ಸುಬ್ಬಾಭಟ್ಟರ ಮಗಳು – ಬಿ.ಆರ್. ಲಕ್ಷ್ಮಣರಾವ್

 ಕವಿ – ಬಿ.ಆರ್. ಲಕ್ಷ್ಮಣರಾವ್

ಹಾಡು ಕೇಳಿ –  

ಸುಬ್ಬಾ ಭಟ್ಟರ ಮಗಳೇ
ಇದೆಲ್ಲಾ ನಂದೇ ತಗೊಳ್ಳೇ

ನೀಲಿ ನೈಲೆಕ್ಸಿನ ಮೇಘ ವಿನ್ಯಾಸದ
ಆಕಾಶದ ಸೀರೆ
ದಿಗಂತಗಳೇ ಮೇರೆ

ಮುಂಜಾವಿನ ಬಂಗಾರದ ಬೆಟ್ಟ
ಬೆಳದಿಂಗಳ ಬೆಳ್ಳಿ
ನಿನ್ನ ಭಾಗ್ಯಕೆ ಎಣೆಯೆಲ್ಲಿ?

ರಾತ್ರಿ ತೆರೆಯುವುದು ಅದೂ ನನ್ನದೇ
ಜಿಗಿಜಿಗಿ ಒಡವೆ ದುಕಾನು
ಆರಿಸಿಕೊ ಬೇಕೇನು?

ಚಿಕ್ಕೆ ಮೂಗುತಿ ಚಂದ್ರ ಪದಕಕ್ಕೆ
ನೀಹಾರಿಕೆ ಹಾರ
ನನ್ನ ಸಂಪತ್ತೆಷ್ಟು ಅಪಾರ!

ನಸುಕಲಿ ಹಿತ್ತಿಲ ಹುಲ್ಲಿನ ಮೇಲೆ
ರಾಶಿ ರಾಶಿ ಮುತ್ತು
ಇನ್ನು ನಿನ್ನ ಸೊತ್ತು

ಸುಗಂಧ ಬೀರುವ ವಸಂತ ಪವನ
ಸಪ್ತವರ್ಣದ ಕಮಾನು
ನಿನಗೇ ಹೌದು !

ಪಾತರಗಿತ್ತಿಯ ಪಕ್ಕವನೇರಿ
ಧೂಪಡಕಾನಿಗೆ (?) ಹಾರಿ
ಪ್ರಾಯದ ಮಧು ಹೀರಿ

ಜುಳುಜುಳು ಹರಿಯುವ ಕಾಲದ ಹೊಳೆಯಲಿ
ತೇಲುವ ಮುಳು ಮುಳುಗಿ
ದಿನ ಹೊಸತನದಲಿ ಬೆಳಗಿ

*  *    *    *    *     *

4 thoughts on “ಸುಬ್ಬಾಭಟ್ಟರ ಮಗಳು – ಬಿ.ಆರ್. ಲಕ್ಷ್ಮಣರಾವ್”

  1. ಭಟ್ಟರ ಮಗಳನ್ನು ನೋಡಿ, ಖುಶಿಯಲ್ಲಿ ಮಾತು ಹೊರಡುತ್ತಿಲ್ಲ. ಸ್ವಲ್ಪ ಸಮಯ ಕೊಡಿಃ-))

  2. Shiv says:

    ತ್ರಿವೇಣಿಯವರೇ,
    ಭಟ್ಟರ ಮಗಳನ್ನು ಬೇಗ ಕರೆತಂದು ಒಳ್ಳೆಯ ಕೆಲಸ ಮಾಡಿದೀರಿ.ನಮ್ಮ ಭಾಗವತರ ಮನಕ್ಕೆ ಸಂತಸವಾಗಿರಬಹುದು.

    ಭಾಗವತರೇ,
    ಶುಭವಾಗಲಿ 😉

    >>>ಧೂಪಡಕಾನಿಗೆ
    ಧೂಪದ ಕಾನನವೇ?
    ಎನಾದರೂ ಇರಲಿ ಅಲ್ಲಿಗೆ ಹೋಗಲು ಪಾತರಗಿತ್ತಿ ಪಕ್ಕ ಬೇಕಂತೆ 🙂

  3. sritri says:

    ಭಾಗವತರೇ, ನೀವು ನಮ್ಮ ಕವಿಗಳ ಚಂದಚಂದದ ಕವನಗಳನ್ನು ನೆನಪು ಮಾಡಿಕೊಡುತ್ತಿದ್ದೀರಿ. ನಿಮ್ಮಿಂದಾಗಿ ನಮಗೂ ನಿತ್ಯ ಹಾಡು ಹಬ್ಬ! 🙂

  4. sritri says:

    ಶಿವು, ಹೌದು, ಧೂಪದ ಕಾನು ಇರಬಹುದು, ಕವಿತೆಯನ್ನು ನೋಡಿ ಸರಿಪಡಿಸುತ್ತೇನೆ. ಅಲ್ಲಿಗೆ ಹೋಗಬಯಸುವವರು ಪಾತರಗಿತ್ತಿ ಪಕ್ಕವನ್ನು ನಿಮ್ಮಿಂದ ಎರವಲು ಪಡೆಯಬೇಕಾಗಬಹುದು. 🙂

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Related Posts

ಯಾವ ಜನ್ಮದ ಕೆಳೆಯೊ ಕಾಣೆನು – ಮಹಾತ್ಯಾಗಯಾವ ಜನ್ಮದ ಕೆಳೆಯೊ ಕಾಣೆನು – ಮಹಾತ್ಯಾಗ

ಕವಿ –   ಡಾ. ವಿ. ಸೀತಾರಾಮಯ್ಯ( ‘ವಿ.ಸೀ’) ಚಿತ್ರ – ಮಹಾತ್ಯಾಗ ಗಾಯಕಿ – ಪಿ. ಸುಶೀಲ ಯಾವ ಜನ್ಮದ ಕೆಳೆಯೊ ಕಾಣೆನು ಕಂಡ ಕೂಡಲೆ ಒಲಿಸಿತು ಕಣ್ಗೆ ರೂಪವು ಇಳಿವ ಮುನ್ನವೆ ಎದೆಗೆ ಪ್ರೇಮವು ಹರಿಯಿತು ಯಾವ ತಾಯಿಯೊ ಯಾವ

ಬರದೆ ಹೋದೆ ನೀನು – ನಿಸಾರ್ ಅಹಮದ್ಬರದೆ ಹೋದೆ ನೀನು – ನಿಸಾರ್ ಅಹಮದ್

ಕವಿ – ನಿಸಾರ್ ಅಹಮದ್ ಸಂಗೀತ – ಸಿ.ಅಶ್ವಥ್ ಗಾಯಕರು – ಪುತ್ತೂರು ನರಸಿಂಹ ನಾಯಕ್, ಇಂದು ವಿಶ್ವನಾಥ್ ಹಾಡು ಕೇಳಿ ಈ ದಿನಾಂತ ಸಮಯದಲಿ ಉಪವನ ಏಕಾಂತದಲಿ ಗೋಧೂಳಿ ಹೊನ್ನಿನಲಿ ಬರದೆ ಹೋದೆ ನೀನು ಮರೆತು ಹೋದೆ ನೀನು ನಾ

ತಿಳಿಮುಗಿಲ ತೊಟ್ಟಿಲಲಿ – ಎಸ್.ವಿ.ಪರಮೇಶ್ವರ ಭಟ್ಟತಿಳಿಮುಗಿಲ ತೊಟ್ಟಿಲಲಿ – ಎಸ್.ವಿ.ಪರಮೇಶ್ವರ ಭಟ್ಟ

ಸಾಹಿತ್ಯ: ಎಸ್.ವಿ.ಪರಮೇಶ್ವರ ಭಟ್ಟ ಸಂಗೀತ: ಸಿ. ಅಶ್ವಥ್ ಗಾಯಕ: ಡಾ. ರಾಜ್‍ಕುಮಾರ್ ಹಾಡು ಕೇಳಿ ತಿಳಿಮುಗಿಲ ತೊಟ್ಟಿಲಲಿ ಮಲಗಿದ್ದ ಚಂದಿರನ ಗಾಳಿ ಜೋಗುಳ ಹಾಡಿ ತೂಗುತಿತ್ತು | ಗರಿಮುದುರಿ ಮಲಗಿದ್ದ ಹಕ್ಕಿ ಗೂಡುಗಳಲ್ಲಿ ಇರುಳು ಹೊಂಗನಸೂಡಿ ಸಾಗುತಿತ್ತು| ಮುಗುಳಿರುವ ಹೊದರಿನಲಿ ನರುಗಂಪಿನುದರದಲಿ