ರಮಾ ಸಮುದ್ರನ ಕುಮಾರಿ

ರಚನೆ : ಕಮಲೇಶ ವಿಠಲ (ರಾಜಾ ಎಸ್. ಗುರುರಾಜಾಚಾರ್)
ಗಾಯಕ : ವಿದ್ಯಾಭೂಷಣ

ಹಾಡು ಕೇಳಿ:-

ರಮಾ ಸಮುದ್ರನ ಕುಮಾರಿ ನಿನ್ನಯ ಸಮಾನರಾರಮ್ಮ||ಪಲ್ಲವಿ||

ಸುಮಾಸ್ತ್ರನಯ್ಯನ ಎದೆಯಲಿ ಸತತವೂ
ಅಭಿಮಾನದಲಿ ಮೆರೆವ ಮಹಾಮಹಿಮಳೇ ||ಅನು||

ಕನಕ ಮುಕುಟ ಮಂಡಿತ ಕುಟಿಲಾಳಕಜಾಲೇ | ಶ್ರೀ ಚಂ
ದನ ಕುಂಕುಮ ಕಸ್ತೂರಿ ತಿಲಕಾಂಕಿತ ಫಾಲೇ|
ಮಣಿಮಯ ಕುಂಡಲ ಶೋಭಿತ ಕರ್ಣಕಪೋಲೇ| ಚಂಪಕ
ನನೆ ನಾಸಾಗ್ರದೊಳೂಗುವ ಮೌಕ್ತಿಕ ಲೋಲೇ
ಮಿನುಗುವ ಮಾಣಿಕದ ಮಣಿಯಧರ ಪುಟದೊ
ಳಿನಿವರ ವಜ್ರದಿ ಕಣಿಗಳ ರಾಜಿ ದ
ಶನಯುತ ಸ್ಮೇರಾನನನ ಶುಭಕಾಂತಿಯಿಂ
ವನಜ ಭವನ ಮನೆಗೆ ಮಂಗಳಗರೆವ ||

ಕೊರಳೊಳು ಪರಿಮಳ ಪರಿಪರಿ ಪುಷ್ಪದ ಮಾಲೇ | ಒಪ್ಪುವ
ಕರಿರಾಜನ ಕರದಿರುವಿಕೆ ಕರಗಳ ಲೀಲೇ||
ಶರಣಗತ ಜನ ಪರಿಪಾಲನರತ ಶೀಲೇ | ಗಂಡನ |
ಪರಿರಂಭಣ ಸಾಮ್ರಾಜ್ಯದ ಸುಖದನುಕೂಲೇ||

ಕರುಣಿಸಮ್ಮ ತವ ಕರುಣ ಕಟಾಕ್ಷದ
ಸಿರಿಯ ಬೆಳಗಿನೊಳ್ ಪರಿಚರಿಸುವ ಸುಜ
ನರ ಚರಣಾಂಬುಜ ಪರಿಮಳದೊಳು ಮನ
ವೆರಗಿಸುವದು ಸೌಂದರ್ಯ ಶಿಖಾಮಣಿ ||

ರಮಣೀಯ ವಿಮಲ ಕಮಲದಳಾಯತನೇತ್ರೆ | ಚಂಪಕ |
ಸುಮದ ಸುವರ್ಣ ಪರಿಮಳದ ಸುಂದರ ಗಾತ್ರೇ
ಕಮಲ ಭವೇಂದ್ರಾದ್ಯಮರ ಮುನಿಗಣ ಸ್ತೋತ್ರೇ | ಶ್ರೀ
ಕಮಲೇಶ ವಿಠಲರಾಯನ ಕರುಣಕೆ ಪಾತ್ರೇ

ಭ್ರಮಿಸುವೆನು ಭವದ ತಿಮಿರದೊಳು ಅಘ
ಮಮ ಮದದಿಂದಲಿ ಸುಮಾರ್ಗವನರಿಯದೆ
ವಿಮಲದೃಷ್ಟಿ ಚಂದ್ರಮನಮೃತ ಕಿರಣ
ನಮಗೆ ಸಲಿಸೆ ಮಾರಮಣೆ ಮಜ್ಜನನಿ ||

5 thoughts on “ರಮಾ ಸಮುದ್ರನ ಕುಮಾರಿ”

  1. Shreeni says:

    ನನ್ನ ಅಮ್ಮನ favorite ಹಾಡು. ಯಾರಾದ್ರೂ ಶಶಿಕಲಾ/ಪುಟ್ಟಿ ಓಂದು ಹಾಡು ಹೇಳ್ರಿ ಅಂದ್ರೆ ರಮಾಸಮುದ್ರನ ಕುಮಾರಿ ಬಂದ್ಲು ಅಂತಾನೇ ಃ) ಹೀಗಾಗಿ ಅಮ್ಮನ ಧಾಟಿನೇ ಛಲೋ. ವಿದ್ಯಾಭೂಷಣರ ರಾಗ just about OK 🙂

  2. sritri says:

    ಅದು ಬೇರೆ ಹಾಡು., ಇದಲ್ಲ. ” ರಮಾ ಸಮುದ್ರನ ಕುಮಾರಿ ನಿನ್ನಯ ಸಮಾನರಾರಮ್ಮ” ಅಂತಾನೆ ಪಲ್ಲವಿ. ಆದರೆ ಅನುಪಲ್ಲವಿ “ಉಮೇಶ ಮೊದಲಾದ …..ಭ್ರಮಿಸಿ ನಿನ್ನ ಪಾದಕಮಲ….”
    ಅಂತೇನೋ ಇದೆ.. ”

    ಅದು ಶೇಷವಿಠಲರ ಅಂಕಿತ, ಇದು ಕಮಲೇಶ ವಿಠಲರದು. ಆ ಹಾಡೇ ಈ ಹಾಡಿಗೆ ಸ್ಪೂರ್ತಿ ಅಂತ ನನ್ನ ಅನಿಸಿಕೆ.

    “ವಾಸವನುತ ಸಿರಿಶೇಷವಿಠಲನೊಳು ವಾಸವ ಮಾಡುವಳೇ
    ಘಾಸಿಗೊಳಿಸದಲೆ ಈ ಸಮಯದಲ್ಲಿ… ವಾಸುದೇವಗೆ ಪೇಳಿ ಪೋಷಿಸಬೇಕಮ್ಮಾ”
    ರಮಾ, ಸಮುದ್ರನ ಕುಮಾರಿ, ನಿನ್ನ ಸರಿ ಸಮಾನರಾರಮ್ಮ ? 🙂

  3. Shreeni says:

    ಓಹ್ ಓಕೇ

  4. shashi says:

    ನಮಸ್ತೆ ತ್ರಿವೇಣಿಯವರಿಗೆ ,

    ಪದ್ಯ ಚೆನ್ನಾಗಿತ್ತು.ಆದರೆ ನಾನು ಇದೇ ಮೊದಲು ಕೇಳಿದ್ದು. ‘ಅವಧಿ’ಯಲ್ಲಿ ನಿಮ್ಮ ಮತ್ತು ಮನುಮುರ್ತಿ ,ಜಯಂತ ಕಾಯ್ಕಿಣಿ ಅವರ ಫೋಟೋ ನೋಡಿದೆ.

  5. sritri says:

    ಶಶಿಯವರಿಗೆ ಧನ್ಯವಾದಗಳು. 🙂

Leave a Reply to sritri Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Related Posts

ಘಟಿಕಾಚಲದಿ ನಿಂತ ಶ್ರೀ ಹನುಮಂತಘಟಿಕಾಚಲದಿ ನಿಂತ ಶ್ರೀ ಹನುಮಂತ

ರಚನೆ – ಪುರಂದರದಾಸರು ಹಾಡು ಕೇಳಿ ಘಟಿಕಾಚಲದಿ ನಿಂತ ಶ್ರೀ ಹನುಮಂತ ಘಟಿಕಾಚಲದಿ ನಿಂತ ಪಟು ಹನುಮಂತನ ಪಠನೆಯ ಮಾಡಲುತ್ಕಟದಿ ಪೊರೆವೆನೆಂದು ||ಪಲ್ಲವಿ|| ಚತುರ್ಯುಗದಿ ತಾನು ಮುಖ್ಯಪ್ರಾಣನು ಚತುರ್ಮುಖನಯ್ಯನ ಚತುರ ಮೂರುತಿಗಳ ಚತುರತನದಿ ಭಜಿಸಿ ಚತುರ್ಮುಖನಾಗಿ ಜಗಕೆ ಚತುರ್ವಿಧ ಫಲ ಕೊಡುತ

ವಿಜಯ ಕವಚವಿಜಯ ಕವಚ

ರಚನೆ : ವ್ಯಾಸ ವಿಠಲ (ಕಲ್ಲೂರು ಸುಬ್ಬಣ್ಣಾಚಾರ್ಯ) ಪುತ್ತೂರು ನರಸಿಂಹ ನಾಯಕ್ ದನಿಯಲ್ಲಿ – ಸ್ಮರಿಸಿ ಬದುಕಿರೊ ದಿವ್ಯ ಚರಣಕೆರಗಿರೊ ದುರಿತ ತರಿದು ಪೊರೆವ ವಿಜಯ ಗುರುಗಳೆಂಬರಾ ದಾಸರಾಯನ ದಯವ ಸೂಸಿ ಪಡೆದನಾ ದೋಷರಹಿತನಾ ಸಂತೋಷಭರಿತನಾ ||೧|| ಜ್ಞಾನವಂತನ ಬಲು ನಿಧಾನಿ

ದಾಸೋಹಂ ತವ ದಾಸೋಹಂ – Dasoham tava dasoham – jagannatha dasaruದಾಸೋಹಂ ತವ ದಾಸೋಹಂ – Dasoham tava dasoham – jagannatha dasaru

ದಾಸೋಹಂ ತವ ದಾಸೋಹಂ ತವ ದಾಸೋಹಂ ತವ ದಾಸೋಹಂ ||ಪ|| ವಾಸುದೇವ ವಿಗತಾಘಸಂಘ ತವ ||ಅ. ಪ|| ಜೀವಾಂತರ್ಗತ ಜೀವ ನಿಯಾಮಕ ಜೀವ ವಿಲಕ್ಷಣ ಜೀವನದ ಜೀವಾಧಾರಕ ಜೀವರೂಪಿ ರಾ- ಜೀವ ಭವಜನಕ ಜೀವೇಶ್ವರ ತವ ||೧|| ಕಾಲಾಂತರ್ಗತ ಕಾಲ ನಿಯಮಕ