ಜಂಗಮರು ನಾವು

ರಚನೆ – ಪುರಂದರದಾಸರು
ಮಧ್ಯಮಾವತಿ ರಾಗ, ಅಟ್ಟ ತಾಳ

ಜಂಗಮರು ನಾವು | ನೀವೇ ಕೇಳಿ ||ಪಲ್ಲವಿ||

ಜಂಗಮರು ನಾವು ಲಿಂಗಾಂಗಿಗಳು
ಮಂಗಳವಂತರ | ಭವಿಗಳೆಂಬಿರಿ ಬರಿದೆ ||ಅನು||

ಶಿವಗುರುದೈವ ಕೇಶವ ನಮ್ಮ ಮನೆದೈವ
ವರದ ಮೋಹನ ನಮ್ಮ ಗುರುಶಾಂತೇಶ
ಶಿವ ಗುರುದ್ರೋಹಮಾಡಿದ ಪರವಾದಿಗೆ
ರವರವ ನರಕದೊಳುರುಳುವದೇ ಗತಿ ||೧||

ವಿಭೂತಿ ನಮಗುಂಟು | ವಿಶ್ವೇಶ ನಮಗುಂಟು
ಶೋಭನ ಮುದ್ರೆಯು ನಮಗುಂಟು |
ಶ್ರೀ ಭಾಗೀರಥಿ ಅಗ್ನಿಮಜ್ಜನ ನಮಗುಂಟು
ಸೌಭಾಗ್ಯವೀವ ಮಹಂತಿನ ಮಠದವರು ||೨||

ವಿರಕ್ತರು ನಾವು | ಶೀಲವಂತರು ನಾವು
ವೀರಭದ್ರನ ಪ್ರಿಯ ಪ್ರಿಯ ಭಕ್ತರಾವು
ಕಾರಣಕರ್ತ ಶ್ರೀ ಪುರಂದರ ವಿಠಲನ
ಕಾರುಣ್ಯಕೆ ಮುಖ್ಯಪಾತ್ರರು ನಾವು ||೩||

ಹಿನ್ನಲೆ :- ಪುರಂದರದಾಸರು ಸೊಲ್ಲಾಪುರದಲ್ಲಿದ್ದಾಗ, ಒಮ್ಮೆ ಬ್ರಾಹ್ಮಣರಿಗೂ ಲಿಂಗಾಯತರಿಗೂ ಮತ ಸಂಬಂಧವಾದ ವಿವಾದ ಹುಟ್ಟಿತು. ವಿವಾದವು ಕೇವಲ ವಾಕ್ಕಲಹದಲ್ಲೇ ಪರ್ಯವಸಾನವಾಗಲಿಲ್ಲ. ಕೈ ಕಲೆತು ಯುದ್ಧ ಪ್ರಸಂಗವೊದಗಿತು. ಆ ಕಠಿಣ ಪರಿಸ್ಥಿತಿಯಲ್ಲಿ ದಾಸರು ಉಭಯ ಪಕ್ಷದವರನ್ನೂ ಸೇರಿಸಿ ಈ ಪದವನ್ನು ಹಾಡಿ ಸಮಾಧಾನಗೊಳಿಸಿದರು. ಮಟಮಟ ಮಧ್ಯಾಹ್ನದಲ್ಲಿ ಮತಿಗೆಟ್ಟ ಜನರು ಕೈಕಲಹಕ್ಕೆ ನಿಂತ ಸಮಯದಲ್ಲಿ, ಪುರಂದರದಾಸರು ಮತಗಳಲ್ಲಿ ಸಮರಸ ಹುಟ್ಟುವಂತೆ ಕಾಲಕ್ಕೆ ಸರಿಯಾಗಿ ಮಧ್ಯಮಾವತಿ ರಾಗದಲ್ಲಿ ದೇವರನಾಮವನ್ನು ಹಾಡಿದ್ದು ಪರಿಣಾಮಕಾರಿಯಾಯಿತು. ಜನರ ಉದ್ವೇಗವು ಉತ್ಸಾಹದಲ್ಲಿ ರೂಪಾಂತರವಾಯಿತು.

( ಕರ್ನಾಟಕ ಭಕ್ತ ವಿಜಯ, ಲೇಖಕರು – ಬೇಲೂರು ಕೇಶವದಾಸರು)

4 thoughts on “ಜಂಗಮರು ನಾವು”

  1. ಅಪರೂಪದ ಗೀತೆ ಮತ್ತದರ ಹಿನ್ನೆಲೆಯನ್ನೂ ಒದಗಿಸಿದ್ದಕ್ಕೆ ಧನ್ಯವಾದಗಳು.

    ವೇಣಿಯಮ್ಮ, ನಿಮ್ಮ ಬರಹ ಯಾವಾಗ ಬೆಳಕು ಕಾಣತ್ತೆ ಇಲ್ಲಿ? ಕಾಯುತ್ತಿದ್ದೇನೆ. ‘ಅಭಿಮಾನಿನಿ’ಯರಿಗೆ ನಿರಾಸೆ ಮಾಡಬೇಡಿ ತಾಯಿ!!

  2. sritri says:

    ಜ್ಯೋತಿ, ನಿನ್ನ ಅಭಿಮಾನಕ್ಕೆ ಆಭಾರಿ. ನಾನು ಬೇರೊಂದು ದೀರ್ಘ ಲೇಖನದ ತಯಾರಿಯಲ್ಲಿರುವುದರಿಂದ ಸದ್ಯಕ್ಕೆ ತುಳಸಿವನದಲ್ಲಿ ದಾಸಸಾಹಿತ್ಯ, ಕವಿ-ಕಾವ್ಯಗಳದ್ದೇ ಮೆರವಣಿಗೆ. 🙂

  3. Muralidhara says:

    ‘ತುರುಕರು ಕರೆದರೆ ಉಣ್ಣಬಹುದೇ?’ – ಈ ಹಾಡಿನ ಸಾಹಿತ್ಯವಿದ್ದರೆ ಪ್ರಕಟಿಸುವಿರಾ? ಹಾಗೇ ಹಿನ್ನಲೆ ಗೊತ್ತಿದ್ದರೆ ತಿಳಿಸಿ.

  4. sritri says:

    ಮುರಳಿಧರರೇ ನಮಸ್ಕಾರ.

    ‘ತುರುಕರು ಕರೆದರೆ ಉಣ್ಣಬಹುದೇ?’ ಅಲ್ಲ, ಉಣ್ಣಬಹುದಣ್ಣ!

    ನಿಮ್ಮ ಈ ಪ್ರಶ್ನೆಯಿಂದಾಗಿ ಬಹುದಿನಗಳಿಂದ ಓದಬೇಕೆಂದಿದ್ದ ಪುಸ್ತಕಗಳನ್ನು ತೆರೆದು ಓದುವಂತಾಯಿತು. ತುರುಕರುಗಳ ಜಾಡು ಹಿಡಿದು ಹೋದಾಗ ದಾಸರು ರಚಿಸಿರುವ ‘ಫಕೀರನ ಮಾಡಿದೆ ನೀನು’ ಎಂಬ ಅಪರೂಪದ ರಚನೆಯೂ ನನಗೆ ದೊರಕಿತು. ನಿಮಗೆ ಧನ್ಯವಾದಗಳು.

    ಇಂದಿನ ದಿನವೇ
    ಶುಭದಿನವು! 🙂

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Related Posts

ನನ್ನ ಪುಟ್ಟ ಪುರಂದರ ವಿಠಲ!ನನ್ನ ಪುಟ್ಟ ಪುರಂದರ ವಿಠಲ!

ನಮಃ ಶ್ರೀಪಾದರಾಜಾಯ ನಮಸ್ತೇ ವ್ಯಾಸಯೋಗಿನೇ| ನಮಃ ಪುರಂದರಾರ್ಯಾಯ ವಿಜಯಾರ್ಯಾಯತೇ ನಮಃ || ನಮಿಪೆ ಶ್ರೀಪಾದರಾಯರಿಗೆ ನಮನ ವ್ಯಾಸ ಯೋಗಿಗೆ ಶ್ರೀ ಪುರಂದರ ಗುರುವರಗೆ ಬಳಿಕ ವಿಜಯದಾಸರಿಗೆ ( ಕನ್ನಡಕ್ಕೆ : ನೀಲಾಂಜನ ) ದಾಸಸಾಹಿತ್ಯದಲ್ಲಿ ಪುರಂದರದಾಸರು ಅತ್ಯಂತ ಜನಪ್ರಿಯರು. ೧೩ನೆಯ ಶತಮಾನದಲ್ಲಿ

ಇಷ್ಟು ದಿನ ಈ ವೈಕುಂಠಇಷ್ಟು ದಿನ ಈ ವೈಕುಂಠ

ರಚನೆ : ಕನಕದಾಸರು ವಿದ್ಯಾಭೂಷಣ ಇಷ್ಟು ದಿನ ಈ ವೈಕುಂಠ ಎಷ್ಟು ದೂರವೊ ಎನ್ನುತಲಿದ್ದೆ ದೃಷ್ಟಿಯಿಂದಲಿ ನಾನು ಕಂಡೆ ಸೃಷ್ಟಿಗೀಶನೆ ಶ್ರೀರಂಗಶಾಯಿ ||ಪಲ್ಲವಿ|| ಎಂಟು ಏಳನು ಕಳೆದುದರಿಂದೆ ಭಂಟರೈವರ ತುಳಿದುದರಿಂದೆ ತುಂಟಕನೊಬ್ಬನ ತರಿದುದರಿಂದೆ ಭಂಟನಾಗಿ ಬಂದೆನೋ ರಂಗಶಾಯಿ ||೧|| ವರ್ಜ ವೈಢೂರ್ಯದ

ಶ್ರೀ ದುರ್ಗಾ ಸುಳಾದಿ – Durga Sulaadiಶ್ರೀ ದುರ್ಗಾ ಸುಳಾದಿ – Durga Sulaadi

ರಚನೆ – ವಿಜಯದಾಸರು ಧ್ರುವ ತಾಳ ದುರ್ಗಾ ದುರ್ಗಿಯೆ ಮಹಾ ದುಷ್ಟಜನ ಸಂಹಾರೆ ದುರ್ಗಾಂತರ್ಗತ ದುರ್ಗೆ ದುರ್ಲಭೆ ಸುಲಭೆ ದುರ್ಗಮವಾಗಿದೆ ನಿನ್ನ ಮಹಿಮೆ, ಬೊಮ್ಮ ಭರ್ಗಾದಿಗಳಿಗೆಲ್ಲ ಗುಣಿಸಿದರೂ ಸ್ವರ್ಗ ಭೂಮಿ ಪಾತಾಳ ಸಮಸ್ತ ವ್ಯಾಪುತ ದೇವಿ ವರ್ಗಕ್ಕೆ ಮೀರಿದ ಬಲು ಸುಂದರೀ