ಕರುಣಿಸೋ ರಂಗಾ…ಕರುಣಿಸೋ

ರಚನೆ – ಪುರಂದರದಾಸರು
ಗಾಯಕ – ಭೀಮಸೇನ ಜೋಷಿ

ಹಾಡು ಕೇಳಿ

ಕರುಣಿಸೋ ರಂಗಾ ಕರುಣಿಸೋ
ಹಗಲು ಇರುಳು ನಿನ್ನ ಸ್ಮರಣೆ ಮರೆಯದಂತೆ ||ಪಲ್ಲವಿ||

ರುಕುಮಾಂಗದನಂತೆ ವ್ರತವ ನಾನರಿಯೆನೊ
ಶುಕ ಮುನಿಯಂತೆ ಸ್ತುತಿಸಲು ಅರಿಯೆ
ಬಕವೈರಿ*ಯಂತೆ ಧ್ಯಾನವ ಮಾಡಲರಿಯೆ
ದೇವಕಿಯಂತೆ ಮುದ್ದಿಸಲರಿಯೆನೊ ||೧||

ಗರುಡನಂದದಿ ಪೊತ್ತು ತಿರುಗಲು ಅರಿಯೆ
ಕರೆಯಲು ಅರಿಯೆ ಕರಿರಾಜನಂತೆ
ವರ ಕಪಿಯಂತೆ ದಾಸ್ಯವ ಮಾಡಲರಿಯೆ
ಸಿರಿಯಂತೆ ನೆರೆದು ಮೋಹಿಸಲರಿಯೆನೊ ||೨||

ಬಲಿಯಂತೆ ದಾನವ ಕೊಡಲು ಅರಿಯೆನೊ
ಭಕ್ತಿ ಛಲವನರಿಯೆ ಪ್ರಹ್ಲಾದನಂತೆ
ಒಲಿಸಲು ಅರಿಯೆ ಅರ್ಜುನನಂತೆ ಸಖನಾಗಿ
ಸಲಹೋ ದೇವರ ದೇವ ಪುರಂದರವಿಠಲ ||೩|

___________________________

*ಬಕವೈರಿ ಯಾರು?

7 thoughts on “ಕರುಣಿಸೋ ರಂಗಾ…ಕರುಣಿಸೋ”

  1. ಬಕವೈರಿ ಭೀಮನಲ್ಲವೇ?

    ಆದರೇ ಭೀಮ ಯಾವಾಗ ಧ್ಯಾನ ಮಾಡಿದ್ದು ಅಂತ ನನಗೆ ತಿಳಿದಿಲ್ಲ

  2. sritri says:

    ಹಂಸಾನಂದಿಯವರೆ, ನಿಜ. ಭೀಮನೂ ಕೃಷ್ಣ ಭಕ್ತನಾದ್ದರಿಂದ ಆಗೀಗ ಧ್ಯಾನ ಮಾಡಿರಬಹುದಾದರೂ, ದಾನದಲ್ಲಿ ಬಲಿ, ರುಕ್ಮಾಂಗದ ವ್ರತಕ್ಕೆ, ಭಕ್ತಿಯಲ್ಲಿ ಪ್ರಹ್ಲಾದನಂತೆ , ಭೀಮ ಧ್ಯಾನಕ್ಕೆ ಪ್ರಖ್ಯಾತನಲ್ಲ. ಈ ಗೊಂದಲದಿಂದಾಗಿಯೋ ಏನೋ, ಕೆಲವರು ಹಾಡುವಾಗ- “ಬಕವೈರಿಯಂತೆ ಧ್ಯಾನವ ಮಾಡಲರಿಯೆ” ಸಾಲನ್ನು “ಬಕನಂತೆ ಧ್ಯಾನ ಮಾಡಲರಿಯೆ” ಎಂದು ಹಾಡುವುದನ್ನು ಕೇಳಿದ್ದೇನೆ. “ಬಕಧ್ಯಾನ” ಎಂಬ ನುಡಿಗಟ್ಟು ಇದೆಯಾದರೂ, ಅದು ಹೊಗಳಿಕೆಗಿಂತಲೂ ಲೇವಡಿಯ ಅರ್ಥದಲ್ಲಿ ( ಮೊಸಳೆ ಕಣ್ಣೀರಿನಂತೆ ) ಬಳಕೆಯಾಗುವುದರಿಂದ ಅದೂ ಕೂಡ ಸರಿಯಲ್ಲವೆಂದು ನನಗನಿಸಿದೆ.

  3. sunaath says:

    ನನ್ನ ಅಭಿಪ್ರಾಯವೂ ಸಹ ಹಂಸಾನಂದಿಯವರ ಅಭಿಪ್ರಾಯದಂತೆಯೇ ಇದೆ.
    ಭೀಮಸೇನನು ತನ್ನ ಪೂರ್ವಜನ್ಮಗಳಲ್ಲಿ ಮಾರುತಿ, ಪ್ರಹ್ಲಾದ ಹಾಗೂ ಮಧ್ವಾರ್ಯರಾಗಿರಲಿಲ್ಲವೆ?
    ಹಾಗಿದ್ದರೆ, ಬಕವೈರಿ ಧ್ಯಾನವು ಸರಿಹೊಗುತ್ತದೇ.

  4. sunaath says:

    ಮತ್ತಿಷ್ಟು ಮಾಹಿತಿ.
    ಅರ್ಜುನನು ಕೃಷ್ಣನ ಪ್ರಕಟ ಭಕ್ತನಾಗಿದ್ದ. ಆದರೆ, ಭೀಮಸೇನನು ಗುಪ್ತಭಕ್ತ. ಭೀಮಸೇನನಿಗೆ ಪರಮಜ್ಞಾನಿಯೆಂದು ಕರೆದಿದ್ದಾರೆ. ಧರ್ಮರಾಜನು ಮೈಮರೆತಾಗ, ಭೀಮನು ಅವನಿಗೆ ಎಚ್ಚರಿಸಿದ್ದುಂಟು.
    ಆದುದರಿಂದ ಬಕವೈರಿ ಧ್ಯಾನವೆಂದರೆ, ಭೀಮನ ಗುಪ್ತಧ್ಯಾನ ಎಂದೇ ಅರ್ಥವಾಗುವದಲ್ಲವೆ?

  5. sritri says:

    ಸುನಾಥ ಕಾಕಾ, ಬಕಾಸುರನನ್ನು ಕೊಂದ ಭೀಮ, ಈ ಹಾಡಿನಲ್ಲಿ ಬರುವ ಬಕವೈರಿ ಹೌದೇ? ಅಲ್ಲವೇ? ಎಂಬ ನನ್ನ ಅನುಮಾನ ಪರಿಹರಿಸಿದ್ದಕ್ಕೆ ಧನ್ಯವಾದಗಳು.

    ಆದರೆ ಭೀಮ, ಪ್ರಹ್ಲಾದನ ಅವತಾರವಲ್ಲ ಅಲ್ಲವೇ? ಪ್ರಹ್ಲಾದನ ಅವತಾರವೆಂಬ ಪ್ರತೀತಿ ಇರುವುದು ಮಂತ್ರಾಲಯ ರಾಘವೇಂದ್ರ ಸ್ವಾಮಿಗಳಿಗೆ.

  6. Shreeni says:

    ಹೌದು. ಶಂಕು ಕರ್ಣನೆಂಬ ಗಂಧರ್ವ, ಕೃತಯುಗದಲ್ಲಿ ಪ್ರಹ್ಲಾದನಾಗಿ, ನಂತರ ದ್ವಾಪರದಲ್ಲಿ ಬಾಹ್ಲೀಕನಾಗಿ, ಕಲಿಯುಗದಲ್ಲಿ ಎರಡು ಬಾರಿ (ವ್ಯಾಸರಾಜರಾಗಿ ಮತ್ತು ರಾಘವೇಂದ್ರರಾಗಿ) ನಮ್ಮನ್ನು ಅನುಗ್ರಹಿಸಿದ್ದಾರೆ.

    ಶ್ರೀನಿ

  7. M G Harish says:

    ವಾವ್.. ಎಷ್ಟೊಂದು ವಿಷಯ ತಿಳೀತು ಕಮೆಂಟ್ಗಳಲ್ಲಿ!! ಎಲ್ಲರಿಗೂ ಧನ್ಯವಾದಗಳು 🙂

Leave a Reply to sritri Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Related Posts

ಶ್ರೀನಿವಾಸ ಕಲ್ಯಾಣ – Srinivasa Kalyanaಶ್ರೀನಿವಾಸ ಕಲ್ಯಾಣ – Srinivasa Kalyana

ಸ್ತ್ರೀಯರೆಲ್ಲರು ಬನ್ನಿರೆ । ಶ್ರೀನಿವಾಸನ ಪಾಡಿರೇಜ್ಞಾನಗುರುಗಳಿಗೊಂದಿಸಿ । ‏ ಮುಂದೆ ಕಥೆಯ ಪೇಳುವೆ ।। ಗಂಗಾ ತೀರದಿ ಋಷಿಗಳು । ಅಂದು ಯಾಗವ ಮಾಡ್ಡರುಬಂದು ನಾರದ ನಿಂತುಕೊಂಡು । ಯಾರಿಗೆಂದು ಕೇಳಲು ಅರಿತು ಬರಬೇಕು ಎಂದು । ಆ ಮುನಿಯು ತೆರಳಿದ-ಭೃಗುಮುನೀಯು

ರಥವೋಗದ ಮುನ್ನ ಗೋಕುಲಕೆರಥವೋಗದ ಮುನ್ನ ಗೋಕುಲಕೆ

ನಿನ್ನೆ ಏನನ್ನೊ ಹುಡುಕುತ್ತಿದ್ದಾಗ ನನಗೊಂದು ರತ್ನವೇ ಸಿಕ್ಕಿತು. “ರಥವೋಗದ ಮುನ್ನ” ದಾಸ ಸಾಹಿತ್ಯದಲ್ಲಿ ಅಪರೂಪವೆನಿಸುವ ಕೃತಿ. ಶ್ರೀದವಿಠಲರಿಂದ ರಚಿತವಾಗಿರುವ ಈ ಕೀರ್ತನೆಯನ್ನು ಹಿಂದೆಯೂ ಕೇಳಿದ್ದೆ. ಆದರೆ ಈ ಬಾರಿ ರಾಗದ ಹಂಗಿಲ್ಲದೆ, ಹಾಗೆಯೇ ಓದಿಕೊಂಡಾಗ ನವಿರಾದ ಭಾವನೆಗಳಿಂದ ತುಂಬಿರುವ ಭಾವಗೀತೆಯನ್ನು ಸ್ಪರ್ಶಿಸಿದಂತಾಯಿತು.

ಸೀತೆಯ ಭೂಮಿಜಾತೆಯ – Seeteya Bhoomi Jaateyaಸೀತೆಯ ಭೂಮಿಜಾತೆಯ – Seeteya Bhoomi Jaateya

ವಿಜಯದಾಸರ ರಚನೆ ಸೀತೆಯ ಭೂಮಿಜಾತೆಯ ಜಗ-|ನ್ಮಾತೆಯ ಸ್ಮರಿಸಿ ವಿಖ್ಯಾತೆಯ ||ಪಲ್ಲವಿ|| ಕ್ಷೀರ ವಾರಿಧಿಯ ಕುಮಾರಿಯ ತನ್ನ |ಸೇರಿದವರ ಭಯಹಾರಿಯ ||ತೋರುವಳು ಮುಕ್ತಿದಾರಿಯ ಸರ್ವ |ಸಾರ ಸುಂದರ ಶ್ರೀನಾರಿಯ ||1|| ಈಶಕೋಟಿಯೊಳು ಗಣನೆಯ ಸ್ವಪ್ರ-|ಕಾಶವಾದ ಗುಣಶ್ರೇಣಿಯ ||ಈಶಾದ್ಯರ ಪೆತ್ತ ಕರುಣಿಯ ನಿ-|ರ್ದೋಷ ವಾರಿಧಿಕಲ್ಯಾಣಿಯ||2||