತೆ ಒಂದು ಕೆಂಪು ಪ್ಲ್ಯಾಸ್ಟಿಕ್ ಕವರಿನಲ್ಲಿ ಹಾಕಿ ನೀರಿನಲ್ಲಿ ಬಿಟ್ಟಳು ರೆಸಾರ್ಟ್ ನಿಂದ ಹತ್ತು ಮಾರುಗಳಷ್ಟು ದೂರದಲ್ಲಿ ಅವಳು ನಿಂತಿರುವುದೂ ಅವಳ ಮೇಲೆ ಟೀಮ್ ಕಣ್ಣಿಟ್ಟಿರುವುದೂ ಅವಳಿಗೆ ಗೊತ್ತಾದ್ದರಿಂದ ಮನಸ್ಸಿನಲ್ಲೇ ನಗುತ್ತಾ ಎರಡು ನಿಮಿಶ ಕೈಮುಗಿದುಕೊಂಡು ನಿಂತಿದ್ದು ವಾಪಸು ಬಂದು ಬಿಟ್ಟಳು.

ಅಲ್ಲಿಂದ ತೊರೆ ಹರಿಯುತ್ತಾ ಆಚೆ ಹೋದ ಮೇಲೆ ದಾರಿಯಲ್ಲಿ ಶಶ್ ನೇಮಿಸಿದ ವ್ಯಕ್ತಿ ತನ್ನ ತರಬೇತಿ ಹೊಂದಿದ ನಾಯಿಯೊಂದಿಗೆ ಈ ಕೆಂಪು ಪ್ಯಾಕೆಟ್ ಹಿಡಿಯಲು ಕಾಯುತ್ತಿರುತ್ತಾನೆ ಮತ್ತು ಅವನು ಧಾರಿಣಿ ಸೂಚನೆಗಳನ್ನು ಅನುಸರಿಸಿ ಅವಶ್ಯವಾದ್ದನ್ನು ಮಾಡುತ್ತಾನೆ ಎಂದು ಅವಳಿಗೆ ಗೊತ್ತು ಶಶ್ ನನ್ನು ತಾನು ಹೇಗೆ ನಂಬಿದೆ ಅಂತ ಅವಳಿಗೇ ಆಶ್ಚರ್ಯವಾಗುತ್ತಿದೆ. ದೇವಿ ವಿಗ್ರಹವನ್ನು ನಾಯಿ ಹಿಡಿಯುವುದು ದೇವರಲ್ಲಿ ನಂಬಿಕೆ ಕಳೆದುಕೊಂಡ ಧಾರಿಣಿಗೆ ಕೂಡಾ ಕಸಿವಿಸಿಯ ವಿಶಯವೇ…ನಮ್ಮಪ್ಪನಿಗೆ ಈವಿಶ್ಯ ತಿಳಿದರೆ ಎಷ್ಟು ನೊಂದು ಕೊಳ್ಳುತ್ತಾರೋ…ಎಂದು ಕೊಂಡಳು ಮತ್ತೆ ರೆಸಾರ್ಟ್ ಪ್ರವೇಶಿಸಿದಾಗ ಎಂಥದೋ ಒಂದು ಸಮಾಧಾನದ ಸಣ್ಣ ನಗೆ ಅವಳ ಮುಖದ ಮೇಲೆ ಕಾಣುತ್ತಿತ್ತು ಆದರೆ ಆನಗೆ ತುಂಬಾಹೊತ್ತು ಇರಲು ಸಾದ್ಯವಿಲ್ಲ ಅದಕ್ಕೆ ಕಾರಣ ಗಿರಿ!

***

ಗಿರಿ ವಿಜಯದ ನಗು ಬೀರುತ್ತಾ ಟಿಮ್ ನಪಕ್ಕ ನಿಂತಿದ್ದ ಶಶ್ ಗಂಭಿರವಾಗಿದ್ದ ಓ…ಮಿಸ್ ಶ್ಯಾಸ್ತ್ರೀ…ಪ್ಲೀಸ್ ಕಮ್…ಎಂದು ವ್ಯಂಗ್ಯ ನಗು ಬೀರುತ್ತಾ ಹೇಳಿದ ಟಿಮ್ ಅವನ ಕೈಲಿದ್ದ ಲಕ್ಕೋಟೆ ನೋಡಿ ಧಾರಿಣಿಯ ಮನ ಧಸಕ್ಕೆಂದಿತು!ಅದು ಅವಳು ಪ್ರವಲ್ಲಿಕಾ ಗೆ ಒಲೀವಿಯಾಳ ವಿಳಾಸಕ್ಕೆ ಪೋಸ್ಟ್ ಮಾಡಲು ಕೊಟ್ಟಿದ್ದು.ಧಾರಿಣಿ ಯಾವತ್ತೂ ಹುಷಾರಿ ಹುಡುಗಿ ಎಲ್ಲಾ ವಿವರಗಳನ್ನೂ ಪೋಸ್ಟ್ ನಲ್ಲಿ ಅಥವಾ ಮೈಲ್ ಒಂದರಲ್ಲೇ ಕಳಿಸಿದರೆ ಅದು ಹೇಗಾದರೂ ಲೀಕ್ ಆಗುವ ಸಂಭವ ಇದೆಯೆಂದು ಕೆಲವು ವಿವರಗಳನ್ನು ಸಹಿ ಮಾಡಬೇಕಾದ್ದನ್ನೂ ಮೊದಲು ಪೋಸ್ಟ್ ನಲ್ಲಿ ಕಳಿಸಿ ಇನ್ನುಳಿದದ್ದನ್ನು ಮೇಲ್ ಮಾಡೋಣವೆಂದು ಕೊಂಡಿದ್ದಳು ಈಗ ಶಶ್ ನೇಮಿಸಿದ ವ್ಯಕ್ತಿ ಒಲೀವಿಯಾಗೆ ಮೇಲ್ ಮಾಡುತ್ತಾನೆಂದು ನಿರಾಳವಾಗಿದ್ದರೆ ಹೊಸ ಆಪತ್ತು ಬಂದಿತಲ್ಲಾ ಎಂದು ಕಂಗೆಟ್ಟಳು ಗಿರಿ ತಾನು ಹೇಗೆ ಕೇಶವನ ಏರಿಯಾದ ಪೋಸ್ಟ್ ಆಫೀಸಿನಲ್ಲಿ ಜನ ಹಿಡಿದು ಈಮನೆಯವರ ಎಲ್ಲಾ ಪತ್ರಗಳನ್ನೂ ನನಗೇ ತಂದು ಕೊಡಿ ಅಂತ ಈ ಕಾಗದ ಸಂಪಾದಿಸಿದೆ ಅಂತ ಟಿಮ್ ನ ಬಳಿ ಜಂಭ ಕೊಚ್ಚುತ್ತಿದ್ದ ಟಿಮ್ ನೋದು ನಿಮ್ಮಕ್ಕ

ತಾನೊಬ್ಬಳೇ ಜಾಣೆ ಅಂದು ಕೊಂಡಿದ್ದಾಳೆ…ಅವಳಿಗೆ ಹೇಗೆ ಮಾಡಿದೆವು..’ಅನ್ನು ನೋಟದಿಂದ ಧಾರಿಣಿಯೆಡೆ ನೋಡಿದ.
***

ಭಾಗ – 10

ಇತ್ತ ಪ್ರವಲ್ಲಿಕಾ ಮತ್ತು ಕಾಂತಿ, ಧಾರಿಣಿ ಇನ್ನೂ ಹಾಸ್ಟೆಲ್ಲಿಗೆ ಬಂದಿಲ್ಲದ ಕಾರಣ ಹೊರಗೆ ಹೊರಟರು. ದಾರಿಯಲ್ಲಿ ಹಾಸ್ಟೆಲ್ಲಿನ ಅಡುಗೆಮನೆಯ ಹುಡುಗ ಯಾವುದೋ ಕೆಂಪು ಕಾರಿನಲ್ಲಿ ಧಾರಿಣಿಯನ್ನು ಆಸ್ಪತ್ರೆ ಕಡೆ ಕರೆದೊಯ್ದ ಸುದ್ದಿ ತಿಳಿಸಿದ. ವಿಷಯ ತಿಳಿದದ್ದೇ ಗೆಳತಿಯರಿಬ್ಬರೂ ಆಸ್ಪತ್ರೆಗೆ ಓಡಿದರು, ನಿರಾಶೆ ಅವರಿಗಾಗಿ ಅಲ್ಲಿಯೇ ಕಾದಿತ್ತು. ಅಕ್ಕನ ಕಣ್ಮರೆಯಿಂದ ಪ್ರವಲ್ಲಿಕಾ ದಿಕ್ಕುಗೆಟ್ಟಳು. ಕಾಂತಿಯ ಧೈರ್ಯವೂ ಕೈಕೊಡುತ್ತಿತ್ತು, ಆದರೂ ಗೆಳತಿಗೆ ಇಂಬು ಕೊಡುವುದಕ್ಕಾಗಿ “ಬೇರೆ ಆಸ್ಪತ್ರೆಗೆ ಹೋಗಿರಬಹುದು, ಇನ್ನೇನು ಬಂದುಬಿಡುತ್ತಾಳೆ; ಸುಮ್ನಿರೇ!” ಓಲೈಸುತ್ತಾ ಹಾಸ್ಟೆಲ್ಲಿಗೆ ಎಳೆತಂದಳು. ಮತ್ತೆ ಮತ್ತೆ ಚರ್ಚೆ ನಡೆಸಿ, ಇಬ್ಬರೂ ಆಟೋ ಹಿಡಿದು ಕೇಶವ ಚಿಕ್ಕಪ್ಪನ ಮನೆಗೆ ಬಂದರು.

ತಲೆನೋವು ಹರಿದ ಹಿಗ್ಗಿನಲ್ಲಿ ಶಾರದಮ್ಮ ಮತ್ತು ಶಾಸ್ತ್ರಿಗಳು ಊರಿನ ಬಸ್ಸು ಹತ್ತಿದ್ದರು. ಆದರೆ, ತಾಪತ್ರಯ ಮತ್ತೊಮ್ಮೆ ಮನೆ ಮುಂದೆ ಬಂದು ನಿಂತಿತ್ತು. ಕಾಂತಿಗೆ ಮಧ್ಯಾಹ್ನದ ಮಾತುಕತೆ ನೆನೆಸಿಕೊಂಡು ಸಂಕೋಚವಾದರೂ ಗೆಳತಿಗಾಗಿ ಮನೆಯೊಳಗೆ ಕಾಲಿರಿಸಿದಳು. ಎದುರಾದ ಸ್ಫುರದ್ರೂಪಿಯನ್ನು ಪ್ರವಲ್ಲಿಕಾ “ಅಣ್ಣಾ…” ಎಂದು ತಬ್ಬಿಕೊಂಡಾಗ ಗೊಂದಲದಲ್ಲೂ ಕಾಂತಿಯ ಕೆನ್ನೆ ಕೆಂಪಾಯಿತು.

ಚಿಕ್ಕಪ್ಪ, ಚಿಕ್ಕಮ್ಮ, ಅಣ್ಣ-ಆಕಾಶ್- ಎಲ್ಲರ ಮುಂದೆ ತಮಗೆ ತಿಳಿದದ್ದನ್ನು ವಿವರವಾಗಿ ಹೇಳುತ್ತಿದ್ದಂತೆ, ಪ್ರವಲ್ಲಿಕಾಳಿಗೆ ಅಕ್ಕ ಕೊಟ್ಟಿದ್ದ ದಪ್ಪನೆಯ ಲಕೋಟೆಯ ನೆನಪಾಯಿತು. ಆಕಾಶನೊಂದಿಗೆ ಮತ್ತೊಮ್ಮೆ ಹಾಸ್ಟೆಲ್ಲಿಗೆ ಹೋಗಿ ಬರುವ ಎದೆಗಾರಿಕೆ ಅವಳಲ್ಲಿ ಉಳಿದಿರಲಿಲ್ಲ. ಕಾಂತಿ ಒಬ್ಬಳನ್ನೇ ಕಳಿಸಲು ಇಷ್ಟವಿಲ್ಲದ ಕೇಶವ, ಮಗನೊಂದಿಗೆ ಅವಳ ಜೊತೆ ಹೋಗಿಬರಲು ತಿಳಿಸಿದರು. ತಮ್ಮ ರೂಮಿನಲ್ಲಿ ಪ್ರವಲ್ಲಿಕಾಳ ಮೇಜಿನ ಮೇಲಿದ್ದ ಪತ್ರ ತೆಗೆದುಕೊಳ್ಳುವಾಗ ಆಕಾಶನಿಗೆ ಧಾರಿಣಿಯ ಸೆಲ್ ಫೋನ್ ಕಣ್ಣಿಗೆ ಬಿತ್ತು. ಅದನ್ನೂ ಕಿಸೆಗೆ ಸೇರಿಸಿಕೊಂಡು ಇಬ್ಬರೂ ಮನೆ ಸೇರಿದರು. ಮುಂದೇನೆಂದು ಚರ್ಚಿಸುತ್ತಿರುವಾಗ ರಾಜೀವನ ಕರೆ ಧಾರಿಣಿಯ ಫೋನಿಗೆ ದನಿ ತಂದಿತು.

***

ಆಕಾಶ್-ನನ್ನು ನೋಡಿದ್ದೇ ಕಾಂತಿಗೆ ಅವನ ನೆನಪು ಮತ್ತೆ ಮತ್ತೆ ಬರತೊಡಗಿತು. ಇವನನ್ನು ಈ ಹಿಂದೆಯೇ ಎಲ್ಲೋ ನೋಡಿದ್ದೇನೆ ಎಂಬ ಹಿತವಾದ ಭಾವನೆ ಅವಳನ್ನು ಆವರಿಸಿತು. ಆದರೆ ಎಲ್ಲಿ?……..

“ಹಲೋ ಕಾಂತಿ”
“ಹಾಯ್”
“ಹೀಗೆ ಆರ್ಕುಟ್-ನಲ್ಲಿ ಒಂದು ರೌಂಡು ಬೀಟು ಹೊಡೀತಾ ಇದ್ದೆ. ನಿಮ್ಮ ಪ್ರೊಫೈಲ್-ನೋಡ್ದೆ. ತುಂಬ ಇಂಟರೆಸ್ಟಿಂಗಾಗಿದೆ. ನಿಮಗೆ ತುಂಬ ಒಳ್ಳೆಯ ಅಭಿರುಚಿಗಳಿವೆ”.
“ಥ್ಯಾಂಕ್ಸ್”
“ನಾನು ಸುದೀಪ್. ನಮ್ಮೂರು ನೀಲಿಕೇರಿ, ಉತ್ತರಕನ್ನಡದ ಚಂದದ ಪುಟ್ಟ ಊರು. ಇರೋದೀಗ ಅಮೇರಿಕಾದ ಸಂಯುಕ್ತ ಸಂಸ್ಥಾನದಲ್ಲಿ, ಕಾರ್ಯನಿಮಿತ್ತ, ಕಿರು-ಅವಧಿಗೆ.”
“ಓಹ್. ಓಕೆ”
“ನಿಮ್ಮನ್ನ ನನ್ನ ಸ್ನೇಹಿತರ ಬಳಗಕ್ಕೆ ಸೇರಿಸಿಕೊಳ್ಳೋಣ ಅಂತಿದ್ದೇನೆ. ನಾನು ನಿರುಪದ್ರವಿ ಅಂತನ್ನಿಸಿದರೆ ಸ್ನೇಹಹಸ್ತ ಚಾಚಿ”.
“ಓಹ್ ಖಂಡಿತ”
“ನಿಮ್ಮ ಬ್ಲಾಗು ಓದಿದೆ. ತುಂಬ ಚೆನ್ನಾಗಿ ಬರೀತೀರಾ”
“ಥ್ಯಾಂಕ್ಸ್”
“ಈಗ ಏನು ಬರೀತಿದ್ದೀರಿ?”
“ಏನೂ ಇಲ್ಲ. ಮೂಡು ಸರಿ ಇಲ್ಲ”
“ಯಾಕೆ? ಏನಾಯ್ತು? ಈಗ ಯಾವ ಮೂಡು ನಿಮ್ಮದು? ಪ್ರೇಮಿಯ ಉನ್ಮಾದ? ವಿರಹಿಣಿಯ ಸ್ವಗತ?”
“ಅಯ್ಯೋ, ಹಾಗೇನಿಲ್ಲಪ್ಪ”
“ಮತ್ತೆ? ಇನ್ನು ಹೇಗಪ್ಪ?”
“ಸುಮ್ನೇ ಹೀಗೆ”
“ಹ್ಮ್….ಹೋಗ್ಲಿ ಬಿಡಿ. ಮತ್ತೆ, ನೀವು ನಿಶಾಚರಿಯಾ, ಇಷ್ಟು ಹೊತ್ತಿನಲ್ಲಿ ಎದ್ದಿದ್ದೀರಲ್ಲ?”
“ಹೂಂ. ಸ್ವಲ್ಪ ಹಾಗೇ”
“ನಿಮಗೆ ಅನುಮಾನ ಮೂಡ್ತಿಲ್ವಾ ನನ್ನ ಮೇಲೆ? ಯಾಕೆ ಈ ವಯ್ಯ ನನ್ನ ಹಿಂದೆ ಬಿದ್ದಿದ್ದಾನೆ ಅಂತ?”
“ಹ್ಹ..ಹ್ಹ…ಹ್ಹ್ಹ…..ಇಲ್ಲ. ಇಲ್ಲ…ತುಂಬ ಆಶ್ಚರ್ಯ ಆಯ್ತು ಮೊದ್ಲು….ಪರವಾಗಿಲ್ಲ”.
“ಥ್ಯಾಂಕ್ಸ್”
“ಮತ್ತೆ ನನ್ನ ಪ್ರೋಫೈಲಿನಲ್ಲಿ ಅಂಥದ್ದೇನು ಇಂಟರೆಸ್ಟಿಂಗ ಇತ್ತು?
“ನೀವು ಸಾಹಿತ್ಯ ಪ್ರೇಮಿ, ಕನ್ನಡ ಪ್ರೇಮಿ. ನಿಮ್ಮ ಲಿಸ್ಟಿನಲ್ಲಿರೋ ಕಮ್ಯುನಿಟಿಗಳು, ನಿಮ್ಮ ಸ್ನೇಹಿತರು….ಜೊತೆಗೆ ನಿಮ್ಮ ಭಾವಚಿತ್ರ”
“ಥ್ಯಾಂಕ್ಸ್”
“ನೀವು ತುಂಬ ಮುದ್ದಾಗಿ ಕಾಣಿಸುತ್ತೀರಿ ಈ ಫೋಟೋದಲ್ಲಿ. ಹಸಿರು ಬಣ್ಣ ನಿಮಗೆ ಒಪ್ಪತ್ತೆ”
“ಥ್ಯಾಂಕ್ಸ್”

…………..

ಅಂದು ನಡೆದ ಈ ಸಂಭಾಷಣೆ ನೆನಪಾಗಿ ಕಾಂತಿಯ ಅಂತರಂಗದಲ್ಲಿ ಸಾವಿರ ಕ್ಯಾಂಡಲಿನ ದೀಪ ಹೊತ್ತಿಸಿದಂತಾಯಿತು. ಅಂದರೆ….ಅಂದರೆ… ಇಷ್ಟು ದಿನ ಆರ್ಕುಟಿನಲ್ಲಿ ಸುದೀಪನೆಂದು ತನ್ನನ್ನು ತಾನು ಸುಳ್ಳು ಹೆಸರಿನಿಂದ ಪರಿಚಯಿಸಿಕೊಂಡು ನನ್ನ ಹೃದಯಕ್ಕೆ ಹತ್ತಿರವಾಗಿರುವವನು ಸುದೀಪನಲ್ಲ! ಅವನು ಆಕಾಶ! ಪ್ರವಲ್ಲಿಕಾ, ಧಾರಿಣಿಯರೂ ಕೂಡ ಈ ಸಂಚಿನಲ್ಲಿ ಪಾಲುದಾರರು ಎಂಬ ಸತ್ಯ ಅವಳಿಗೆ ಅರಿವಾಗಿದ್ದೂ ಈಗಲೇ. ಆಕಾಶ ಕಾಂತಿಯ ತಬ್ಬಿಬ್ಬು ಸ್ಥಿತಿ ನೋಡಿ ಮನಸ್ಸಿನಲ್ಲಿಯೇ ನಗುತ್ತಿದ್ದ.

ಧಾರಿಣಿಯ ಮೊಬೈಲಿಗೆ ಬಂದ ಕರೆಯನ್ನು ಆಕಾಶನೇ ತೆಗೆದುಕೊಂಡ. ತೆರೆಯ ಮೇಲೆ ರಾಜೀವನ ಹೆಸರು ಕಾಣಿಸಿತ್ತು. ರಾಜೀವನಿಗೆ ಇಲ್ಲಿ ನಡೆದಿರುವುದನ್ನೆಲ್ಲಾ ಸಂಕ್ಷಿಪ್ತವಾಗಿ ಹೇಳಿದ. ರಾಜೀವ ತಾನು ನಾಳೆ ಸಂಜೆಯ ಹೊತ್ತಿಗೆ ಬೆಂಗಳೂರಿಗೆ ಬಂದಿಳಿಯುತ್ತೇನೆಂದೂ, ಅಲ್ಲಿಯವರೆಗೆ ಧಾರಿಣಿಯ ಪತ್ತೆಯ ಪ್ರಯತ್ನ ಮುಂದುವರೆಸಬೇಕೆಂದು ಆಕಾಶನನ್ನು ವಿನಂತಿಸಿಕೊಂಡ.
***

ದಬ್ಬೆಂದು ಬಾಗಿಲು ತೆಗೆದುಕೊಂಡು ಹೋದ ಟಿಮ್, ತನ್ನ ಏಕಾಂತ ಕೊಠಡಿಯಲ್ಲಿ ಕುಳಿತು ಸಿಗಾರ್ ಎಳೆಯುತ್ತ ಯೋಚಿಸತೊಡಗಿದ. ಈ ಹುಡುಗಿ (”What’s her funny name?) ನಿಜ ಹೇಳುತ್ತಿದ್ದಾಳೆಯೆ? ಇವಳು ಧಾರಿಣಿಯ ಸೋದರಿಯೇ ಆಗಿದ್ದರೆ, ಇವಳ ಮೂಲಕವೇ ಧಾರಿಣಿಯನ್ನು ಬ್ಲ್ಯಾಕ್ ಮೇಲ್ ಮಾಡಬಹುದಲ್ಲ! ಈ ವಿಚಾರದಿಂದ ಅವನಿಗೆ ಮತ್ತೆ ಬೆಳಕು ಕಾಣಿಸಿದಂತಾಯಿತು. ಜೊಯಿಗೆ ಬೇಕಾದ ಮಾಹಿತಿಯನ್ನು ಇನ್ನೆರಡು ದಿನಗಳಲ್ಲಿ ತಾನು ಧಾರಿಣಿಯಿಂದ ವಶ ಪಡಿಸಿಕೊಳ್ಳದಿದ್ದರೆ, ತನ್ನ ಕೆಲಸವೂ ಹೋದಂತೆಯೆ. ಹಾಗೆಂದುಕೊಂಡ ಟಿಮ್ ಮತ್ತೆ ಧಾರಿಣಿ ಬಂಧನದಲ್ಲಿದ್ದ ಕೋಣೆಗೆ ಹೋದ. ಧಾರಿಣಿ ಹೆದರಿಕೆಯಿಂದ ತಲೆ ಎತ್ತಿದಳು. “ಹೇ ಬೇಬಿ, ನಿನಗೆ ಫೋನ್ ಕೊಡುತ್ತೇನೆ. ನಿನ್ನ ಸೋದರಿ ತಾನು ಪೇಟೆಂಟ್ ಮಾಡಲಿರುವ ಮಾಹಿತಿಯನ್ನು ತೆಗೆದುಕೊಂಡು ಅಶೋಕಾ ಹೊಟೆಲ್ಲಿಗೆ ಇನ್ನು ಒಂದು ಗಂಟೆಯಲ್ಲಿ ತಲುಪಬೇಕು. ಮತ್ತೆ ಯಾರಿಗಾದರೂ ಇದರ ಸುಳವು ಕೊಟ್ಟರೆ, ನಿನ್ನ ಜೀವ ಉಳಿಯುವದಿಲ್ಲ. ಇಂಗ್ಲಿಶನಲ್ಲಿ ಮಾತ್ರ ಮಾತಾಡು” , ಎಂದು ಟಿಮ್ ಎಚ್ಚರಿಕೆಯ ಮಾತು ಹೇಳಿದ.ಧಾರಿಣಿ ತನ್ನ ಮೊಬೈಲಿಗೇ dial ಮಾಡಿ , ಟಿಮ್ ಹೇಳಿದಂತೆಯೇ ಹೇಳಿದಳು. ಅತ್ತಲಿಂದ ಕೇಳುತ್ತಿದ್ದ ಆಕಾಶ, ಕಾಂತಿ ಹಾಗು ಪ್ರವಲ್ಲಿಕಾರಿಗೆ ದಿಗ್ಭ್ರಮೆಯಾಯಿತು.

ಭಾಗ – 9

ಜಗತ್ತನ ಎಲ್ಲಾ ಪ್ರಮುಖ ನಗರಗಳ ಲೋಕಲ್ ನ್ಯೂಸ್ ಪೇಪರ್ ಗಳನ್ನು ವಾರಾಂತ್ಯದಲ್ಲಿ ಗಮನಿಸುವುದು ಜೋಯಿಯ ಅಭ್ಯಾಸ.ಪ್ರಪಂಚವೇ ಹಳ್ಳಿಯಂತಾಗಿರುವ ಈ ಕಾಲದಲ್ಲೂ ಲೋಕಲ್ ಗೌರ್ನಮೆಂಟ್ ಗಳ ಸಣ್ಣಸಣ್ಣ ನಿರ್ಧಾರಗಳೂ ಕೆಲವೊಮ್ಮೆ ಗ್ಲೋಬಲ್ ಮಟ್ಟದಲ್ಲಿ ಬಿಸಿನಿಸ್ಸನ್ನು ಬದಲಾಯಿಸಲು ಶಕ್ತವೆಂದು ಜೋಯಿ ನಂಬುತ್ತಾನೆ.ಅವನ ಈ ಅಭ್ವಾಸ ಹಲವು ಬಾರಿ ಅವನಿಗೆ ಲಾಭ ಮಾಡಿಕೊಟ್ಟಿದೆ ಮತ್ತು ಅವತ್ತೂ ಹಾಗೇ ಆಯಿತು. ಬ್ಯಾಂಕಾಕ್ ನ ಆವಾರದ ವಿದ್ಯಮಾನಗಳ ಬಗ್ಗೆ ಕಣ್ಣಾಡಿಸಿ ಬೆಂಗಳೂರಿನ ಪ್ರಮುಖ ವಾರ್ತಾವತ್ರಿಕೆಗಳ ಇಂಟರ್ನೆಟ್ ಆವೃತ್ತಿ ಗಳ ಮೇಲೆ ಕಣ್ಣಾಡಿಸುತ್ತಿದ್ದ.ಕಾಂತಿ ಮಹಿಳಾ ಕಲ್ಯಾಣಮಂತ್ರಿ ಸರಳಾದೇವಿಯವರಿಗೆ ಮನವಿ ಪತ್ರ ಅರ್ಪಿಸುತ್ತಿರುವ ಫೋಟೋ ದಲ್ಲಿ ಅವಳ ಪಕ್ಕವೇ ಇದ್ದ ಪ್ರವಲ್ಲಿಕಾ ಳ ಮುಖ ಅವನ ಗಮನ ಸೆಳೆಯಿತು.ಅದಕ್ಕೆ ಕಾರಣ ಪ್ರವಲ್ಲಿಕಾಳ ಸೌಂದರ್ಯವಲ್ಲ.ಧಾರಿಣಿಗೂ ಅವಳಿಗೂ ಇದ್ದ ಹೋಲಿಕೆ!

ಅಂದ ಹಾಗೆ ಜೋಯಿ ಧಾರಿಣಿಯ ಹಿಂದೆ ಬಿದ್ದಿರುವ ಆದೈತ್ಯ ಕಂಪನಿಯ ಪ್ರಮುಖರಲ್ಲೊಬ್ಬ!!

ಧಾರಿಣಿಯನ್ನು ಮಟ್ಟ ಹಾಕಲು ತಾವುಗಳು ಕಳಿಸಿದ ತಂಡ ವೆಸ್ಟ್ ಎಂಡ್ ನಂಥಾ ಫೈವ್ ಸ್ಟಾರ್ ಹೋಟೆಲ್ನಲ್ಲಿ ಕೂತು ಏನು ಕಡಿದು ಕಟ್ಟೆ ಹಾಕುತ್ತಿದೆ ಅಂತ ಯೋಚಿಸುತ್ತಿದ್ದರೆ ಜೋಯಿಗೆ ಕೋಪ ಉಕ್ಕುಕ್ಕಿ
ಬರುತ್ತಿದೆ ಆಕ್ಷಣ ಬೆಂಗಳೂರಿನಲ್ಲಿರುವ ಟಿಮ್ ಗೆ ಪೋನ್ ಮಾಡಿ ದಬಾಯಿಸೋಣವೆಂದುಕೊಂಡ.ಆದರೆ ನ್ಯೂಯಾರ್ಕ್ ಗೂ ಬೆಂಗಳೂರಿಗೂ ಇರುವ ಸಮಯದ ವ್ಯತ್ಯಾಸ ಗಮನಿಸಿ ಅವರಿಗೆ ಬೆಳಗಾಗಲಿ ಅಂತ ಹಲ್ಲು ಕಚ್ಚಿ ಕೋಪ ಅದುಮಿಕೊಂಡ ಒಂದು ಹತ್ತು ಹದಿನೈದು ನಿಮಿಷ ತಡೆದಿರಬೇಕು ಅವನು. ಕಂಪನಿಯ ದುಡ್ಡಿನಲ್ಲಿ ಬೆಂಗಳೂರಿನಲ್ಲಿ ಮಜ ಮಾಡುತ್ತಿರುವ ಇವರಿಗೆ ತಾನೇಕೆ ಕರುಣೆತೋರಬೇಕು ಎಂಬ ಆಲೋಚನೆ ಬಂದಿದ್ದೇ ತಡ ಪೋನ್ ಎತ್ತಿ ನೇರ ಬೆಂಗಳೂರಿನ ಪಂಚ ತಾರಾ ಸ್ವೀಟ್ನಲ್ಲಿ ಆರಾಮವಾಗಿ ಮಲಗಿದ್ದ ಟಿಮ್ ನನ್ನು ಎಬ್ಬಿಸಿ ನೀರಿಳಿಸಿದ.

***

ಕೇಶವನ ಮನೆಯ ಹಾಲಿನಲ್ಲಿ ಸೇರಿದ್ದ ಶಾಸ್ತ್ರಿಗಳ ಕುಟುಂಬ ಸಮಾಧಾನದ ಉಸಿರು ಬಿಡುತ್ತಿತ್ತು.ಕೆಡಿ. ಶಿವಣ್ಣ ಬಾಲ ಮುದುರಿಕೊಂಡಿದ್ದ.ಭರತಖಾನ ತನ್ನನ್ನು ಹಿಡಿವ ಪೋಲೀಸರ ಜಾಲದ ವಾಸನೆ
ಹಿಡಿದು ಓಡಿಹೋಗಿ ದುಬೈ ಸೇರಿಕೊಂಡಿದ್ದ.ಸದ್ಯಕ್ಕೇನೂ ಅವನು ಭಾರತಕ್ಕೆ ಹಿಂದಿರುಗುವ ಅಪಾಯವಿಲ್ಲ. ತಮ್ಮೆದುರಿನಲ್ಲಿ ಕೂತಿದ್ದ ಧಾರಿಣಿ ಪ್ರವಲ್ಲಿಕಾ ಇಬ್ಬರನ್ನೂ ಕಣ್ತುಂಬಿಕೊಳ್ಳುತ್ತಾ ಶಾರದಮ್ಮ ಕಣ್ಣೊರೆಸಿಕೊಂಡರು. ಆಗತಾನೇ ಎಲ್ಲರಿಗೂ ಸಿಹಿ ಊಟವಾಗಿತ್ತು . ಎಲ್ಲರಿಗೂ ಹೃದಯತುಂಬಿ ಬಂದಂತಿದ್ದ ಸನ್ನಿವೇಶದಲ್ಲಿ ಮೌನವಾಗಿದ್ದರು. ಅಲ್ಲಿ ಪಟಪಟನೆ ಮಾತಾಡುತ್ತಿದ್ದದು ಅಂದರೆ ಕಾಂತಿ ಒಬ್ಬಳೇ.ಅವಳು ಅಂದು ಪ್ರವಲ್ಲಿಕಾ ಜೊತೆ ಕೇಶವನ ಮನೆಗೆ ಬಂದಿದ್ದಳು. ಶಾಸ್ರಿ ಗಳಿಗಂತೂ ಕಾಂತಿ ತುಂಬಾ ಇಷ್ಟವಾಗಿಬಿಟ್ಟಿದ್ದಳು `ಈ ಹುಡುಗಿ ಮುಖದ ಕಳೆ ನೋಡು ಶಾರದಾ..
ನನಗಿನ್ನೊಬ್ಬ ಮಗ ಇದ್ದಿದ್ದರೆ ಖಂಡಿತ ಇವಳನ್ನೇ ಸೊಸೆ ಮಾಡಿಕೊಳ್ಳುತ್ತಿದ್ದೆ…’ಅಂತ ಎಲ್ಲರ ಮುಂದೆ ಹೇಳಿಯೂ ಬಿಟ್ಟರುಅದಕ್ಕೆ ಶಾರದಮ್ಮ`ಅದಕ್ಕೇನು ಈಗ ನಿಮ್ಮ ತಮ್ಮನ ಮಗನಿಗೆ ಕೇಳಿ…’ಅಂತ ಬದಲು ಹೇಳಿದಾಗ ಕಾಂತಿ ಗಪ್ ಚಿಪ್ ಕಪ್ಪೆಚಿಪ್ ಆಗಿದ್ದಳು! ಅಷ್ಟಕ್ಕೇ ಬಿಡದೆ ಶಾಸ್ತ್ರಿಗಳು ಮೂವರು ಹುಡುಗಿಯರೂ ವಾಪಸು ಹೊರಟಾಗ` ನೀನು ಹಾಸ್ಟೆಲ್ಲಿಗೆ ಹೋದಮೇಲೆ ಕಾಂತಿ ಜಾತಕ ಪಡೆದು ಕಳಿಸಮ್ಮಾಅಂತ ಧಾರಿಣಿಗೆ ಹೇಳಿದರು`ನಿಮ್ಮಕ್ಕನ ಟೈಮ್ ಇನ್ನೂ ಸ್ವಲ್ಪ ದಿನ ಚೆನ್ನಾಗಿಲ್ಲಾ ವಲ್ಲೀ…ಗಂಡಾಂತರವಿದೆ ಸಲ್ಪ ಅಕ್ಕನ್ನ ನೋಡಿಕೋ…’ಅಂತ ಪ್ರವಲ್ಲಿಕಾ ಗೆ ನೆನಪಿಸಿದರು. ಧಾರಿಣಿ ಶಾಸ್ತ್ರಿಗಳ ಜ್ಯೋತಿಷ್ಯವನ್ನು ನಂಬುವವಳಲ್ಲವೆಂದು ಅವರಿಗೆ ಗೊತ್ತು. ಧಾರಿಣಿ ಶಾಸ್ತ್ರಿಗಳ ಮಾತಿಗೆ ಹೌದಪ್ಪಾ.. ಈ ಗಂಡಾಂತರವೆಂಬ ಗಂಡನಿಗೆ ರಾಜೀವ ಅಂತ ನಾನು ಮುದ್ದಿನಿಂದ ಕರೀತೀನೀ…ಮುಂದಿನವಾರ ಈ ನಿಮ್ಮ ಅಳಿಯ ಮನೆ ತೊಳೆಯ ಇಂಡಿಯಾದಲ್ಲಿ ಇಳೀತಿದೆ…’ಅಂತ ನಕ್ಕಳು ಅವಳು ಅಪ್ಪನ ಮಾತನ್ನು ಸೀರಿಯಸ್ಸಾಗಿ ತೊಗೊಳ್ಳೋ ಕಾಲ ಬೇಗನೇ ಬರಲಿದೆ.
***

ನೀವಿಬ್ರೂ ಹೋಗಿ ನಾನೊಂದು ರೀಡರ್ಸ್ ಡೈಜೆಸ್ಟ್ ತಗೊಂಡು ಬರ್ತೀನಿ ಅಂತ ಧಾರಿಣಿ ಹಾಸ್ಟೇಲ್ಲಿಗೆ ಐದು ನಿಮಿಶದ ನಡಿಗೆ ದೂರದಲ್ಲಿದ್ದ ಪುಸ್ತಕದ ಅಂಗಡಿಮುಂದೆ ಮೂವರೂ ಕೂತಿದ್ದ ಆಟೋದಿಂದ ಇಳಿದು ಪ್ರವಲ್ಲಿಕಾ ಕೈಗೆ ಐನೂರರ ನೋಟು ತುರುಕುತ್ತಾ ಹೇಳಿದಳು.ಏ ಇವ್ನು ಚಿಲ್ಲರೆ ಸರಿಯಾಗಿ ಕೊಡೋದಿಲ್ವೇ…’ಅಂತ ಪ್ರವಲ್ಲಿಕಾ ಹೇಳುವಷ್ಟರಲ್ಲಿ ಆಟೋ ಪುನಃ ಹೊರಟಾಗಿತ್ತು.
ಡೈಜೆಸ್ಟ್ ಮತ್ತೆರಡು ಪುಸ್ತಕ ತೊಗೊಂಡು ವಾಪಸಾಗುತ್ತಿದ್ದ ಧಾರಿಣಿ ಯ ಮನಸ್ಸು ಹಕ್ಕಿಯಂತೆ ಹಾರುತ್ತಿದೆ. `ರಾಜೀವ ಬರುತ್ತಿದ್ದಾನೆ…’ಏನೇನೋ ಕನಸು ಕಣುತ್ತಾ ನಡೆಯುತ್ತಿದ್ದವಳಿಗೆ ಹಿಂಭಾಗಕ್ಕೆ ಏನೋ ಚುಚ್ಚಿದಂತಾಗಿ`ಹಾ…’ಅಂತ ಬೆನ್ನು ಸವರಿ ಕೊಳ್ಳುತ್ತಾ ನೆಲಕ್ಕೆ ವಾಲಿದ್ದೇ ಕಣ್ಣು ಕತ್ತಲಿಟ್ಟಿತು. ಅಲ್ಲಿಂದ ಕೆಲವೇ ಮಾರು ದೂರದಲ್ಲಿ ಅವರ ಹಾಸ್ಟೆಲ್ ಮೇನ್ ಎಂಟ್ರೆನ್ಸ್..ಆದರೆ ರೂಮಿನಲ್ಲಿ
ಹರಟೆಯಲ್ಲಿ ಮಗ್ನರಾದ ಕಾಂತಿಗಾಗಲೀ ಪ್ರವಲ್ಲಿಕಾಗಾಗಲೀ ಧಾರಿಣಿಗೆ ಏನಾಯಿತೆಂದು ತಿಳಿಯುವ ಸಾದ್ಯತೆಯೇ ಇಲ್ಲಾ. ಅದನ್ನೇ ಮೋಸ್ಟ್ ಲೀ ಶಾಸ್ತ್ರಿ ಗಳು ಗಂಡಾಂತರ ಅಂದಿದ್ದು…!
ಸುತ್ತಾ ಜನ ಸೇರಿಬಿಟ್ಟರು…ಎಲ್ಲರೂ ತಲಾ ಒಂದೊಂದು ಮಾತಾಡುವವರೇ…ಯಾರೂ ಸಹಾಯಕ್ಕೆ ಬರುತ್ತಿಲ್ಲ…ಸುಮ್ಮನೇ ನೋಡುತ್ತಿದ್ದಾರೆ!
ಆಗ….ಇಮ್ಪೋರ್ಟೆಡ್ ಕಾರ್ ನಿಂದ ಇಳಿದ ಬಿಳಿಯನೊಬ್ಬ ಸಹಾಯ ಮಾಡಲು ಮುಂದಾದ ಧಾರಿಣಿಯನ್ನು ಎತ್ತಿ ಅವನ ಕಾರ್ ನಲ್ಲಿ ಮಲಗಿಸಿದ್ದಯಿತು ಯಾರಾದ್ರೂ ಆಸ್ಪತ್ರೆ ತೋರಿಸಲು ಸಹಾಯ ಮಾಡಿ ಅಂತ ಅವನು ವಿನಂತಿಸಿ ಕೊಂಡಾಗ ಒಬ್ಬಳು ಮಧ್ಯವಯಸ್ಸಿನ ಹೆಂಗಸೂ ಅವಳ ಪಡ್ಡೆ ಮಗನೂ ಕಾರಲ್ಲಿ ಕೂತರು. `ನೋಡ್ದ್ಯಾ? ಫಾರಿನರ್ಸಿ ಗೆ ಇರುವ ಒಳ್ಳೆ ಬುದ್ದಿ ನಮ್ಮವರಿಗಿಲ್ಲಾ…’ಅಂತ ಜನರೆಲ್ಲಾ
ಮಾತಾಡಿಕೊಳ್ಲುತ್ತಿದ್ದಾಗ ಕಾರು ಹೊರಟಿತು. ಅಲ್ಲಿ ಸೇರಿದ್ದ ಜನರಿಗಾಗಲೀ ಆಸ್ಪತ್ರೆ ಬಾಗಲಲ್ಲಿ ಇಳಿದು ಹೋದ ಅಮ್ಮ ಮಗನಿಗಾಗಲೀ ಗೊತ್ತಾಗದೇ ಹೋದ ವಿಪರ್ಯಾಸದ ವಿಷಯವೆಂದರೆ ಅದು ಟಿಮ್ ಧಾರಿಣಿಯನ್ನು ಅಪಹರಿಸಲು ಆಡಿದ ವ್ಯವಸ್ಥಿತ ನಾಟಕ ಎಂದು…! ಆದರೇ ಸ್ವತಃ ಟಿಮ್ ನಿಗೂ ಗೊತ್ತಿರದೇ ಇದ್ದ ವಿಷಯ ಅವನ ಪ್ಲ್ಯಾನ್ ಹಾಳು ಮಾಡಲಿರುವ ವ್ಯಕ್ತಿ ಅವನ ಕಾರ್ ನಲ್ಲೇ ಕೂತಿದ್ದಾನೆ ಎಂದು…!!

ಧಾರಿಣಿ ಕಣ್ ಬಿಡಲು ಯತ್ನಿಸಿದಾಗ ಮೊದಲು ಕೇಳಿಸಿದ್ದು ಹರಿವ ನೀರಿನ ಮಂಜುಳ ನಾದ. ಕಣ್ ಬಿಟ್ಟಾಗ ಕಾಣಿಸಿದ್ದು ಸಿ.ಸಿ ಕ್ಯಾಮೆರಾ. ಅವಳನ್ನು ಕುರ್ಚಿಗೆ ಬಿಗಿದು ಕಟ್ಟಿದ್ದರು ಮತ್ತು ಕೆಲವೇ ಗಳಿಗೆಯಲ್ಲಿ ಅವಳಿದ್ದ ಆರೂಮಿಗೆ ಗೆ ಟಿಮ್ ನ ಆಗಮನ ವಾಯಿತು. ಮಿಸ್ ಶ್ಯಾಸ್ತ್ರೀ…’ಅಂತ ಪ್ರಾರಂಭಿಸಿ ಟಿಮ್ ನೀನು ನಿನ್ನ ಪೇಟೆಂಟ್ ಬಗೆಗಿನ ವಿವರಗಳನ್ನು ನಮಗೆ ಕೊಡದಿದ್ದರೆ ಪರಿಣಾಮಎದುರಿಸಬೇಕಾಗುತ್ತೆ ಅಂತ ಎಚ್ಚರಿಸಿದ ಅವನು ಈ ಭಾಷಣ ಹೊಡೆಯುತ್ತಿರುವಾಗ ಧಾರಿಣಿ ಅವನ ಮಾತು ಗಮನಿಸದೆ ಗಾಡವಾಗಿ ಯೋಚಿಸುತ್ತಿದ್ದಳು ಮತ್ತು ಅವನು ಮಾತು ಮುಗಿಸಿದ ನಂತರ ಕತ್ತಲಲ್ಲೊಂದು ಬಾಣ ಬಿಟ್ಟಳು
`ನೋಡೀ…ನೀವು ತಪ್ಪು ತಿಳಿದಿದ್ದೀರಾ. ನಾನು ಧಾರಿಣಿ ಅಲ್ಲಾ…ಅವಳದೇ ಹೋಲಿಕೆ ಇರುವ ಅವಳ ತಂಗಿ ಪ್ರವಲ್ಲಿಕಾ…’
ಟಿಮ್ ಅವಾಕ್ಕಾದ…ದಬ್ಬೆಂದು ಬಾಗಿಲು ಬಡಿದು ಹೊರಗೆ ಹೋದ. ಧಾರಿಣಿ ಆ ಗಳಿಗೆ ಅಪರೂಪವಾಗಿ ದೇವರನ್ನು ಪ್ರಾರ್ಥಿಸಿದಳು…`ದೇವರೇ ಇವತ್ತು ಪ್ರವಲ್ಲಿಕಾ ಹಾಸ್ಟೆಲ್ ನಿಂದ ಹೊರಗೆ ಹೋಗದೇ ಇರಲೀ ಮತ್ತು ಇಸ್ಟೊತ್ತಿಗೆ ಅವಳು ನಾನುಕೊಟ್ಟ ಪತ್ರ ಪೋಸ್ಟ್ ಮಾಡಿರಲಿ’

ಭಾಗ – 8

ಮಧ್ಯಾಹ್ನದ ಹೊತ್ತು ಸಣ್ಣ ನಿದ್ದೆ ತೂಗುತ್ತಿದ್ದ ಶಾರದಮ್ಮನವರಿಗೆ ಪಕ್ಕದ ಮನೆಯ ಹುಡುಗ ಓಡೋಡಿ ಬಂದು ತೇಕುತ್ತಾ ಹೇಳಿದ ಸುದ್ದಿ ದಿಗಿಲು ಹುಟ್ಟಿಸಿತ್ತು. “ದೊಡ್ಡಮ್ಮಾ, ಪೇಟೆಯಲ್ಲಿ ಎಲ್ಲ ಮಾತಾಡ್ತಿದ್ದಾರೆ, ವಲ್ಲೀ ಅಕ್ಕನಿಗೆ ತೊಂದರೆ ಆಗ್ತಿದೆಯಂತೆ. ಅವ್ಳ ಹಾಸ್ಟೆಲ್ ಹೊರಗೆ ರೌಡಿಗಳಿದಾರಂತೆ. ಅವ್ಳು ಯಾರೋ ಮಂತ್ರಿ ಜೊತೆ ಮಾತಾಡಕ್ಕೆ ಅವ್ಳ ಫ್ರೆಂಡ್ ಜೊತೆ ಹೋಗಿದ್ದು ಸರಿಯಲ್ವಂತೆ. `ಇನ್ನು ಅವ್ಳ ಕತೆ ಗೋ…ವಿಂದ’, ಅಂತ ಏನೇನೋ ಮಾತಾಡ್ತಿದಾರೆ ದೊಡ್ಡಮ್ಮ.” ಅಂದ. ಶಾರದಮ್ಮ “ಏನೂಂದ್ರೆ, ಇಲ್ಲಿ ಬನ್ನಿ… ಕೇಳ್ರೀ… ಏನೂಂದ್ರೇ…” ಕೂಗಿಕೊಳ್ಳುತ್ತಾ ಎಚ್ಚರತಪ್ಪಿ ಬಿದ್ದುಬಿಟ್ಟರು.

ಪ್ರಪಂಚದ ವ್ಯವಹಾರಗಳನ್ನೆಲ್ಲ ಬದಿಗಿಟ್ಟು ದೇವಧ್ಯಾನ ಮಾಡಬೇಕೆಂದು ಇಚ್ಛಿಸುತ್ತಾ ಮಾಡು ದಿಟ್ಟಿಸುತ್ತಾ ಮಲಗಿದ್ದ ಶಾಸ್ತ್ರಿಗಳಿಗೆ ಮಡದಿಯ ಕೂಗು ಪಕ್ಕನೆ ದಾಖಲಾಗಲಿಲ್ಲ. ಸುದ್ದಿ ತಂದ ಹುಡುಗನೇ ಒಳಗೆ ಬಂದು ಕೋಣೆಯ ಬಾಗಿಲು ದೂಡಿ ವಿಷಯ ತಿಳಿಸಿದಾಗ ದಡಬಡಿಸಿ ಎದ್ದರು. ಚೊಂಬು ನೀರಿನೊಡನೆಯೇ ಚಾವಡಿಗೆ ನಡೆದು ಶಾರದೆಯ ಕೆನ್ನೆ ತಟ್ಟಿ, ಗಲ್ಲ ಅಲುಗಿಸಿ, ಹಣೆಗೆ, ಕಣ್ಣಿಗೆ ನೀರು ತಟ್ಟಿದರು. “ಲೇ, ಶಾರದಾ, ಏಳೇ, ಏನಾಯ್ತೇ, ಏಳೇ ಮೇಲೆ. ನನ್ನನ್ನು ಬಿಟ್ಟು ನೀನು ಅದ್ಹ್ಯಾಗ್ ಹೋಗ್ತೀಯೇ… ಏಳೇ, ಕಣ್ಬಿಡೇ…!!” ಗದ್ಗದ ಸ್ವರದೊಂದಿಗೂ ಪ್ರೀತಿ ಒಸರುತ್ತಿದ್ದ ಶಾಸ್ತ್ರಿಗಳ ಮುಖವನ್ನೇ ದಿಟ್ಟಿಸುತ್ತಾ ನಿಂತಿದ್ದ ಹುಡುಗ ಜ್ಞಾನೋದಯ ಆದವನಂತೆ ಒಮ್ಮೆಲೇ ಓಡಿ ಹೋಗಿ ತನ್ನ ತಾಯಿಯನ್ನು ಕರೆತಂದ. ಇನ್ನೊಂದು ಮಹಿಳೆಯನ್ನು ನೋಡುತ್ತಲೇ ಶಾಸ್ತ್ರಿಗಳು ಪಕ್ಕಕ್ಕೆ ಸರಿದು ತನ್ನವಳನ್ನು ಅವರ ಆರೈಕೆಗೆ ಬಿಟ್ಟುಕೊಟ್ಟರು. ಗಂಡ ಹಣೆಗೆ, ಕಣ್ಣಿಗೆ ತಟ್ಟಿದ್ದ ನೀರಿಗೋ, ಅರಿವಿನ ಪರಿಗೋ, ಶಾರದಮ್ಮ ಮೆಲ್ಲನೆ ಕಣ್ಣುಬಿಟ್ಟರು. “ಏನೂಂದ್ರೇ, ಬೆಂಗಳೂರಿಗೆ ಹೋಗೋಣ, ನಡೀರಿ” ಅಂದರು.
***

ಢವಗುಟ್ಟುವ ಹೃದಯದೊಂದಿಗೆ ಶಾಸ್ತ್ರಿಗಳು ಶಾರದಮ್ಮನವರೊಡನೆ ಬೆಂಗಳೂರು ತಲುಪಿದರು. ಅಲ್ಲಿ ಮಕ್ಕಳ ಗತಿ ಏನೋ ಎಂತೋ ಎಂಬ ಚಿಂತೆ ಅವರನ್ನು ಹಣ್ಣು ಮಾಡಿತ್ತು. ಆದರೆ ಪರಿಸ್ಥಿತಿ ಅವರು ತಿಳಿದಂತೆ ಭಯಾನಕವಾಗಿಯೇನೂ ಇರಲಿಲ್ಲ. ಶಾಸ್ತ್ರಿಗಳು ನಿತ್ಯ ಪೂಜಿಸುತ್ತಿದ್ದ ಅವರ ಆರಾದ್ಯ ದೈವ ’ಲಕ್ಷ್ಮೀನರಸಿಂಹ’ ಅವರ ಕೈಬಿಟ್ಟಿರಲಿಲ್ಲ.

ಹಾಸ್ಟೆಲನ್ನು ಅಕ್ರಮವಾಗಿ ವಶಪಡಿಸಿಕೊಳ್ಳಲು ಪ್ರಯತ್ನ ನಡೆಯುತ್ತಿರುವ ಸುದ್ದಿ ಎಲ್ಲೆಡೆಗೂ ಮಿಂಚಿನಂತೆ ಹರಡಿ ಸಂಬಂಧಪಟ್ಟ ಅಧಿಕಾರಿಗಳು ಎಚ್ಚೆತ್ತಿದ್ದರು. ಪೋಲಿಸರು ಚುರುಕಿನ ಕಾರ್ಯಾಚರಣೆ ನಡೆಸಿ, ಅದರ ಹಿಂದಿದ್ದ ದುರಾಸೆಯ ಸಂಚನ್ನು ಹೊರಗೆಳೆದಿದ್ದರು. ಕೆ.ಡಿ.ಶಿವಣ್ಣನ ಹಿಂಬಾಲಕರು ಪೋಲಿಸರ ಮುಂದೆ ಎಲ್ಲವನ್ನೂ ಬಾಯಿಬಿಟ್ಟಿದ್ದರು. ಕೆ. ಡಿ. ಶಿವಣ್ಣ ಈ ವಿಷಯದ ಬಗ್ಗೆ ಇನ್ನೂ ಮುಂದುವರೆದರೆ ತನ್ನ ಹೆಸರು ಹೊರಗೆ ಬಂದೀತೆಂದು ಹೆದರಿ ಸುಮ್ಮನಾಗಿದ್ದ. ಚುನಾವಣೆ ಬಹಳ ಹತ್ತಿರದಲ್ಲಿಯೇ ಇರುವುದರಿಂದ ಈ ಸಂದರ್ಭದಲ್ಲಿ ಅವನ ಹೆಸರು ಹೊರಗೆ ಬರುವುದರಿಂದ ಅನೇಕ ರಾಜಕೀಯ ಪುಢಾರಿಗಳು ಪೇಚಿನಲ್ಲಿ ಸಿಕ್ಕುಬೀಳುವರೆಂಬ ಸತ್ಯ ಅವನಿಗೆ ಗೊತ್ತಿದ್ದದ್ದೇ ಆಗಿತ್ತು.

ಪೋಲಿಸರಿಗೆ ಈಗಾಗಲೇ ಬೆಂಗಳೂರಿನಲ್ಲಿ ಕಾರ್ಯಾಚರಣೆ ನಡೆಸುತ್ತಿರುವ ಭಯೋತ್ಪಾದಕರ ಬಗ್ಗೆಯೂ ಸುಳಿವೂ ಸಿಕ್ಕಿತ್ತು. ಭರತಖಾನನಿಗಾಗಿ ಎಲ್ಲೆಡೆ ತೀವ್ರ ಶೋಧ ನಡೆದಿತ್ತು. ಪ್ರವಲ್ಲಿಕಾ ಅಕ್ಕ ಧಾರಿಣಿ ಮತ್ತು ಗೆಳತಿ ಕಾಂತಿಯ ನೆರವಿನೊಂದಿಗೆ ಪೋಲಿಸ್ ಅಧಿಕಾರಿಗಳ ಮುಂದೆ ಅವನ ಚಹರೆಯನ್ನು ಬಣ್ಣಿಸಿದ್ದಳು. ಗುಪ್ತಚರ ಇಲಾಖೆ ಭರತಖಾನ ಎಲ್ಲೂ ತಪ್ಪಿಸಿಕೊಳ್ಳದಂತೆ ಚಾಣಾಕ್ಷತನದಿಂದ ಬಲೆ ಹೆಣೆದಿತ್ತು. ಸದ್ಯದಲ್ಲೇ ಭರತಖಾನ್ ತಮ್ಮ ಅತಿಥಿಯಾಗುವುದರಲ್ಲಿ ಪೋಲಿಸರಿಗೆ ಯಾವುದೇ ಸಂದೇಹವಿರಲಿಲ್ಲ. ಕೇಡಿ ಭರತಖಾನನೊಬ್ಬ ಸಿಕ್ಕುಬಿದ್ದರೆ ಸಾಕು, ಅವನ ಇಡೀ ಜಾಲವನ್ನು ಸುಲಭವಾಗಿ ಭೇದಿಸಬಹುದೆಂಬ ಲೆಕ್ಕಾಚಾರ ಅವರದಾಗಿತ್ತು.

ಕಥೆ ಬಗ್ಗೆ ಮಾತಾಡಲು ಈ ಎಳೆ

ಹೊಸ ಕಥೆ ಬರೆಯೋಣವೇ? ಎಂದು ಅನೇಕರು ಉತ್ಸಾಹದಿಂದ ಕೇಳಿಕೊಂಡಿದ್ದಕ್ಕಾಗಿ ಇನ್ನೊಂದು ಹೊಸ ಕಥೆಯನ್ನು ಪ್ರಾರಂಭಿಸಿದ್ದೇನೆ. ಅರ್ಧಕ್ಕೆ ಕೈಕೊಟ್ಟು ಓಡಿ ಹೋಗುವುದಿಲ್ಲವೆಂದು ಕೆಲವರು ಭರವಸೆಯನ್ನೂ ನೀಡಿದ್ದಾರೆ. 🙂 ಈ ಬಾರಿ ಕಥೆ ತ್ರಿಕೋನ ಪ್ರೇಮದ ಜಾಡು ಹಿಡಿದು ಹೋಗದಂತೆ, ಹೊಸ ದಾರಿಯಲ್ಲಿ ತೆಗೆದುಕೊಂಡು ಹೋಗಲು ಪ್ರಯತ್ನಿಸೋಣ. ಎಂದಿನಂತೆ ಕತೆ ಬರೆಯಲು ಒಂದು ದಾರ. ಕಥೆಯ ಬಗ್ಗೆ ಚರ್ಚಿಸಲು ಇನ್ನೊಂದು ದಾರ. ಕಥೆ ಚಿಕ್ಕದಾಗಿರಲಿ, ಚೊಕ್ಕದಾಗಿರಲಿ. ಈ ಕಥೆಯನ್ನು ಸದ್ಯದಲ್ಲಿಯೇ ಬೇರೊಂದು ಬ್ಲಾಗಿಗೆ ಸ್ಥಳಾಂತರಿಸಲಾಗುತ್ತದೆ. ಅಲ್ಲಿವರೆಗೆ ಇಲ್ಲೇ ಬರೆಯಿರಿ.

ಕಥೆ ಬರೆಯುವವರಿಗೆಲ್ಲಾ ಸ್ವಾಗತ!

1. sritri
2. ಮಾಲಾ ಎಂಬ ಅಮ್ಮುವಿನಮ್ಮ
3. shiv
4. ಜಗಲಿ ಬಾಗವತ
5. ಸುನಾಥ

ಭಾಗ-7

ಕಾಂತಿ ಕೋಪದಿಂದ ಧುಮುಗುಟ್ಟುತ್ತಾ ರೂಮಿಗೆ ಬಂದಾಗ ಪ್ರವಲ್ಲಿಕಾ ಅಕ್ಕ ಧಾರಿಣಿಗೆ ತಾನು ಭರತಖಾನನ ಬಂಧನದಿಂದ ತಪ್ಪಿಸಿಕೊಂಡು ಬಂದ ಕಥೆಯನ್ನು ಬಣ್ಣಬಣ್ಣವಾಗಿ ಹೇಳಿ ಮುಗಿಸುತ್ತಿದ್ದಳು.
ಧಾರಿಣಿ ಇವರುಗಳ ರೂಮಿನಲ್ಲೇ `ಗೆಸ್ಟ್’ಎಂದು ಇರುವುದಾದ್ದರಿಂದ ಧಾರಿಣಿಗೂ ಕಾಂತಿಗೂ ಕೆಲವೇ ಸಮಯದಲ್ಲಿ ಚೆನ್ನಾದ ಸ್ನೇಹ ಬೆಳೆದಿತ್ತು…ಕಾಂತಿ ಪ್ರವಲ್ಲಿಕಾ ತರ `ಪುಕ್ಕಲು ಪಾರ್ಟಿ’ಅಲ್ಲ ಧಾರಿಣಿಯಷ್ಟಲ್ಲದಿದ್ದರೂ ತಕ್ಕಷ್ಟು ಧೈರ್ಯವಂತೆ ಜೊತೆಗೆ ಅನ್ಯಾಯ ಕಂಡರೆ ಸಿಡಿದು ಬೀಳುವ ಸ್ವಭಾವದವಳು ಸ್ವಲ್ಪ ಮಾತಾಳಿ ಕೂಡಾ…ಈ ಎಲ್ಲಾ ಗುಣಗಳು ಧಾರಿಣಿಯಲ್ಲೂ ಇದ್ದುದರಿಂದ ಅವಳಿಗೆ ಕಾಂತಿಯೊಂದಿಗೆ ಸ್ನೇಹ ಸಲಿಗೆ ಚಿಗುರಿತ್ತು. ಈ ಸಲಿಗೆಯಿಂದಲೇ ಧಾರಿಣಿ ನಗುತ್ತಾ `ಏನು ಅಮ್ಮಾವ್ರೂ…ಗರಂ ಗರಂ ಆಗಿದೀರಾ…ಇವತ್ತೂ? ಎಂದಳು.

ಅದಕ್ಕುತ್ತರವಾಗಿ ದೊಪ್ಪೆಂದು ಮಂಚದ ಮೇಲೆ ಕೂರುತ್ತಾ ಕಾಂತಿ ಕೋಪದ ದನಿಯಲ್ಲಿ ಹೇಳಿದಳು`ನೀವಿಬ್ರೂ ಯಾವ್ದೋ ಕಾಲದ ಆ ರೌಡಿ ಕಥೆನೇ ಮೆಲಕು ಹಾಕ್ತಾ ಕೂತಿರಿ. ಈ ವಲ್ಲೀನೋ ಇವಳ ಪುಕ್ಕಲುತನನೋ ದೇವರಿಗೇ ಪ್ರೀತಿ ಬಾರೇ… ಮತ್ತೆ ಪೋಲೀಸ್ ಸ್ಟೇಷನ್ ಗೆ ಹೋಗಿ ಆ ಕೇಡಿಗಳು ನಿನ್ ಹಿಡ್ಕೊಂಡು ಹೋಗಿದ್ರೂ ಅಂತ ಅವ್ನ ಬಗ್ಗೆ ಡೀಟೇಲ್ಸ್ ಕೊಟ್ಟು ಬರಣಾ ಅಂದ್ರೆ ಅಯ್ಯಯ್ಯೋ ಒಂದ್ ಸಲ ಪೋಲೀಸ್ ಹತ್ರ ಹೋಗಿದ್ದಕ್ಕೇ ಹೀಗೆಲ್ಲಾ ಆಯ್ತಪ್ಪಾ ಮತ್ತೆ ಆ ಸಾವಾಸಾನೇ ಬೇಡಾ ಅಂದ್ಬುಟ್ಳು ಪೋಲೀಸೇ ಹಾಸ್ಟೆಲ್ ಗೆ ಹುಡ್ಕಿಕೊಂಡು ಬಂದಾಗ ಅವಳಿಲ್ಲಾ ಅಂತ ಹೇಳಿಸ್ ಬಿಟ್ಳು… ಈಗ ನೋಡಿದ್ರೆ… ಕಂಡ್ ಕಂಡೋರ್ ಹತ್ರ ಹಳೇ ಕಥೆ ಕೊಚ್ಕೋತಿದಾಳೇ…ಅಮ್ಮ ಮಹಾರಾಣೀ… ಪ್ರವಲ್ಲಿಕಾ ದೇವೀ… ಹಳೆ ಕತೆ ಕೊಚ್ಕೊಳೋದು ಬಿಟ್ಟು ಗಂಟು ಮೂಟೆ ಕಟ್ಟಿ ತಯಾರಾಗೂ… ಬೆಂಗಳೂರಿಂದ ಆಚೆ ಯಾವುದೋ ತಿಪ್ಪೇಗುಂಡೀಲಿ ನಿನ್ ಹೊಸ ಅರಮನೆ ತಯಾರಾಗಿದೆ. ಅಲ್ಲಿಗೆ ದಯಮಾಡಿಸಿ ನಿನ್ನ ಪಾದಧೂಳಿಯಿಂದ ಪುನೀತ ಮಾಡು…’ಎಂದು ಕೂಗಿದಳು. ಪ್ರವಲ್ಲಿಕಾ ಅಳು ಮೂತಿ ಮಾಡಿ ಕೂತಾಗ ಧಾರಿಣಿ ಇನ್ನು ಕೆಲಸ ಕೆಟ್ಟೀತೆಂದು ಕಾಂತಿಯನ್ನು ಸಮಾಧಾನ ಮಾಡಲು ಪ್ರಯತ್ನಿಸುತ್ತಾ` ಯಾಕೆ ಕಾಂತಿ ಏನಾಯ್ತು ನಿಂಗೆ… ಏನ್ ಸಮಾಚಾರ ಹೇಳು…’ಎಂದಳು ಕಾಂತಿ ಬುಸುಗುಟ್ಟುತ್ತಾ ತಾನು ಈಗ ತಾನೇ ಹಾಸ್ಟೆಲ್ ನೋಟೀಸ್ ಬೋರ್ಡ್ ನಲ್ಲಿ ನೋಡಿದ ಸಂಗತಿ ಹೇಳಿದಾಗ ಪ್ರವಲ್ಲಿಕಾ ಅಳಲು ಶುರು ಮಾಡಿಬಿಟ್ಟರೆ ಧಾರಿಣಿ ಚಿಂತಿತಳಾದಳು.

ಅಂದು ಕೆ.ಡಿ ಶಿವಣ್ಣನ ಕೈವಾಡದಿಂದಾಗಿ ಹಾಸ್ಟೆಲ್ ನಲ್ಲಿ ಒಂದು ಸರ್ಕಾರಿ ಆದೇಶವನ್ನು ಪ್ರಕಟಿಸಲಾಗಿತ್ತು ಹಾಸ್ಟೆಲ್ ಕಟ್ಟಡ ಸುಮಾರು ನಲವತ್ತು ವರ್ಷದಷ್ಟು ಹಳೆಯದಾದ್ದರಿಂದ ಸರ್ಕಾರ ಅದನ್ನು ಕೆಡವಿ ಹೊಸ ಕಟ್ಟಡ ಕಟ್ಟಿಸಲು ತೀರ್ಮಾನಿಸಿದೆಯೆಂದೂ ಆದ ಕಾರಣ ಹಾಸ್ಟೆಲ್ ನಿವಾಸಿಗಳೆಲ್ಲಾ ತಮ್ಮ ತಮ್ಮ ಸಾಮಾನು ಸರಂಜಾಮುಗಳೊಂದಿಗೆ ಬೆಂಗಳೂರಿನ ಹೊರವಲಯದಲ್ಲಿರುವ ತಾತ್ಕಾಲಿಕ ಕಟ್ಟಡವೊಂದಕ್ಕೆ ಹೊರಡಲು ಒಂದು ವಾರದೊಳಗಾಗಿ ತಯಾರಾಗಬೇಕೆಂದು ಆಜ್ಞಾಪಿಸಲಾಗಿದೆ ಎಂದೂ ನೋಟೀಸಿನಲ್ಲಿ ತಿಳಿಸಲಾಗಿತ್ತು. ತನ್ನ ಸೂಚನೆ ಪ್ರಕಾರ ಹಾಸ್ಟೆಲ್ ನಲ್ಲಿ ನೋಟೀಸು ಜಾರಿಯಾಗಿದ್ದು ತಿಳಿದು ಕೆ.ಡಿ ಶಿವಣ್ಣನಿಗೆ ತೃಪ್ತಿ ಯಾಯಿತು. ಹಾಸ್ಟೆಲ್ ಹುಡುಗಿಯರಿಗಾಗಿ ಅವನು ಸೂಚಿಸಿದ್ದ ಬೆಂಗಳೂರು ಹೊರವಲಯದ ಕಟ್ಟಡ ಒಂದು ಸರ್ಕಾರಿ ಗೋಡೋನ್.ಕೊಳಚೆ ನಿರ್ಮೂಲನಾ ಮಂಡಳಿಗೆ ಸೇರಿದ್ದು. ಇನ್ನು ಸರಳಾದೇವಿಯನ್ನೂ,ಕೊಳಚೆ ನಿರ್ಮೂಲನಾ ಇಲಾಖೆಯ ಅಧೀಕ್ಷಕರನ್ನೂ ಸುಮ್ಮನಾಗಿಸುವ ಕೆಲಸ ಉಳಿಯಿತು ಅಂದುಕೊಂಡ.ಅಧೀಕ್ಷಕರ ಕಥೆ ಪರವಾಗಿಲ್ಲ ಆವಮ್ಮನದೇ ಪ್ರಾಬ್ಲಮ್ಮು ಸೀಎಮ್ಮಿಗೆ ಕ್ಲೋಸು ಬೇರೆ ಅವ್ಳು ಹುಸಾರಾಗಿ ಮುಂದೆ ಹೆಜ್ಜೆ ಇಡಬೇಕು. ಇನ್ಯಾರ ಕಡೆಯಿಂದನೂ ತೊಂದ್ರೆ ಇಲ್ಲ’ಅಂತ ತನಗೆ ತಾನೇ ಹೇಳಿಕೊಂಡ ಕೆ.ಡಿ ಶಿವಣ್ಣ. ಅದೇ ಅವನು ಮಾಡಿದ ತಪ್ಪು.

ಏಕೆಂದರೆ ಅದೇ ಸಮಯಕ್ಕೆ ಪ್ರವಲ್ಲಿಕಾಳ ರೂಮಿನಲ್ಲಿ ಕೋಪತಪ್ತ ಹುಡುಗಿಯರ ಗುಂಪು ಮುಂದೇನು ಮಾಡಬೇಕೆಂದು ಕಾಂತಿ ಮತ್ತು ಧಾರಿಣಿಯ ನೇತೃತ್ವದಲ್ಲಿ ಚರ್ಚಿಸುತ್ತಿತ್ತು. ಧಾರಿಣಿ ತಾನು ಹಾಸ್ಟೆಲ್ ನ ಗೆಸ್ಟ್ ಮಾತ್ರವಾಗಿರುವುದರಿಂದ ಮತ್ತು ಕೇವಲ ಮಾರ್ಗದರ್ಶನ ಮಾಡುತ್ತೀನೆಂದೂ ಪ್ರತಿಭಟನೆಯ ಮುಂದಾಳತ್ವ ಯಾವುದಾದರೂ ಹುಡುಗಿ ವಹಿಸಿಕೊಳ್ಳಬೇಕೆಂದೂ ಹೇಳಿದಾಗ ಕಾಂತಿ ಮುಂದಾಗಿ ತಾನೇ ನಾಳೆ ತಾವು ಮಾಡಬೇಕೆಂದಿರುವ ಪ್ರತಿಭಟನಾ ಮೋರ್ಚಾದ ಮುಂದಾಳುವಾದಳು. ಧಾರಿಣಿ ವಿದ್ಯಾರ್ಥಿನಿ ಅಲ್ಲ ಕೇವಲ ಗೆಸ್ಟ್ ಸೋ ಹಾಗೆಲ್ಲ ಪ್ರೊಟೆಸ್ಟ್ ಮಾಡುವಂತಿಲ್ಲ ಜೊತೆಗೆ ಅವಳು ಯಾರಿಗೂ ಹೇಳದೇ ಇರುವ ಒಂದು ರಹಸ್ಯ ಅವಳನ್ನು ಈ ಮೋರ್ಚಾದಿಂದ ವಿಮುಖಳಾಗಿಸಿತ್ತು. ಅದು ಅವಳು ಗುಟ್ಟಾಗಿ ತನ್ನ ಪೇಟೇಂಟ್ ಫೈಲ್ ಮಾಡಲು ಡಾಕ್ಯುಮೆಂಟ್ ಅನ್ನು ತಯಾರು ಮಾಡಿ ಬೆಂಗಳೂರಿನಿಂದಲೇ ಅಮೇರಿಕಾದ ಪೇಟೆಂಟ್ ಕಛೇರಿಯಲ್ಲಿ ಸಬ್ಮಿಟ್ ಮಾಡುವ ಅವಳ ಪ್ಲ್ಯಾನ್.

ಪ್ರವಲ್ಲಿಕಾ ಎಂಬ ಬಿಳಿ ಪಾರಿವಾಳ ತನ್ನ ಬಲೆಯಿಂದ ತಪ್ಪಿಸಿಕೊಡು ಹೋಯಿತೆಂದು ತಿಳಿದಾಗ ಭರತಖಾನನ ಕೋಪ ಮೇರೆ ಮೀರಿತ್ತು.ಒಂದಿಬ್ಬರು ಸಹಚರರಿಗೆ ತನ್ನ ಕೋಪದ ರುಚಿ ತೋರಿಸಿದ್ದ ಈ ಬಾರಿ ಪ್ರವಲ್ಲಿಕಾಳನ್ನು ಹಿಡಿತಂದು ಎಲ್ಲಿಯಾದರೂ ಸಾಗಿಸಿಬಿಡಬೇಕೆಂದು ಯೋಚಿಸಿದ ಅದರಂತೆ ಪ್ರವಲ್ಲಿಕಾ ಹಾಸ್ಟೆಲ್ ಮುಂದೆಯೇ ಒಂದೆರಡು ದಿನ ವಾಚ್ ಮಾಡಬೇಕೆಂದು ನಂಬಿಕೆಯ ನಾಲ್ವರು ಧಡಿಯರಿಗೆ ಸೂಚನೆಕೊಟ್ಟು ಹೊರನಡೆದ ಭರತ ಖಾನ.

ಧಾರಿಣಿಯ ಸೂಚನೆ ಪ್ರಕಾರ ಮರುದಿನ ಹುಡುಗಿಯರು ಕಾಂತಿಯ ನೇತೃತ್ವದಲ್ಲಿ ಘೋಷಣೆ ಕೂಗುತ್ತಾ ವಿದಾನ ಸೌಧದವರೆಗೂ ಮೋರ್ಚಾ ಹೋಗಿ ಮಹಿಳಾ ಕಲ್ಯಾಣ ಮಂತ್ರಿ ಸರಳಾದೇವಿಗೆ ತಮ್ಮ ಮನವಿ ಪತ್ರ ಅರ್ಪಿಸಿದರು.ವಿದ್ಯಾರ್ಥಿನಿಯರ ಪರೀಕ್ಷೆಗಳು ಹತ್ತಿರದಲ್ಲೇ ಇರುವುದರಿಂದ ತಮ್ಮ ಅಭ್ಯಾಸದ ಮೇಲೆ ಈ ವರ್ಗಾವಣೆ ಕೆಟ್ಟ ಪರಿಣಾಮ ಬೀರುವುದೆಂದೂ ಮತ್ತು ಕಟ್ಟಡ ಬಹಳ ಗಟ್ಟು ಮುಟ್ಟಾಗಿರುವುದರಿಂದ ಸರ್ಕಾರ ಈ ನಿರ್ಧಾರ ಕೈ ಬಿಡ ಬೇಕೆಂದೂ ಅದರಲ್ಲಿ ಮನವಿ ಮಾಡಿಕೊಳ್ಳಲಾಗಿತ್ತು. ಕಾಂತಿ ಮಂತ್ರಿಗಳ ಚೇಂಬರ್ ಒಳಗೆ ತನ್ನೊಂದಿಗೆ ಬಲವಂತವಾಗಿ ಪ್ರವಲ್ಲಿಕಾಳನ್ನು ಎಳೆದುಕೊಂಡು ಹೋದಳು ಮರುದಿನದ ಎಲ್ಲಾ ಪ್ರಮುಖ ವಾರ್ತಾ ಪತ್ರಿಕೆಗಳಲ್ಲಿ ಸರಳಾ ದೇವಿಯವರಿಗೆ ಮನವಿಪತ್ರ ಅರ್ಪಿಸುತ್ತಿರುವ ಕಾಂತಿಯ ಪಕ್ಕದಲ್ಲಿ ಪ್ರವಲ್ಲಿಕಾ ಇರುವ ಚಿತ್ರಗಳು ಅಚ್ಚಾಗಿದ್ದವು.
ನಮಗೆ ಎಷ್ಟು ಪ್ರಚಾರ ಸಿಕ್ಕಿದರೆ ಅಷ್ಟು ಒಳ್ಳೆಯದು ಎಂದು ಮರುದಿನದ ಪತ್ರಿಕೆ ನೋಡಿ ತೃಪ್ತಿಯಿಂದ ನುಡಿದಳು ಧಾರಿಣಿ ಪಾಪ… ಅವಳಿಗೆ ಈ ಪ್ರಚಾರದಿಂದಾಗುವ ಅಪಾಯದ ಅರಿವಿಲ್ಲ!

***
‘ಯಾವಳವಳು ಕಾಂತೀ…ಹಿಡ್ಕೊಂಡ್ ಬರ್ರಲಾ ನಾಕು ಒದ್ರೆ ನೆಟ್ ಗಾಗ್ ತಾಳೇ’ .ಕೆ.ಡಿ
ಶಿವಣ್ಣ ಅಬ್ಬರಿಸಿದ.ಲೋಕಲ್ ಟಿ.ವಿ ಚಾನಲ್ ಒಂದು ಹಾಸ್ಟೆಲ್ ಗೆ ಹೋಗಿ ಹುಡುಗಿಯರ ಸಂದರ್ಶನ ಬೇರೆ ಮಾಡಿತ್ತು.ಬಾಯಿ ಬಡುಕಿ ಕಾಂತಿ ಟಿ.ವಿಯಲ್ಲಿ ಹಾವ ಭಾವಗಳೊಂದಿಗೆ ಮಾತಾಡಿದ್ದು,ಸರಳಾದೇವಿ ಮುಖ್ಯ ಮಂತ್ರಿಗಳು ಇದರ ಬಗ್ಗೆ ವಿಚಾರಿಸುರೆಂದು ಹೇಳಿದ್ದು ಕೇಳಿ ರಾಜಯ್ಯ ಕಿಡಿ ಕಿಡಿಯಾದ್ದ ನೇರವಾಗಿ ಪೋನ್ ಎತ್ತಿ ಶಿವಣ್ಣನನ್ನು ಜಾಡಿಸಿದ…ರಾಜಯ್ಯನಿಗೆ ಸಿಟ್ಟು ಬಂದರೆ ಅವನೆಷ್ಟು ಕ್ರೂರಿ ಆಗಬಲ್ಲನೆಂದುಕೆ.ಡಿ. ಶಿವಣ್ಣನಿಗೆ ಚೆನ್ನಾಗಿ ಗೊತ್ತು. ಇನ್ನು ಸರಳಾದೇವಿ ಮುಖ್ಯ ಮಂತ್ರಿ ವರೆಗೆ ವಿಶಯ ತೆಗೆದುಕೊಂಡು ಹೋಗಲು ಬಿಟ್ಟರೆ ರಾಜಯ್ಯ ತನ್ನ ಪ್ರಾಣ ಉಳಿಸುವುದಿಲ್ಲವೆಂದೂ ಅವನಿಗೆ ಗೊತ್ತು. ತನ್ನ ಬಂಟರನ್ನು ಕಾಂತಿಯ ಹಾಸ್ಟೇಲ್ ಕಡೆಗೆ ಅವಸರವಾಗಿ ಅಟ್ಟಿದ. ಪ್ರವಲ್ಲಿಕಾಳಿಗಾಗಿ ಹಾಸ್ಟೆಲ್ ಮುಂದೆ ಟಳಾಯಿಸುತ್ತಿದ್ದ ಭರತ ಖಾನನ ಬಂಟರಾದ ಹುಸೇನಿ,ಫರೂಕ್,ಮತ್ತು ಇನಾಯತ್‍ಗೂ ಕೆ.ಡಿ ಶಿವಣ್ಣ ನ ಬಂಟರಾದ ಮಂಜ,ಸೂರಿ ಗೂ ಆಗಲಿರುವ ಸಣ್ಣ ಘರ್ಷಣೆ ಯಾರ್ಯಾರ ಹಣೆ ಬರಹ ಬದಲಿಸಲಿದೆಯೋ ಯಾರಿಗೆ ಗೊತ್ತು???
***

ಮಾರನೇ ದಿನ ಟಿವಿಯಲ್ಲಿ ಬಿಸಿ ಬಿಸಿ ಸುದ್ದಿ. ನಗರಾಭಿವೃದ್ದಿ ಮಂತ್ರಿ ಕೆ.ಡಿ. ಶಿವಣ್ಣ ನ ಮನೆಯಲ್ಲಿ ಬಾಂಬ್ ಸ್ಪೋಟಿಸಿ ಅವರ ಮನೆಯ ಮುಂದಿನ ಗಾರ್ಡ್ ಒಬ್ಬ ಮತ್ತು ಶಿವಣ್ಣನ ಮಗಳ ಪ್ರೀತಿಯ ನಾಯಿ `ಚುಪ್ಪಿ` ಮೃತ ಪಟ್ತಿದ್ದರು ಕೆ.ಡಿ. ಶಿವಣ್ಣ ಟಿವಿಯಲ್ಲಿ ಕಣ್ಣೀರಿಡುತ್ತಾ ತನ್ನ ಮಗಳೊಂದಿಗೆ ಕಾಣಿಸಿಕೊಂಡ ತನ್ನಂಥ ಸಜ್ಜನ ಎಂಥಾ ಪ್ರಾಣಾಪಾಯ ಎದುರಿಸಬೇಕಾಗಿ ಬಂದಿದೆ ಎಂದು ಹಲುಬಿದ ಚುಪ್ಪಿಯ ಫೋಟೊಗಳು ಎಲ್ಲಾ ಪತ್ರಿಕೆಯ ಮೊದಲ ಪುಟದಲ್ಲಿ ಬಂದವು ಸತ್ತ ಗಾರ್ಡ್‍ ಬಗ್ಗೆ ಮೂಲೆಯಲ್ಲಿ ಸಣ್ಣದಾಗಿ ವರದಿ ಮಾಡಲಾಗಿತ್ತು.

ಬಾಂಬ್ ಸ್ಪೋಟದ ಕಾರಣ ಶಿವಣ್ಣನಿಗೆ ಗೊತ್ತಿಲ್ಲದೇ ಏನಿಲ್ಲ.ಅದಾಗಿದ್ದು ಹೀಗೆ. ಮಂಜ ಮತ್ತು ಸೂರಿ ಪ್ರವಲ್ಲಿಕಾಳ ಹಾಸ್ಟೆಲ್ ಮುಂದೆ ಕಾಂತಿಯನ್ನು ಎಳೆದೊಯ್ಯ ಬೇಕೆಂದು ಹೊಂಚು ಹಾಕುತ್ತಿದ್ದರು.ಮೆಲ್ಲಗೆ ಹಾಸ್ಟೆಲ್ ಕಾಂಪೋಂಡ್ ಧುಮುಕಿ ಕಾಂತಿಯ ರೂಮ್ ನಲ್ಲಿ ಕಿಟಕೆ ಮೂಲಕ ಇಣುಕಿ ಸಹ ನೋಡಿದರು ಆದರೆ ರೂಮಿನಲ್ಲಿ ಪ್ರವಲ್ಲಿಕಾ ಸಹ ಇದ್ದಳು. ಧಾರಿಣಿ ಪಕ್ಕದ ರೂಮಿನಲ್ಲಿ ಹುಡುಗಿಯರೊಂದಿಗೆ ಮಾತಾಡುತ್ತಾ ಕೂತಿದ್ದರಿಂದ ಅವಳು ಮಂಜ ಮತ್ತು ಸೂರಿಯ ದೃಷ್ಟಿಯಿಂದ ಬಚಾವಾಗಿದ್ದಳು ತಾವು ಕಾಂತಿಯನ್ನು ಎಳೆದೊಯ್ಯುವುದಕ್ಕೆ ಪ್ರವಲ್ಲಿಕಾ ಸಾಕ್ಷಿಯಾಗಿ ಇರುವ ಅಪಾಯ
ಮನಗಂಡು ಸಲ್ಪ ಹೊತ್ತು ಕಾಯೋಣವೆಂದುಕೊಂಡು ಹೊರಬಂದುಬಿಟ್ಟರು. ಹಾಸ್ಟೆಲ್ ಎದುರಿನ ಛೋಟಾಚಾಯ್ ಅಂಗಡಿಯಲ್ಲಿ ಒಂದು ಗ್ಲಾಸ್ ಟೀ ಕುಡಿಯೋಣವೆಂದು ಅಲ್ಲಿಗೆ ಬಂದರು
ಕಾಂತಿ `ಪ್ರವಲ್ಲಿಕಾ…’ ಎಂದು ಕೂಗುವುದನ್ನು ಕೇಳಿಸಿಕೊಂಡಿದ್ದ ಮಂಜನಿಗೆ ಆ ಹೆಸರು ಬಲು ಇಷ್ಟವಾಗಿಬಿಟ್ಟಿತ್ತು ತನ್ನ ತಂಗಿ ಕಳೆದ ತಿಂಗಳು ಹೆತ್ತ ಹೆಣ್ಣು ಮಗುವಿಗೆ ಈ ಹೆಸರು ಒಪ್ಪುತ್ತದೆನ್ನಿಸಿತು ಆದರೆ ಆ ಹೆಸರು ಹೇಳಲು ಅವನ ನಾಲಿಗೆ ತಿರುಗುತ್ತಿಲ್ಲ!ಟೀ ಅಂಗಡಿಯಲ್ಲಿ ಕುಳಿತು ಎರಡು ಸ್ಟ್ರಾಂಗ್ ಟೀ ಆರ್ಡರ್ ಮಾಡಿಬೀಡಿ ಹಚ್ಚಿಕೊಂಡು`ಏನ್ಲಾ ಸೂರಿ…ಆ ಹೆಸ್ರು…’ ಅಂತ ಕೇಳಿ ಪ್ರವಲ್ಲಿಕಾ ಹೆಸರನ್ನು ಬಾಯಿ ಪಾಠ ಮಾಡಿಕೊಳ್ಳಲಾರಂಭಿಸಿದ.ಇದ್ದಕ್ಕಿದ್ದಂತೆ ಸೂರಿಗೆ ತಾವು ಪ್ರವಲ್ಲಿಕಾಳನ್ನೂ ಏಕೆ ಒಯ್ಯಬಾರದೆಂಬ ಯೋಚನೆ ಬಂದು ಬಿಟ್ಟಿತು`ಎಂಗೂ ಹುಡ್ಗಿ ಚೆಂದಾಗವ್ಳೆ…’ಎಂದು ಜೊಲ್ಲು ಸುರಿಸುತ್ತಾ ಮಂಜನಿಗೆ ತನ್ನ ಆಲೋಚನೆ ಹೇಳಿದ ಬಡಪಟ್ಟಿಗೆ ಮಂಜ ಒಪ್ಪಲ್ಲಿಲ್ಲ ಧಣಿಗಳ ತಾವ ಕೇಳಣ ಅಂದ ಇಬ್ಬರಿಗೂ ಜಗಳ ಸುರುವಾಯಿತು ಕೆ.ಡಿ. ಶಿವಣ್ಣನಿಗೆ ಮೊಬೈಲ್ ನಲ್ಲಿ ಕೇಳಿದ್ದೂ, ಅವನು ಪ್ರವಲ್ಲಿಕಾ ಳನ್ನೂ ಏಳೆತರಲು ಗ್ರೀನ್ ಸಿಗ್ನಲ್ ಕೊಟ್ಟಿದ್ದೂ ಆಯಿತು. ಅದೇ ಟೀ ಅಂಗಡಿಯಲ್ಲಿ ಕೂತು ಪ್ರವಲ್ಲಿಕಾಳಿಗಾಗಿ ಹಾಸ್ಟೆಲ್ ಮುಂದೆ ಕಾಯುತ್ತಿದ್ದ ಭರತ ಖಾನನ ಬಂಟರಾದ ಹುಸೇನಿ,ಫರೂಕ್,ಮತ್ತು ಇನಾಯತ್ ಗೂ ಇವರಿಬ್ಬರ ಮಾತುಗಳು ಅಯಾಚಿತವಾಗಿ ಕೇಳಿಬಂದವು! ಹುಸೇನಿ ಸ್ವಲ್ಪ ಮುಂಗೋಪಿ ನಮ್ಮ ಖಾನನ `ಹಕ್ಕಿ’ಯನ್ನು ಪಟಾಯಸಲು ಬಂದವರಿಗೆ ಬುದ್ದಿಕಲಿಸ ಬೇಕೆಂದು ಮಂಜನಿಗೂ ಸೂರಿಗೂ ಸರಿಯಾಗಿ ನಾಲ್ಕು ತದುಕಿದ. ಅಷ್ಟಕ್ಕೇ ಬಿಡದೆ ಭರತ ಖಾನನಿಗೆ ಪೋನ್ ಮಾಡಿ ಎಲ್ಲಾ ವಿಶಯ ತಿಳಿಸಿ ಬಿಟ್ಟ.

ಭರತ ಖಾನ ತಾವು ಕಾರ್ ಬಾಂಬ್ ಇಟ್ಟಿದ್ದನ್ನು ಪ್ರವಲ್ಲಿಕಾ ನೋಡಿದಳು ಎಂಬ ಕಾರಣಕ್ಕಾಗೇ ಈ ಮೊದಲು ಅವಳನ್ನು ಕಿಡ್ನ್ಯಾಪ್ ಮಾಡಿಸಿದ್ದ ಆದರೆ ಪ್ರವಲ್ಲಿಕಾಳ ಪುಕ್ಕಲುತನದಿಂದಾಗಿ ಅವಳು ತಾನಾಗೇ ಮುಂದಾಗಿ ಸಾಕ್ಷಿ ಕೊಡುವ ಸಂಭವ ಕಡಿಮೆ ಎಂದು ಈಗ ತಿಳಿದಿತ್ತು ಆದರೆ ಭರತ ಖಾನನಿಗೂ ಪ್ರವಲ್ಲಿಕಾಳ ಸೌಂದರ್ಯ ಹುಚ್ಚು ಹಿಡಿಸಿತ್ತು ಜೊತೆಗೆ ತನ್ನ ಮೇಲೆ ಪೋಲೀಸ್ ಕಂಫ್ಲೇಂಟ್ ಕೊಟ್ಟವಳ ಮೇಲೆ ಸೇಡು ತೀರಿಕೊಳ್ಳಬೇಕೆಂಬ ಬಯಕೆ ಪ್ರವಲ್ಲಿಕಾಳನ್ನು ಕಳೆದು ಕೊಳ್ಳಲು ಭರತ ಖಾನ ತಯಾರಿಲ್ಲ . ಪ್ರವಲ್ಲಿಕಾಳ ಬ್ರೈನ್ ವಾಷ್ ಮಾಡಿ ಅವಳನ್ನು ತಮ್ಮ ಗುಂಪಿನಲ್ಲಿ ಶಾಮೀಲು ಮಾಡಿಕೊಂಡು ಬೆಂಗಳೂರಿನ ಹೃದಯ ಭಾಗದಲ್ಲಿರುವ ಹಾಸ್ಟೆಲ್ನಲ್ಲಿ ಸ್ಥಾಪಿಸಿಬಿಟ್ಟರೆ ಯಾರಿಗೂ ಅನುಮಾನ ಬರದಂತೆ ಅವಳು ತನ್ನ ಹಾಸ್ಟೆಲ್ನಿಂದಲೇ ಭರತಖಾನನಿಗಾಗಿ ಮತ್ತು ಅವನ ಗುಂಪಿಗಾಗಿ ಆಪರೇಟ್ ಮಾಡಬಹುದೆಂದು ಅವನ ಧೀರ್ಘಾವಧಿ ಯೋಜನೆ ಹಾಗಾಗಿ ಕೆಡಿ ಶಿವಣ್ಣ ಹಾಸ್ಟೆಲ್ ಅನ್ನು ಎತ್ತಂಗಡಿ ಮಾಡಲು ನೋಟೀಸ್ ಹಾಕಿಸಿದ್ದಾನೆ ಅಂತ ಹುಸೇನಿ ಹೇಳಿದಾಗ ಅವನಿಗೆ ಭಯಂಕರ ಸಿಟ್ಟು ರೇಗಿತು ಕೆ.ಡಿ ಶಿವಣ್ಣನಿಗೆ. ಪೋನ್ ಮಾಡಿ ಹಾಸ್ಟೆಲ್ ತಂಟೆಗೆ ಬಂದರೆ ಸುಮ್ಮನಿರುವುದಿಲ್ಲವೆಂದು ಎಚ್ಚರಿಸಿದ ಇವನ್ಯಾರೋ ಲೋಕಲ್ ಗೂಂಡಾ… ನಾನಾದ್ರೋ ರಾಜ್ಯದ ಮಂತ್ರಿ ಎಂದು ಅಸಡ್ಡೆಯಿಂದ `ಏನ್ ಮಾಡ್ಕೋತೀಯೋ ಹೋಗ್..’ಎಂದು ಪೋನ್ ಕುಕ್ಕಿ ಬಿಟ್ಟ . ಶಿವಣ್ಣ ಇದರಿಂದ ರೋಷಗೊಂಡ ಭರತಖಾನ್ `ನಿಂಗೆ ಮಾಡ್ತೀನಿ ತಡಿ ಎಂದು ಈ ಬಾಂಬ್ ಸ್ಪೋಟದ ಮೂಲಕ ಕೆ.ಡಿ ಶಿವಣ್ಣನಿಗೆ ಎಚ್ಚರಿಕೆ ಕೊಟ್ಟಿದ್ದ.

***

ಭಾಗ – 6

ಶಾರದಮ್ಮನರಿಗೆ ಧಾರಿಣಿ ಗಂಡನನ್ನು ಅಮೆರಿಕದಲ್ಲಿಯೇ ಬಿಟ್ಟು ಬೆಂಗಳೂರಿಗೆ ಹಿಂತಿರುಗಿದ್ದು ಹಿಡಿಸಲಿಲ್ಲ. ಧಾರಿಣಿ ಏನೇ ಕಾರಣ ಹೇಳಿದರೂ ಅವರಿಗೆ ಅದು ಒಪ್ಪಿಗೆಯಾಗಲಿಲ್ಲ. ಮಗನಂತೂ ತಮ್ಮ ಕೈಬಿಟ್ಟುಹೋಗಿದ್ದಾಯಿತು, ಹೆಣ್ಣು ಮಕ್ಕಳಾದರೂ ಸಂಸಾರ ಮಾಡಿಕೊಂಡು ನೆಮ್ಮದಿಯಾಗಿರಲಿ ಎಂದು ಅವರ ಆಸೆಯಾಗಿತ್ತು. ಆದರೆ ಧಾರಿಣಿ ಯಾರ ಮಾತನ್ನು ಕೇಳುವವಳಲ್ಲವೆಂದು ಅವರಿಗೆ ತಿಳಿದಿತ್ತು. ಶಾಸ್ತ್ರಿಗಳು ಮಗನ ಸಾವಿನ ಸುದ್ದಿ ಕೇಳಿದಾಗಿನಿಂದ ಕುಸಿದುಹೋಗಿದ್ದವರು ಚೇತರಿಸಿಕೊಂಡಿರಲೇ ಇಲ್ಲ. ಮನಸ್ಸಿನ ಸಮತೋಲನವೇ ತಪ್ಪಿಹೋದಂತೆ ಆಡುತ್ತಿದ್ದ ಶಾಸ್ತ್ರಿಗಳನ್ನು ಸುಧಾರಿಸುವುದು ಶಾರದಮ್ಮನಿಗೆ ಬಹಳ ಕಷ್ಟವಾಗಿತ್ತು. ಒಟ್ಟಿನಲ್ಲಿ, ಸುಖವಾಗಿದ್ದ ಅವರ ಸಂಸಾರದ ದೋಣಿ ಸುಳಿಗೆ ಸಿಕ್ಕಿಕೊಂಡಿತ್ತು.

ಅಮೇರಿಕದ ದೈತ್ಯ ಕಂಪನಿಯಿಂದ ತಪ್ಪಿಸಿಕೊಳ್ಳುವ ಉದ್ದೇಶದಿಂದ ಧಾರಿಣಿ, ಬೆಂಗಳೂರಿನಲ್ಲಿ ಪ್ರವಲ್ಲಿಕಾಳ ಹಾಸ್ಟೆಲ್ಲಿನಲ್ಲಿ ಇರಲು ಬಯಸಿ ಬಂದಿದ್ದಾಳೆ. ಆದರೆ ತಾನೀಗ ಇಬ್ಬರು ವೈರಿಗಳನ್ನು ಎದುರಿಸುತ್ತಿದ್ದೇನೆಂದು ಅವಳಿಗೆ ತಿಳಿದಿಲ್ಲ. ಅಮೇರಿಕದ ದೈತ್ಯ ಕಂಪನಿ ಇವಳನ್ನು ಹುಡುಕುತ್ತಿರುವ ಮೊದಲನೆಯ ವೈರಿ. ಪ್ರವಲ್ಲಿಕಾಳನ್ನು ಹುಡುಕುತ್ತಿರುವ ಭರತಖಾನ, ಪ್ರವಲ್ಲಿಕಾಳ ಹೋಲಿಕೆಯಿರುವ ಇವಳ ಎರಡನೆಯ ವೈರಿ!

***
ನಗರಾಭಿವೃದ್ದಿ ಮಂತ್ರಿ ಕೆ.ಡಿ .ಶಿವಣ್ಣ ನ ಏರ್ ಕಂಡೀಶನ್ಡ್ ಛೇಂಬರ್ ನಲ್ಲಿ ಉದ್ದೋ ಉದ್ದನೆಯ ಟೇಬಲ್ ಮೇಲೆ ಬೆಂಗಳೂರಿನ ಮ್ಯಾಪ್ ಹರಡಿಕೊಂಡು ಕೂತಿದೆ ರಾಜಯ್ಯನ ಗುಂಪು.ಇಲ್ನೋಡು ಸಿವೂ…ಅಂತ ರಾಜಯ್ಯ ಉತ್ಸಾಹದಿಂದ ಬೆಂಗಳೂರಿನ ಮುಖ್ಯನಾಡಿಯಂತಿರುವ ಕೆ.ಜಿ ರೋಡ್ ಯಾನೇ ಕೆಂಪೇಗೌಡ ರೋಡ್ ನ ಮೇಲೆ ದಪ್ಪನೆ ಚಿನ್ನದ ಉಂಗುರ ತೊಟ್ಟ ತನ್ನ ಕಪ್ಪನೆ ಬೆರಳನ್ನಿಟ್ಟು
ತೋರಿಸುತಿದ್ದಾನೆ…ರಾಜಯ್ಯ ಹೊರಪ್ರಪಂಚಕ್ಕೆ ಸಮಾಜ ಸೇವಕ.ಆದರೆ ನಗರದ ಮುಖ್ಯರಸ್ತೆಯಲ್ಲಿರುವ ಆಯಕಟ್ಟಿನ ಜಾಗಗಳನ್ನು ತನ್ನೆಲ್ಲಾ ಶಕುನಿ ಬುದ್ದಿ ಉಪಯೋಗಿಸಿ ತನ್ನದಾಗಿ ಮಾಡಿಕೊಂಡು ಶಾಪಿಂಗ್ ಕಾಂಪ್ಲೆಕ್ಸ್ ಗಳನ್ನು ಕಟ್ಟಿ ಮಾರುವುದು, ಅವನ ನಿಜವಾದ ದಂಧೆ…ಕೆ.ಡಿ. ಶಿವಣ್ಣನನ್ನು ತೆರೆಮರೆಯಿಂದ ಮಂತ್ರಿ ಮಾಡಿದ್ದು ರಾಜಯ್ಯನೇ ಆದ್ದರಿಂದ ಸಿವೂಗೆ ರಾಜಯ್ಯನಿಗೆ `ಎಲ್ಪು’ ಮಾಡದೆ ಬೇರೆ ವಿಧಿಯೇ ಇಲ್ಲ….ಸದ್ಯಕ್ಕೆ ರಾಜಯ್ಯನ ಕಾಕದೃಷ್ಟಿ ಬಿದ್ದಿರುವುದು ಮೈಸೂರು ಬ್ಯಾಂಕ್ ವೃತ್ತದಲ್ಲಿರುವ ಜಾಗವೊಂದರ ಮೇಲೆ…ರಾಜಯ್ಯ ಮುಂದುವರೆಸಿದ`ನೋಡ್ ಸಿವೂ…ಇದು ಕೆ.ಜಿ. ರೋಡು ಇಂಗ್ ಹೋಯ್ತದೆ…ಇದು ಮೈಸೂರ್ ಬ್ಯಾಂಕ್ …ಇಲ್ಲಿಂದ ಅವಿನ್ಯೂ ರೋಡು ಸುರು ಆಯ್ತದಲ್ಲಪ್ಪಾ…ಅಂಗೆ ಇಲ್ಲಿಂದ ಪ್ಯಾಲೇಸ್ ರೋಡು ಸುರು ಆಯ್ತದೆ…ಈ ಎರಡನೇ ಪ್ಲ್ಯಾಟೇ ನಂಗೆ ಬೇಕಾಗಿರೋದು …ಕೊಡಿಸೋದು ನಿನ್ನ ಜವಾಬುದಾರಿ….’
`ಆದ್ರೇ ಅಲ್ಲೇನೋ ಬಿಲ್ಡಿಂಗು ಇರಬೇಕಲ್ಲ ರಾಜಯ್ಯಾ…’ಶಿವು ಕೇಳಿದ `ಅದ್ಯಾವುದೋ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆಗೆ ಸೇರಿದ್ದು ಕಣಣ್ಣಾ…’ ಅಂದ ರಾಜಯ್ಯನ ಭಂಟ. ಓಹೋ… ಇನ್ನು ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಮಂತ್ರಿ ಆ ಸರಳಾದೇವಿ ಬಾಯ್ ಬಡ್ಕೋತಾಳೆ…’ಅಂದ ಚಿಂತೆಯಿಂದ ಶಿವಣ್ಣ `ಅದೆಲ್ಲಾ ನಂಗೊತ್ತಿಲ್ಲಾ ಸಿವೂ…ನಿನ್ನ ಮಂತ್ರಿ ಮಾಡಿದ್ದು ಯಾಕೆ ಮತ್ತೆ…ಎರಡೆಕರೆಗೆ ಸಲ್ಪ ಕಡಿಮೆ ಇದೆ ಆ ಜಾಗ. ಅದ್ಯಾವುದೋ ಹಳೇ ಬಿಲ್ಡಿಂಗು ಐತೆ ಅದ್ನ ಒಡ್ದು ಕಾಂಪ್ಲೆಕ್ಸ್ ಕಟ್ಟಿದರೆ ಆಹಾ. ಒಂದೊಂದು ಅಂಗ್ಡಿಗೆ ಎಷ್ಟೆಷ್ಟು ಎಣಿಸಬಹುದು ಯೋಚ್ ನೆ ಮಾಡು ನಿಂಗೂ ಪರ್ಸೆಂಟೇಜ್ ಕೊಡಣಂತೆ. ಆವಮ್ಮನ ಬಾಯ್ ಹೆಂಗಾದ್ರೂ ಮುಚ್ಚಿಸಿದರಾಯ್ತು. ಎಕರೆಗೆ ನೂರು ರುಪಾಯಿ ತರ ನಾಮಿನಲ್ ಅಮೌಂಟ್ ಫಿಕ್ಸ್ ಮಾಡು…ಸಾಕು…ಇನ್ನು ಹದಿನೈದು ದಿನದಲ್ಲಿ ಜಾಗ ನನ್ನ ಹೆಂಡ್ತಿ ಹೆಸರಲ್ಲಿ ಆಗಿರಬೇಕು ನೋಡು…’ಎಂದು ಹೇಳುತ್ತಾ ಎದ್ದು ಹೊರಡಲು ಅನುವಾದ ರಾಜಯ್ಯ ಅವನ ಭಂಟರ ಗುಂಪು ಹಿಂಬಾಲಿಸಿತು ಕೆ.ಡಿ

ಶಿವಣ್ಣ ಈ ಕಾರ್ಯ ಹೇಗೆ ಸಾಧಿಸುವುದೆಂದು ಯೋಚಿಸಲಾರಂಭಿಸಿದ. ಅಂದ ಹಾಗೆ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆಗೆ ಸೇರಿದ ಆ ಜಾಗದಲ್ಲಿರುವುದು ಲೇಡೀಸ್ ಹಾಸ್ಟೆಲ್ ಮತ್ತು ಪ್ರವಲ್ಲಿಕಾ ಆ ಹಾಸ್ಟೆಲ್ ನಲ್ಲೇ ಇರುವುದು.