ಚಿತ್ರ – ಒಂದಾಗೋಣ ಬಾ (೨೦೦೩)
ಸಾಹಿತ್ಯ ಮತ್ತು ಸಂಗೀತ – ಹಂಸಲೇಖ
ಗಾಯಕ – ಫಯಾಜ್‍ಖಾನ್ ಮತ್ತು ಸಂಗಡಿಗರು
ಒಂದ್ಹೆಜ್ಜೆ ನಾವೇ ಹೋಗೋಣಯ್ಯ
ಸಿಹಿ ಸಜ್ಜೆ ತಿನಿಸಿ ಬರೋಣಯ್ಯ
ಮನೆ ಬಾಗಿಲು ತೆರೆದ ಸೂರ್ಯ
ಬೆಳಕಿದ್ದರೆ ಮನಸಿಗೆ ಧೈರ್ಯ
ಮನೆ ದೇವರಿಗೂ ಕುಲದೇವರಿಗೂ
ಬೆಳಕಲ್ಲೇ ಆರತಿ ||ಪ||
ಮಹಾಮಹಾ ಮರಗಳೇ ಉರುಳುವವೋ
ಬೇರು ಸಹಿತ ಎಬ್ಬಿ
ಭೋರೆನ್ನುತ ಬರೋ ಆ ನದಿಯ
ರಭಸದಲೆಗೆ ಸಿಕ್ಕಿ
ತಲೆಬಾಗುವ ಆ ಹುಲ್ಲಿಗೆ
ಜಲದ ಭೀತಿ ಎಲ್ಲಿದೆ?
ತಲೆಬಾಗೋ…..
ಹುಲುಮಾನವ ನೀನು ಪ್ರೀತಿಗೆ ||೧||
ಮನೆ ಬಾಗಿಲು ತೆರೆದ ಸೂರ್ಯ
ಬೆಳಕಿದ್ದರೆ ಮನಸಿಗೆ ಧೈರ್ಯ
ಮನೆ ದೇವರಿಗೂ ಕುಲದೇವರಿಗೂ
ಬೆಳಕಲ್ಲೇ ಆರತಿ ||ಪ||
ಕೂಡಿ ತಿನ್ನೋ ಆನಂದ
ಬಿಡಿಬಿಡಿಯಲಿಲ್ಲ
ಕೂಡಿ ಬಾಳೋ ಸಂತೋಷ
ಹೊಡಿಬಡಿಯಲಿಲ್ಲ
ಪೈರಿಗೂ ಪೈರಿಗೂ ವೈರವೇ?
ಕಾಳಿಗೂ ಕಾಳಿಗೂ ಕದನವೇ?
ಜೊತೆಯಾಗೋ….
ಹುಲುಮಾನವ ನೀನು ಪ್ರೀತಿಗೆ ||೨||
ಮನೆ ಬಾಗಿಲು ತೆರೆದ ಸೂರ್ಯ
ಬೆಳಕಿದ್ದರೆ ಮನಸಿಗೆ ಧೈರ್ಯ
ಮನೆ ದೇವರಿಗೂ ಕುಲದೇವರಿಗೂ
ಬೆಳಕಲ್ಲೇ ಆರತಿ ||ಪ||
***