ಬೆಳ್ಳಿ ಕಾಲುಂಗುರ – ಕೇಳಿಸದೆ ಕಲ್ಲು ಕಲ್ಲಿನಲಿ

ಚಿತ್ರ : ಬೆಳ್ಳಿ ಕಾಲುಂಗುರ (೧೯೯೨)
ಸಾಹಿತ್ಯ : ದೊಡ್ಡರಂಗೇಗೌಡ
ಸಂಗೀತ : ಹಂಸಲೇಖ

ಹಾಡು ಕೇಳಿ 

ಎಸ್.ಪಿ.ಬಾಲಸುಬ್ರಹ್ಮಣ್ಯಂ 

*  ಚಿತ್ರ

ಕೇಳಿಸದೆ ಕಲ್ಲು ಕಲ್ಲಿನಲಿ
ಕನ್ನಡ ನುಡಿ
ಕಾಣಿಸದೆ ಹೊನ್ನ ಚರಿತೆಯಲಿ
ಹಂಪೆಯ ಗುಡಿ
ವೈಭವದ ತವರು ಕೂಗಿದೆ
ಪ್ರೀತಿಸುವ ಹೃದಯ ಬೇಡಿದೆ
ಕೇಳು ನೀನು….

ಭೂರಮೆಯೇ ಆಧಾರ
ಈ ಕಲೆಯೇ ಸಿಂಗಾರ
ಬಂಗಾರ ತೇರೇರಿ
ಮೂಡಣವೇ ಸಿಂಧೂರ
ದಿನ ದಿನ ದಿನ ಹೊಸದಾಗಿದೆ

ಇಂದಿಗೂ ಜೀವಂತ
ಶಿಲೆಯೊಳಗೆ ಸಂಗೀತ
ಸ್ವರ ಸ್ವರದ ಏರಿಳಿತ
ತುಂಗೆಯಲಿ ಶ್ರೀಮಂತ
ಕಣ ಕಣ ಕಣ ಕರೆ ನೀಡಿದೆ

ನೀನೊಮ್ಮೆ ಬಂದಿಲ್ಲಿ ಹಿತವಾಗಿ ಹಾಡು |

ಗಾಳಿಯೇ ಆವೇಶ
ಮೇಘವೇ ಸಂದೇಶ
ಪ್ರೇಮಕೆ ಸಂಕೇತ
ಹೊಂಬಣ್ಣದಾಕಾಶ
ಋತು ಋತುಗಳು ನಿನ್ನ ಕಾದಿವೆ

ನೀನಿರೆ ರಂಗೋಲಿ
ಸಂಗಾತಿ ಸುವ್ವಾಲಿ
ನವರಸವು ಮೈತಾಳಿ
ಜೀವನದ ಜೋಕಾಲಿ
ಯುಗ ಯುಗಗಳು ನಿನ್ನ ಕಾಯುವೆ

ನೀನೊಮ್ಮೆ ಬಂದಿಲ್ಲಿ ಬೆಳಕನ್ನು ನೀಡು |

ಕೇಳಿಸದೆ ಕಲ್ಲು ಕಲ್ಲಿನಲಿ
ಕನ್ನಡ ನುಡಿ
ಕಾಣಿಸದೆ ಹೊನ್ನ ಚರಿತೆಯಲಿ
ಹಂಪೆಯ ಗುಡಿ
ವೈಭವದ ತವರು ಕೂಗಿದೆ
ಪ್ರೀತಿಸುವ ಹೃದಯ ಬೇಡಿದೆ
ಕೇಳು ನೀನು….

*       *      *      *      *       *

ನಂಜುಂಡಿ – ದೀಪದಿಂದ ದೀಪವ- Deepadinda Deepava

ಚಿತ್ರ – ನಂಜುಂಡಿ (೨೦೦೩)
ಸಾಹಿತ್ಯ ಮತ್ತು ಸಂಗೀತ – ಹಂಸಲೇಖ
ಗಾಯಕರು – ಮಧು ಬಾಲಕೃಷ್ಣ,ನಂದಿತ

ಹಾಡು ಕೇಳಿ

ದೀಪದಿಂದ ದೀಪವ ಹಚ್ಚಬೇಕು ಮಾನವ
ಪ್ರೀತಿಯಿಂದ ಪ್ರೀತಿ ಹಂಚಲು
ಮನಸಿನಿಂದ ಮನಸನು ಬೆಳಗಬೇಕು ಮಾನವ
ಮೇಲು ಕೀಳು ಭೇದ ನಿಲ್ಲಲು
ಭೇದವಿಲ್ಲ ಬೆಂಕಿಗೆ ದ್ವೇಷವಿಲ್ಲ ಬೆಳಕಿಗೆ ನೀ ತಿಳಿಯೋ ||ಪ||

ಆಸೆ ಹಿಂದೆ ದುಃಖವೆಂದರು
ರಾತ್ರಿ ಹಿಂದೆ ಹಗಲು ಎಂದರು
ದ್ವೇಷವೆಂದು ಹೊರೆ ಎಂದರು
ಹಬ್ಬವದಕೆ ಹೆಗಲು ಎಂದರು
ಎರಡು ಮುಖದ ನಮ್ಮ ಜನುಮದ ವೇಷಾವಳಿ
ತಿಳಿದು ಹಾಲ್ಬೆಳಕ ಕುಡಿವುದೇ ದೀಪಾವಳಿ ||೧||

ಮಣ್ಣಿನಿಂದ ಹಣತೆಯಾದರೆ
ಬೀಜದಿಂದ ಎಣ್ಣೆಯಾಯಿತು
ಅರಳೆಯಿಂದ ಬತ್ತಿಯಾದರೆ
ಸುಡುವ ಬೆಂಕಿ ಜ್ಯೋತಿಯಾಯಿತು
ನಂದಿಸುವುದು ತುಂಬ ಸುಲಭವೋ ಹೇ ಮಾನವ
ಆನಂದಿಸುವುದು ತುಂಬ ಕಠಿಣವೋ ಹೇ ದಾನವ||೨||

*             *                    *

ಹಸಿರು ಗಾಜಿನ ಬಳೆಗಳೇ, ಸ್ತ್ರೀ ಕುಲದ ಶುಭ ಸ್ವರಗಳೇ

ಚಿತ್ರ : ಅವನೇ ನನ್ನ ಗಂಡ
ಸಾಹಿತ್ಯ, ಸಂಗೀತ : ಹಂಸಲೇಖ
ಗಾಯಕಿ : ಲತಾ ಹಂಸಲೇಖ

ಹಸಿರು ಗಾಜಿನ ಬಳೆಗಳೇ
ಸ್ತ್ರೀ ಕುಲದ ಶುಭ ಸ್ವರಗಳೇ
ಈ ಕೈಗಳಿಗೆ ಶೃಂಗಾರವೇ
ನೀವ್ ಘಲ್ಲೆಂದರೆ ಸಂಗೀತವೇ
ನಿಲ್ಲದ ಗಾನ ನಿಮ್ಮದಮ್ಮಾ ||ಪಲ್ಲವಿ||

ತೊಟ್ಟಿಲಿನ ಕೂಸಿಗೆ ದೃಷ್ಟಿ ಇದು ತಾನೇ?
ಮೊಡವೆಯ ವಯಸಿಗೆ ಒಡವೆ ಇದು ತಾನೇ?

ಕಾಮನ ಬಿಲ್ಲಿಗೂ ಇದರ ಸಾಟಿ ನಿಲ್ಲದು
ಋಷಿಗಳ ಸಂಯಮ ಇದರ ಮುಂದೆ ನಿಲ್ಲದು

ಸ್ತ್ರೀ ಕುಲದ ಸೌಭಾಗ್ಯವೇ ನಿಮ್ಮ ರೂಪವು
ಓ ಓ ಓ ಓ ಓ… ಲಾ ಲಾ ಲಾ ||-1-||

ಋತುಗಳ ಜೊತೆಯಲಿ ಬದುಕು ನಡೆವಾಗ
ಬದುಕಿನ ನೆರಳಲಿ ಹೆಣ್ಣು ನಡೆವಾಗ

ಪ್ರೇಮದ ಪ್ರಣಯದ ನಡುವೆ ನಿನ್ನ ನಗುವಿದೆ
ಸಾವಿನ ನೋವಿನ ನಡುವೆ ನಿನ್ನ ಅಳುವಿದೆ

ಸ್ತ್ರೀ ಕುಲದ ಸೌಭಾಗ್ಯವೇ ನಿಮ್ಮ ರೂಪವು
ಓ ಓ ಓ ಓ ಓ… ಲಾ ಲಾ ಲಾ ||-2-||

ಮತ್ತೊಂದು ಜನುಮ ದಿನ – ಶುಭಾಶಯಗಳು!

ಜೂನ್ ೨೩. ಹಂಸಲೇಖ ಜನ್ಮದಿನ. ಹಂಸಲೇಖ ಅವರಿಗೆ ಹಾರ್ದಿಕ ಶುಭಾಶಯಗಳು!

ನಾಳೆ ಗೊತ್ತಿಲ್ಲದ ಬಾಳಿಗೆ ಈ ದಿನ Birth day!
ಚಿತ್ರಕೃಪೆ : ಮೀರಾ ಕೃಷ್ಣ

“ಋತುಗಳ ಚಕ್ರವು ತಿರುಗುತ ಇರಲು, ಕ್ಷಣಿಕವೇ ಕೋಗಿಲೆ ಗಾನದ ಹೊನಲು” – ಎ೦ಬ೦ತೆ ಚಿತ್ರಾನ್ನ ಚಿತ್ರಾನ್ನಗಳ ನಡುವೆ ಹ೦ಸಲೇಖರ ಸಾಹಿತ್ಯ ಸ೦ಗೀತ ಸುಧೆಯ ಮೃಷ್ಟಾನ್ನ ಮತ್ತೆ ಎ೦ದೋ ಎ೦ಬ ಕಾತರ ಜಾರಿಯಲ್ಲಿದೆ…” ದಟ್ಸ್ ಕನ್ನಡದಲ್ಲಿ, ಪ್ರಶಾಂತ್ ಅವರ ಲೇಖನದ ಆಯ್ದ ಸಾಲುಗಳಿವು. ಪೂರ್ಣಲೇಖನ ಇಲ್ಲಿದೆ.

ಪೋಲಿ ಹುಡುಗ – ಹಂಸಲೇಖ

 ಜೂನ್ ೨೩. ಹಂಸಲೇಖ ಜನ್ಮದಿನ. ಹಂಸಲೇಖ ಅವರಿಗೆ ಹಾರ್ದಿಕ ಶುಭಾಶಯಗಳು!

ಚಿತ್ರ – ಪೋಲಿ ಹುಡುಗ (೧೯೮೯)
ಸಾಹಿತ್ಯ ಮತ್ತು ಸಂಗೀತ –
ಗಾಯಕರು – ಎಸ್.ಪಿ.ಬಾಲಸುಬ್ರಹ್ಮಣ್ಯಂ ಮತ್ತು ಸಂಗಡಿಗರು
ಹಂಸಲೇಖ
ಚಿತ್ರಕೃಪೆ : ಮೀರಾ ಕೃಷ್ಣ

ಜನನ ಮರಣಗಳೆರಡು ಕುರುಡು
ಮುಂದೆ ಹೋಗದು
ಹಿಂದೆ ಬಾರದು
ನಿಂತಲ್ಲಿ ನಿಲ್ಲದು
ಸ್ನೇಹ ಪ್ರೀತಿಗಳೆರಡು ಕುರುಡು
ದೂರ ಹೋಗದು
ಬೇರೆಯಾಗದು
ಕಣ್ಣಿಗೆ ಕಾಣದು

ನಾಳೆ ಗೊತ್ತಿಲ್ಲದ ಬಾಳಿಗೆ ಈದಿನ
Birth day! Birth day!

ಕುಣಿಯುವ ಸಡಗರ ನಮಗೆ ಇದೆ
ಕುಣಿಸುವ ಡಮರುಗ ಯಾರಲಿದೆ?
ಯಾರಲಿದೆ? ಹೆಣ್ಣಲಿದೆ
ನಲಿಸುವ ರಾಗ
ಒಲಿಸುವ ವೇಗ
ಆ ಹೆಣ್ಣಿನಲ್ಲಿದೆ
ಆ ಕಣ್ಣಿನಲ್ಲಿದೆ
ಆ ನೋಟದಲ್ಲಿದೆ
ಮೈಮಾಟದಲ್ಲಿದೆ||೧||

ನಾಳೆ ಗೊತ್ತಿಲ್ಲದ ಬಾಳಿಗೆ ಈದಿನ
Birth day! Birth day!

ಹೂವಿಗೆ ಪ್ರತಿದಿನ ಜನುಮದಿನ
ಹಾರುವ ದುಂಬಿಗೆ ಏನು ದಿನ?
ಏನು ದಿನ? ಮದುವೆ ದಿನ
ಅರಳುವ ಗುಟ್ಟು ಬಯಲಿಗೆ ಬಿಟ್ಟು
ಬಾರೆ ನಾಳೆ ಎನ್ನದೆ
ಬಾರೆ ವೇಳೆ ಮಾಡದೆ
ಬೇರೆ ರಾಗ ಹಾಡದೆ
ಬಾರೆ ತಾಳ ತಪ್ಪದೆ ||೨||

ನಾಳೆ ಗೊತ್ತಿಲ್ಲದ ಬಾಳಿಗೆ ಈದಿನ
Birth day! Birth day!

***

ಪ್ರೇಮದ ಹೂಗಾರ

ಚಿತ್ರ – ಚಿಕ್ಕೆಜಮಾನ್ರು -೧೯೯೨
ಸಾಹಿತ್ಯ ಮತ್ತು ಸಂಗೀತ – ಹಂಸಲೇಖ
ಗಾಯಕ – ಎಸ್.ಪಿ.ಬಾಲಸುಬ್ರಹ್ಮಣ್ಯಂ

ಹಂಸಲೇಖ
ಚಿತ್ರಕೃಪೆ : ಮೀರಾ ಕೃಷ್ಣ

 ಹಾಡು ಕೇಳಿ –

ಪ್ರೇಮದ ಹೂಗಾರ ಈ ಹಾಡುಗಾರ
ಹೂ ನೀಡುತಾನೆ ಮುಳ್ಳು ಬೇಡುತಾನೆ
ಬೆಲ್ಲದ ಬಣಗಾರ ಈ ಹಾಡುಗಾರ
ಸಿಹಿ ನೀಡುತಾನೆ ಕಹಿ ಕೇಳುತಾನೆ

ಮಣ್ಣಿನ ಮಮಕಾರ ಕಂಪಿರುವ
ಮಾನದ ಮಣಿಹಾರ ಹೊಂದಿರುವ ಈ ಭಾವಜೀವ ||ಪ||

ಗಂಧದ ಕೊರಡಾಗಿ ಸ್ವಂತಕೆ ಬರಡಾಗಿ
ನೋವಿನಲೂ ತೇಯುವುದು ಈ ಒಡಲು
ಗಂಗೆಯು ತಾನಾಗಿ ನೀರಿಗೆ ಎರವಾಗಿ
ಸೇರುತಿದೆ ಕಂಬನಿಯ ಆ ಕಡಲು

ಕರುಣೆಯ ಕುಂಬಾರ ಈ ಹಾಡುಗಾರ
ಮಣ್ಣು ಬೇಡುತಾನೆ ಕೊಡ ನೀಡುತಾನೆ
ಮಮತೆಯ ಕಲೆಗಾರ ಈ ಹಾಡುಗಾರ
ಮನೆ ಮಾಡುತಾನೆ ಹೊರ ಹೋಗುತಾನೆ

ಗೋವಿನ ಹಾಲಂತ ಮನಸಿರುವ
ಕೂಸಿನ ಜೇನಂತ ಮಾತಿರುವ ಈ ಭಾವಜೀವ||೧||

ನಿತ್ಯವೂ ತಾನುರಿದು ಲೋಕಕೆ ದಿನಗರೆದು
ಎಚ್ಚರಿಸೋ ಸೂರ್ಯನಿಗೆ ನಿದ್ದೆಯಿಲ್ಲ
ರಾತ್ರಿಗೆ ತಾನುಳಿದು ತಾಪಕೆ ತಂಪೆರೆದು
ಸಂಚರಿಸೋ ಚಂದ್ರನಿಗೆ ಸ್ವಂತವಿಲ್ಲ

ಊರಿನ ಗೆಣೆಕಾರ ಈ ಹಾಡುಗಾರ
ಕಾಪಾಡುತಾನೆ ಕಡೆಯಾಗುತಾನೆ
ಸತ್ಯದ ಹರಿಕಾರ ಈ ಹಾಡುಗಾರ
ಹೋರಾಡುತಾನೆ ಒಂಟಿಯಾಗುತಾನೆ ||೨||

ಮಣ್ಣಿನ ಮಮಕಾರ ಕಂಪಿರುವ
ಮಾನದ ಮಣಿಹಾರ ಹೊಂದಿರುವ ಈ ಭಾವಜೀವ ||ಪ||

***

ರಸಿಕ – ಮಳೆ ಹಿಡಕೊಂತ

ಚಿತ್ರ: ರಸಿಕ
ಸಾಹಿತ್ಯ, ಸಂಗೀತ : ಹಂಸಲೇಖ
ಗಾಯಕರು: ಎಸ್.ಪಿ. ಬಾಲಸುಬ್ರಹ್ಮಣ್ಯಂ, ಎಸ್.ಜಾನಕಿ

ಹಾಡು ಕೇಳಿ

ಚಿಟಪಟ ಚಿಟಪಟ ಚಿಟಪಟ ಅಂತ
ಹಿಡುಕೊಂತ ಮಳೆಯು ಹಿಡುಕೊಂತ

ಅತ್ತ ಜೋರಾಗೂ ಬರದು
ಇತ್ತ ಸುಮ್ಮನೂ ಇರದು
ಸ್ನಾನ ಆದಂಗೂ ಇರದು
ಧ್ಯಾನ ಮಾಡೋಕೂ ಬಿಡದು

ನೆನೆಯುವ ಜೀವಾನ ನೆನೆಸುವ ಈ ಸೋನೆ
ಬಯಸಿದ ಆಸೇನಾ ಬರಿಸುವ ಈ ಸೋನೆ

ಬೇಡ ಅನ್ನೋಕೂ ಬಿಡದು
ಬೇಕು ಅನ್ನೋಕೂ ಬಿಡದು

ಮಳೆಯಲ್ಲಿ ಮಗುವಾಗಿ ಜಿಗಿಯುವ ಈ ಜಾಣೆ
ನೆನೆದರೆ ಶೃತಿಯಲ್ಲಿ ನುಡಿಯುವ ನರವೀಣೆ

ಮುದ್ದು ಮಾಡೋಕೂ ಬಿಡದು
ಜಿಡ್ಡು ಹೋಗೋಕೂ ಬಿಡದು

ಗುಡುಗುಡು ತಾನ ಮುಗಿಲೊಳಗೆ
ಧಿರನನ ಧಿರನನ ಧಿರನನ
ಢವ ಢವ ಗಾನ ಎದೆಯೊಳಗೆ
ಧಿರನನ ಧಿರನನ ಧಿರನನ ||

ಸ್ವರಗಳ ಮಳೆಯಲ್ಲಿ ಕಾಲಕೆ ಸನ್ಮಾನ
ಒಲವಿನ ಮಳೆಯಲ್ಲಿ ಹೃದಯಕೆ ಸನ್ಮಾನ
ಅತ್ತ ಸಂಗೀತ ಶರಣು ಇತ್ತ ಪ್ರಾಯಾನೂ ಶರಣು

ಕಡಲಿಗೆ ಕಾಲಿಲ್ಲ ನವಿಲಿಗೆ ನಾಡಿಲ್ಲ
ಮನಸಿಗೆ ಮಾತಿಲ್ಲ ಪ್ರೀತಿಗೆ ಬರವಿಲ್ಲ
ಮಳೆಯು ನಮ್ಮನ್ನು ಬಿಡದು
ನಾವು ಪ್ರೀತಿನ ಬಿಡೆವು

ಥಕ ಥಕ ಮಿಂಚು ಮಳೆಯೊಳಗೆ
ಧಿರನನ ಧಿರನನ ಧಿರನನ
ಮಿಕ ಮಿಕ ಸಂಚು ಕಣ್ಣೊಳಗೆ
ಧಿರನನ ಧಿರನನ ಧಿರನನ ||

           ***

ಸಿ.ಬಿ.ಐ.ಶಂಕರ್ – ಕಾಡು ನೋಡ ಹೋದೆ

ಚಿತ್ರ: ಸಿ.ಬಿ.ಐ.ಶಂಕರ್ (೧೯೮೯)
ಸಾಹಿತ್ಯ, ಸಂಗೀತ: ಹಂಸಲೇಖ
ಗಾಯಕರು : ಎಸ್.ಪಿ. ಬಾಲಸುಬ್ರಹ್ಮಣ್ಯಂ, ಚಿತ್ರ

ಕಾಡು ನೋಡ ಹೋದೆ
ಕವಿತೆಯೊಡನೆ ಬಂದೆ
ಕವಿತೆಯೊಳಗೆ ಹೋಗಿ
ರಾಗದೊಡನೆ ಬಂದೆ

ಕಡಲ ನೋಡ ಹೋದೆ
ಮಾಯದ ಕಲೆಗೆ ಬಲೆಯ ತಂದೆ
ಬಲೆಯ ಬೀಸಿ ಕಾದು
ಮೋಹದ ತರುಣಿಯೊಡನೆ ಬಂದೆ
ಮಾತನಾಡಲು ಅವಳು ಮಾಯವಾದಳು |

ಹೂವಿನಲ್ಲಿ ಅವಿತೆ
ಬಿಡಲಿಲ್ಲ ನಿನ್ನ ಕವಿತೆ
ಸರಾಗವಾಗಿ ಹಾಡಿದೆ
ಪರಾಗವಾಗಿ ಹಾರಿದೆ

ಕಾವ್ಯವಾದೆ ನಾನು
ಬಿಡಲಿಲ್ಲ ನನ್ನ ನೀನು
ಸುನಾದವಾಗಿ ಕೂಗಿದೆ
ಪ್ರಯೋಗ ಮಾಡಿ ಹಾಡಿದೆ

ಕರೆದರೆ ಇಲ್ಲ ಎನ್ನದೆ ಬರುವ
ಬೆರೆತರೆ ಮಾತೇ ಆಡದೆ ಇರುವ
ಚೆಲುವ ಚಂದ್ರಿಕೆ ಕಾವ್ಯ ಕನ್ನಿಕೆ
ಮಾತನಾಡಲು ಅವಳು ಮಾಯವಾದಳು |

ಮೋಡವಾಗಿ ಹೋದೆ
ಬಿಸಿಲಾಗಿ ನೀನು ಬಂದೆ
ಅದೇಕೆ ನೀರು ಮಾಡಿದೆ
ನನ್ನೇಕೆ ಸ್ನಾನ ಮಾಡಿದೆ?

ಅಲೆಗಳಾಗಿ ಹೋದೆ ನೀ
ಬೆಳದಿಂಗಳಾಗಿ ಬಂದೆ
ಅದೇನು ಮೋಡಿ ಮಾಡಿದೆ
ನಾನೇಕೆ ಮೇಲೆ ಹಾರಿದೆ

ಇಳಿದರೆ ಧಾರೆ ಆಗುವ ಹಿಮವೆ
ಸೆಳೆದರೆ ಪ್ರಣಯವಾಗುವ ಸುಮವೆ
ಚೆಲುವ ಬಾಲಿಕೆ ಕವಿಯ ಕಾಣಿಕೆ
ಮಾತನಾಡಲು ಅವಳು ಮಾಯವಾದಳು |

***

ಗಟ್ಟಿಮೇಳ – ಹಂಸವೇ ಹಾಡು ಬಾ

ಗಟ್ಟಿಮೇಳ – ೨೦೦೦
ಸಾಹಿತ್ಯ ಮತ್ತು ಸಂಗೀತ – ಹಂಸಲೇಖ
ಗಾಯಕರು-

೧. ಹೇಮಂತ್

೨. ಸೋನು ನಿಗಮ್, ಚಿತ್ರ

ಹಂಸವೇ ಹಂಸವೇ ಹಾಡು ಬಾ,
ಸೃಷ್ಟಿಯ ಸಂಭ್ರಮ ನೋಡು ಬಾ
ಚಂದಮಾಮ ಅಲ್ಲಿ ನೈದಿಲೆ ಇಲ್ಲಿ
ಮೋಹವಿದೆ ಸ್ನೇಹವಿದೆ
ಪ್ರೀತಿಸುವ ದಾರಿ ಇದೆ

ಹಂಸವೇ ಹಂಸವೇ ಹಾಡು ಬಾ ಹಾಡು ಬಾ ಹಾಡು ಬಾ ||ಪ||

ಚಂದ್ರನ ಬಿಂಬವ ನೀರಲ್ಲಿ ತೋರುವ
ಚುಕ್ಕಿಯ ಹೂಗಳ ತರಲೆಂದು ಕೇಳುವ
ಗಂಡನಿಗೊಂದು ಕಂದ ಬೇಕಾ?
ಎನ್ನುವ ಹೆಂಡತಿ ನೋವು ಸುಖ
ಓಲೆ ಆಗುವ ಒಲವೇ ಆಗುವ
ನೋಟ ನೀ ನೋಡು ಬಾ ||೧||

ಹಂಸವೇ ಹಂಸವೇ ಹಾಡು ಬಾ ಹಾಡು ಬಾ ಹಾಡು ಬಾ |

ಓಲೆಯ ಒಳಗೆ ತಾಯಿಯ ತವಕ
ಕಾತರದೊಳಗೂ ತಂದೆಯ ಪುಳಕ
ಕಂದನ ಬರುವಿಗೆ ಕಾಯೋದಿದೆ
ಸಾವಿರ ಹರಕೆ ತುಂಬೋದಿದೆ
ನವಮಾಸ ಹೊರೆ ಹೊರುತಾಳೆ ಧರೆ
ಹರಸಿ ನೀ ನೋಡು ಬಾ ||೨||

ಹಂಸವೇ ಹಂಸವೇ ಹಾಡು ಬಾ
ಸೃಷ್ಟಿಯ ಸಂಭ್ರಮ ನೋಡು ಬಾ
ಚಂದಮಾಮ ಅಲ್ಲಿ ನೈದಿಲೆ ಇಲ್ಲಿ
ಮೋಹವಿದೆ ಸ್ನೇಹವಿದೆ
ಪ್ರೀತಿಸುವ ದಾರಿ ಇದೆ  ||ಪ||

***

ಬೆಳ್ಳಿ ಕಾಲುಂಗುರ – ಚಂದಮಾಮಾ

ಚಿತ್ರ – ಬೆಳ್ಳಿ ಕಾಲುಂಗುರ (೧೯೯೨)
ಸಾಹಿತ್ಯ – ಹಂಸಲೇಖ
ಸಂಗೀತ – ಹಂಸಲೇಖ
ಗಾಯಕರು – ಎಸ್.ಪಿ. ಬಾಲಸುಬ್ರಹ್ಮಣ್ಯಮ್ ಮತ್ತು ಚಿತ್ರ

ಹಾಡು ಕೇಳಿ

ಮಾಮ ಮಾಮ ಚಂದಮಾಮಾ
ಚಂದವಳ್ಳಿ ಹೆಣ್ಣು ನಾನು
ಚಂದವೇನು ನಿನಗೆ ನಾನು?

ರಾಮಾ ರಾಮಾ ಗೊಂಬೆ ರಾಮಾ
ಕೋಡಿ ಬೀಳೋ ಕೆರೆಯ ಹಾಗೆ
ಬಂದು ಸೇರೋ ಕಣಿವೆಯಾಗೆ

ಮೋಟುದ್ದ ಜಡೆಯನು
ನಾ ಈಟುದ್ದ ಹೆಣೆದೆನು
ಸ್ಯಾವಂತಿ ಮುಡಿದೆನು ಚಿನ್ನಾ

ಹಾಲ್ಗೆನ್ನೆಗರಿಸಿನ
ಕೈ ಗೋರಂಟಿ ಬರಿಸಿ ನಾ
ಹಾಲ್ ಕಾಸಿ ಕಾದೆನು ನಿನ್ನಾ

ರಾತ್ರಿ ಪೂರಾ ಕಾದು ಕಾದು
ಯವ್ವಿ ಯವ್ವಿಯೋ
ಕಾಣ್ತಾವಲ್ಲೋ ನಾಕು ಐದು

ಯವ್ವಿ ಯವ್ವಿಯೋ
ಯಾಕೆ ಕುಂತೆ ಏನು ಚಿಂತೆ
ಪ್ರೀತಿಸೋ ನನ್ನಾ..

ಮಾಮ..ಮಾಮ ಚಂದಮಾಮಾ
ಬಂದ ನೋಡು ಗೊಂಬೆ ರಾಮಾ
ತಂದ ನೋಡು ಪ್ರೀತಿ ಪ್ರೇಮಾ..||

ಮೈಯಾಗೆ ಕಚಗುಳಿ
ಇದೇನಪ್ಪಾ ಚಳುವಳಿ
ನಿಂದೇನಾ ಬಳುವಳಿ ಗೆಳೆಯಾ?

ಕಾಲಿಂದ ಬಿರ ಬಿರ
ತಲೆಗೇರೈತಿ ಹರಾ ಹರಾ
ಈ ಮತ್ತು ನರ ನರ ಗೆಳತಿ..

ಮಿಂಚು ಮಿಂಚು ಕಣ್ಣಿನಂಚು
ಯವ್ವಿ ಯವ್ವಿಯೋ
ಮೈಯ ಸೋಕಿ ಕಾದ ಹೆಂಚು

ಯವ್ವಿ ಯವ್ವಿಯೋ
ಸೂತ್ರವಲ್ಲ, ತಂತ್ರವಲ್ಲ
ಪ್ರೇಮದ ಮಂತ್ರ ||

ಕಾಡೆಲ್ಲ ಜಗಮಗ
ಸಿಂಗಾರ ನಮ್ ಮದುವೆಗಾ
ಮೈಯೆಲ್ಲ ವಾಲಗ… ಊದು

ಇದೇನಯ್ಯಾ ಗಗಮಗ
ಇವೆಲ್ಲಾನೂ ಒಸಗೆಗಾ
ಏನೇನು ಸೋಜಿಗ… ಜಾದೂ

ಈಟು ಹೊತ್ತು ಎಲ್ಲಿ ಇತ್ತು
ಯವ್ವಿ ಯವ್ವಿಯೋ
ಒತ್ತು ಒತ್ತು ಜೋಡಿ ಮುತ್ತು

ಹಾಲಿನಂತ ಹುಣ್ಣಿಮೇಲಿ ಮೀಯುವ ಬಾರಾ…

ಮಾಮ..ಮಾಮ..ಚಂದ ಮಾಮಾ
ಬಂದ ನೋಡು ಗೊಂಬೆ ರಾಮಾ
ತಂದ ನೋಡು ಪ್ರೀತಿ ಪ್ರೇಮಾ..

ಮಾಮ ಮಾಮ ಚಂದಮಾಮಾ
ಚಂದವಳ್ಳಿ ಹೆಣ್ಣು ನಾನು
ಚಂದವೇನು ನಿನಗೆ ನಾನು?

*    *     *    *    *