ಕವಿ – ಡಿವಿಜಿ -ಅಂತಃಪುರ ಗೀತೆಗಳು
ಗಾಯಕಿ: ಅಶ್ವಿನಿ
ಸಂಗೀತ – ವಿಶ್ವೇಶ್ ಭಟ್
ಆಲ್ಬಮ್ – ಘಮ ಘಮ

ಹಾಡು ಕೇಳಿ

ಆವ ರಾಗವ ಪಾಡುವೇ – ಓ ಚೆಲುವೇ
ಎನ್ನೊಲವೇ ಬಾಳ್ಗೆಲವೇ – ನೀನಾವ – ರಾಗವ ಪಾಡುವೇ|| ಪ||

ಆವರಾಗವ ಪಾಡಿ – ಆವ ಮಾಟವ ಮಾಡಿ |
ಆವ ಜೀವವ ಕಾಡಿ – ನೀನಿಂತು ನಲಿಯುವೆ || ಅನು ಪಲ್ಲವಿ||

ಕಲಹಂಸೆ ಲಲಿತಸ್ವರೆ – ಓ ಮನೋಹರೆ|
ವಿಲಸಿತ ವಿವರಾಧರೇ – ಓ ಚದುರೇ ||
ಮನಸಿನ ಗುಹೆಯಲಿ – ಮಲಗಿರ್ಪ ದನಿಗಳ |
ಹೊನಲಾಗಿ ಹರಿಸಿ ಜಾ-ಲಿಸುವೆ ನಮ್ಮಸುಗಳ ||

ಮಧುರ ಗೀತಾಯುಧದೆ ನಮ್ಮಯ |
ಚದುರ ಚೆನ್ನಿಗ ಕೇಶವೇಶನ ||
ಹೃದಯರಾಜ್ಯವ ಸೂರೆಗೊಳ್ಳುವ |
ಮದನಬಲ ಪಟ್ಟಾಧಿಕಾರಿಣಿ ||

***

2 thoughts on “ಗಾನಜೀವನೆ – ಡಿವಿಜಿ”

  1. ಮಧುರ ಗೀತಾಯುಧದಿಂದ ಚದುರ ಚೆನ್ನಿಗ ಕೇಶವೇಶನ ಹೃದಯರಾಜ್ಯವ ಸೂರೆಗೊಳ್ಳುವ ಮದನಬಲ ಪಟ್ಟಾಧಿಕಾರಿಣಿ ! ಏನು ಅಧ್ಬುತ ಕಲ್ಪನೆ ನೋಡಿ ನಮ್ಮ ಡಿ.ವಿ.ಗುಂಡಪ್ಪನವರದು. ಹಾಡು ಕೇಳಿ ಆನಂದವಾಯಿತು.

  2. ಎಷ್ಟೋ ಸಾರಿ ಈ ಹಾಡು ಕೇಳಿದ್ರೂ ಪೂರ್ಣ ಸಾಹಿತ್ಯ ಇಲ್ಲದ ಕೊರತೆ ಇತ್ತು, ಧನ್ಯವಾದ. ನಮ್ಮ ಗುಂಡಪ್ಪನವರ ಬರಹದ ಗತ್ತೇ ಗತ್ತು…ಏನೀ ಮಹಾನಂದವೇ ಹಾಡೂ ಚೆನ್ನಾಗಿದೆ.

Leave a Reply to kaaloo Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.