ಮನಸೇ ನನ್ನ ಮನಸೇ – ಬಿ.ಆರ್.ಲಕ್ಷ್ಮಣರಾವ್

ಕವಿ – ಬಿ.ಆರ್.ಲಕ್ಷ್ಮಣರಾವ್
ಸಂಗೀತ – ಸಿ.ಅಶ್ವಥ್
ಗಾಯಕ – ಸಿ.ಅಶ್ವಥ್

ಹಾಡು ಕೇಳಿ –

ಮನಸೇ ನನ್ನ ಮನಸೇ
ಏನಾಗಿದೆ ನಿನಗೆ?
ಏಕೆ ಅವಳ ಕಹಿ ನೆನಪೇ
ಜೇನಾಗಿದೆ ನಿನಗೆ?

ಬೇಡವೆಂದರೂ ಏಕೆ ತರುವೆ
ಕಣ್ಮುಂದೆ ಅವಳ ಚಿತ್ರ?
ಬೂಟಾಟಿಕೆ ಆ ನಾಟಕ
ಅವಳ ವಿವಿಧ ಪಾತ್ರ !

ಪದೆಪದೇ ಮತ್ತದೇ ಜಾಗಕ್ಕೆ
ನನ್ನ ಸೆಳೆವೆ ಏಕೆ?
ಕಂಡು ಮರುಗಲು ಕುಸಿದ ಅರಮನೆ
ಉರುಳಿದ ಪ್ರೇಮ ಪತಾಕೆ

ಮಣ್ಣಾಗಿದೆ ನನ್ನ ಪ್ರೀತಿ
ಹೃದಯದ ಗೋರಿಯಲ್ಲಿ
ಗೋರಿಯನೇಕೆ ಬಗೆಯುವೆ?
ಮೋಹದ ಹಾರೆಯಲ್ಲಿ

*    *     *    *    *

3 thoughts on “ಮನಸೇ ನನ್ನ ಮನಸೇ – ಬಿ.ಆರ್.ಲಕ್ಷ್ಮಣರಾವ್”

  1. ಭೂತ says:

    “ಪ್ರೀತಿಯನ್ನೇಕೆ ಬಗೆಯುವೆ
    ಮೋಹದ ಹಾರೆಯಲ್ಲಿ ”

    ಇದು ಅದ್ಭುತವಾದ ಸಾಲು. ಅಶ್ವಥ್ ಕಂಠ ಈ ಹಾಡಿಗೆ ಯಾಕೊ ಹೊಂದೊಲ್ಲ ಅನ್ನಿಸ್ತು. ಸಂಗೀತ ಚೆನ್ನಾಗಿದೆ.

    ಇದನ್ನು ಇಲ್ಲಿ ಹಾಕಿದಕ್ಕೆ ಧ.ವಾ.ಗಳು

    ಇಂತಿ
    ಭೂತ

  2. Shiv says:

    ಬಹುಷಃ ಭಗ್ನ ಗೀತೆಗಳಲ್ಲಿ ಹೃದಯವನ್ನು ಹೆಚ್ಚು ಹೋಲಿಸುವುದು ಗೋರಿಗೆ ಅನಿಸುತ್ತೆ.ಅದು ಬಿಟ್ಟರೇ ಕನ್ನಡಿ, ಹಾಲು..?

  3. sritri says:

    “ಬಹುಷಃ ಭಗ್ನ ಗೀತೆಗಳಲ್ಲಿ ಹೃದಯವನ್ನು ಹೆಚ್ಚು ಹೋಲಿಸುವುದು ಗೋರಿಗೆ ಅನಿಸುತ್ತೆ.ಅದು ಬಿಟ್ಟರೇ ಕನ್ನಡಿ, ಹಾಲು..? “

    ಶಿವು, ಅದೇನಾದರೂ ಆಗಿರಲಿ, ಆ ಬಗ್ಗೆ ಈಗ ನೀವು ತಲೆ ಕೆಡಿಸಿಕೊಳ್ಳಬೇಡಿ 🙂

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Related Posts

ಕುವೆಂಪು – ಆನಂದಮಯಕುವೆಂಪು – ಆನಂದಮಯ

ಸಾಹಿತ್ಯ : ಕುವೆಂಪು ಆಲ್ಬಂ : ಭಾವಬಿಂದು ಸಂಗೀತ : ಸಿ.ಅಶ್ವಥ್ ಗಾಯಕ : ಶಿವಮೊಗ್ಗ ಸುಬ್ಬಣ್ಣ        ಹಾಡು ಕೇಳಿ – ಆನಂದಮಯ ಈ ಜಗಹೃದಯ ಏತಕೆ ಭಯ ಮಾಣೊ ಸೂರ್ಯೋದಯ ಚಂದ್ರೋದಯ ದೇವರ ದಯ ಕಾಣೊ ಬಿಸಿಲಿದು ಬರೀ ಬಿಸಿಲಲ್ಲವೊ

ರತ್ನನ ಪರ್ಪಂಚ – ಜಿ ಪಿ ರಾಜರತ್ನಂರತ್ನನ ಪರ್ಪಂಚ – ಜಿ ಪಿ ರಾಜರತ್ನಂ

ಯೇಳ್ಕೊಳ್ಳಾಕ್ ಒಂದ್ ಊರು ತಲೇಮ್ಯಾಗ್ ಒಂದ್ ಸೂರು ಮಲಗಾಕೆ ಬೂಮ್ತಾಯಿ ಮಂಚ; ಕೈ ಯಿಡದೋಳ್ ಪುಟ್ನಂಜಿ ನೆಗನೆಗತ ಉಪ್ಗಂಜಿ ಕೊಟ್ರಾಯ್ತು ರತ್ನನ್ ಪರ್ಪಂಚ! ಅಗಲೆಲ್ಲ ಬೆವರ್ ಅರ್ಸಿ ತಂದದ್ರಲ್ಲ್ ಒಸಿ ಮುರ್ಸಿ ಸಂಜೇಲಿ ವುಳಿ ಯೆಂಡ ಕೊಂಚ ಯೀರ್ತ ಮೈ ಝುಂ

ಬಾಳಗೀತ – ವಿನಾಯಕಬಾಳಗೀತ – ವಿನಾಯಕ

ಕವನ – ಬಾಳಗೀತ ಕವಿ – ವಿ.ಕೃ.ಗೋಕಾಕ (ವಿನಾಯಕ)   ಡಾ. ರಾಜ್‍ಕುಮಾರ್ ದನಿಯಲ್ಲಿ ಹಾಡು ಕೇಳಿ ಇಲ್ಲೆ ಇರು, ಅಲ್ಲಿ ಹೋಗಿ ಮಲ್ಲಿಗೆಯನು ತರುವೆನು : ನೇಹಕೆಂದು ನಲುಮೆಗೊಂದು ಗುರುತನಿರಿಸಿ ಬರುವೆನು. ಹೋದಮೇಲೆ ಸುತ್ತಬೇಕು ಏಳು ಕೋಟೆ ದ್ವಾರವು !