ರಮಾ ಸಮುದ್ರನ ಕುಮಾರಿ

ರಚನೆ : ಕಮಲೇಶ ವಿಠಲ (ರಾಜಾ ಎಸ್. ಗುರುರಾಜಾಚಾರ್)
ಗಾಯಕ : ವಿದ್ಯಾಭೂಷಣ

ಹಾಡು ಕೇಳಿ:-

ರಮಾ ಸಮುದ್ರನ ಕುಮಾರಿ ನಿನ್ನಯ ಸಮಾನರಾರಮ್ಮ||ಪಲ್ಲವಿ||

ಸುಮಾಸ್ತ್ರನಯ್ಯನ ಎದೆಯಲಿ ಸತತವೂ
ಅಭಿಮಾನದಲಿ ಮೆರೆವ ಮಹಾಮಹಿಮಳೇ ||ಅನು||

ಕನಕ ಮುಕುಟ ಮಂಡಿತ ಕುಟಿಲಾಳಕಜಾಲೇ | ಶ್ರೀ ಚಂ
ದನ ಕುಂಕುಮ ಕಸ್ತೂರಿ ತಿಲಕಾಂಕಿತ ಫಾಲೇ|
ಮಣಿಮಯ ಕುಂಡಲ ಶೋಭಿತ ಕರ್ಣಕಪೋಲೇ| ಚಂಪಕ
ನನೆ ನಾಸಾಗ್ರದೊಳೂಗುವ ಮೌಕ್ತಿಕ ಲೋಲೇ
ಮಿನುಗುವ ಮಾಣಿಕದ ಮಣಿಯಧರ ಪುಟದೊ
ಳಿನಿವರ ವಜ್ರದಿ ಕಣಿಗಳ ರಾಜಿ ದ
ಶನಯುತ ಸ್ಮೇರಾನನನ ಶುಭಕಾಂತಿಯಿಂ
ವನಜ ಭವನ ಮನೆಗೆ ಮಂಗಳಗರೆವ ||

ಕೊರಳೊಳು ಪರಿಮಳ ಪರಿಪರಿ ಪುಷ್ಪದ ಮಾಲೇ | ಒಪ್ಪುವ
ಕರಿರಾಜನ ಕರದಿರುವಿಕೆ ಕರಗಳ ಲೀಲೇ||
ಶರಣಗತ ಜನ ಪರಿಪಾಲನರತ ಶೀಲೇ | ಗಂಡನ |
ಪರಿರಂಭಣ ಸಾಮ್ರಾಜ್ಯದ ಸುಖದನುಕೂಲೇ||

ಕರುಣಿಸಮ್ಮ ತವ ಕರುಣ ಕಟಾಕ್ಷದ
ಸಿರಿಯ ಬೆಳಗಿನೊಳ್ ಪರಿಚರಿಸುವ ಸುಜ
ನರ ಚರಣಾಂಬುಜ ಪರಿಮಳದೊಳು ಮನ
ವೆರಗಿಸುವದು ಸೌಂದರ್ಯ ಶಿಖಾಮಣಿ ||

ರಮಣೀಯ ವಿಮಲ ಕಮಲದಳಾಯತನೇತ್ರೆ | ಚಂಪಕ |
ಸುಮದ ಸುವರ್ಣ ಪರಿಮಳದ ಸುಂದರ ಗಾತ್ರೇ
ಕಮಲ ಭವೇಂದ್ರಾದ್ಯಮರ ಮುನಿಗಣ ಸ್ತೋತ್ರೇ | ಶ್ರೀ
ಕಮಲೇಶ ವಿಠಲರಾಯನ ಕರುಣಕೆ ಪಾತ್ರೇ

ಭ್ರಮಿಸುವೆನು ಭವದ ತಿಮಿರದೊಳು ಅಘ
ಮಮ ಮದದಿಂದಲಿ ಸುಮಾರ್ಗವನರಿಯದೆ
ವಿಮಲದೃಷ್ಟಿ ಚಂದ್ರಮನಮೃತ ಕಿರಣ
ನಮಗೆ ಸಲಿಸೆ ಮಾರಮಣೆ ಮಜ್ಜನನಿ ||

5 thoughts on “ರಮಾ ಸಮುದ್ರನ ಕುಮಾರಿ”

  1. Shreeni says:

    ನನ್ನ ಅಮ್ಮನ favorite ಹಾಡು. ಯಾರಾದ್ರೂ ಶಶಿಕಲಾ/ಪುಟ್ಟಿ ಓಂದು ಹಾಡು ಹೇಳ್ರಿ ಅಂದ್ರೆ ರಮಾಸಮುದ್ರನ ಕುಮಾರಿ ಬಂದ್ಲು ಅಂತಾನೇ ಃ) ಹೀಗಾಗಿ ಅಮ್ಮನ ಧಾಟಿನೇ ಛಲೋ. ವಿದ್ಯಾಭೂಷಣರ ರಾಗ just about OK 🙂

  2. sritri says:

    ಅದು ಬೇರೆ ಹಾಡು., ಇದಲ್ಲ. ” ರಮಾ ಸಮುದ್ರನ ಕುಮಾರಿ ನಿನ್ನಯ ಸಮಾನರಾರಮ್ಮ” ಅಂತಾನೆ ಪಲ್ಲವಿ. ಆದರೆ ಅನುಪಲ್ಲವಿ “ಉಮೇಶ ಮೊದಲಾದ …..ಭ್ರಮಿಸಿ ನಿನ್ನ ಪಾದಕಮಲ….”
    ಅಂತೇನೋ ಇದೆ.. ”

    ಅದು ಶೇಷವಿಠಲರ ಅಂಕಿತ, ಇದು ಕಮಲೇಶ ವಿಠಲರದು. ಆ ಹಾಡೇ ಈ ಹಾಡಿಗೆ ಸ್ಪೂರ್ತಿ ಅಂತ ನನ್ನ ಅನಿಸಿಕೆ.

    “ವಾಸವನುತ ಸಿರಿಶೇಷವಿಠಲನೊಳು ವಾಸವ ಮಾಡುವಳೇ
    ಘಾಸಿಗೊಳಿಸದಲೆ ಈ ಸಮಯದಲ್ಲಿ… ವಾಸುದೇವಗೆ ಪೇಳಿ ಪೋಷಿಸಬೇಕಮ್ಮಾ”
    ರಮಾ, ಸಮುದ್ರನ ಕುಮಾರಿ, ನಿನ್ನ ಸರಿ ಸಮಾನರಾರಮ್ಮ ? 🙂

  3. Shreeni says:

    ಓಹ್ ಓಕೇ

  4. shashi says:

    ನಮಸ್ತೆ ತ್ರಿವೇಣಿಯವರಿಗೆ ,

    ಪದ್ಯ ಚೆನ್ನಾಗಿತ್ತು.ಆದರೆ ನಾನು ಇದೇ ಮೊದಲು ಕೇಳಿದ್ದು. ‘ಅವಧಿ’ಯಲ್ಲಿ ನಿಮ್ಮ ಮತ್ತು ಮನುಮುರ್ತಿ ,ಜಯಂತ ಕಾಯ್ಕಿಣಿ ಅವರ ಫೋಟೋ ನೋಡಿದೆ.

  5. sritri says:

    ಶಶಿಯವರಿಗೆ ಧನ್ಯವಾದಗಳು. 🙂

Leave a Reply to shashi Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Related Posts

ನಂಬಿದೆ ನಿನ್ನ ಪಾದ ಗುರು ಮುಖ್ಯಪ್ರಾಣನಂಬಿದೆ ನಿನ್ನ ಪಾದ ಗುರು ಮುಖ್ಯಪ್ರಾಣ

ರಚನೆ : ವಿಜಯ ದಾಸರು ಗಾಯಕ : ವೆಂಕಟೇಶ ಕುಮಾರ್ ಹಾಡು ಕೇಳಿ ನಂಬಿದೆ ನಿನ್ನ ಪಾದ ಗುರು ಮುಖ್ಯಪ್ರಾಣ ಡಂಬವ ತೊಲಗಿಸಿ ಡಿಂಭದೊಳಗೆ ಹರಿಯ ಬಿಂಬ ಪೊಳೆವಂತೆ ಮಾಡೊ ||ಪಲ್ಲವಿ|| ಅಂತರಂಗದ ಉಸುರ ಹೊರಗೆ ನೂಕಿ ಅಂತರಂಗಕೆ ಸೇದುವ ಪಂಥದಾಳು

ತಾಳುವಿಕೆಗಿಂತ ತಪವು ಇಲ್ಲತಾಳುವಿಕೆಗಿಂತ ತಪವು ಇಲ್ಲ

ರಚನೆ : ವಾದಿರಾಜರು ವಿದ್ಯಾಭೂಷಣರ ದನಿಯಲ್ಲಿ ತಾಳುವಿಕೆಗಿಂತನ್ಯ ತಪವು ಇಲ್ಲ ಕೇಳಬಲ್ಲವರಿಂಗೆ ಪೇಳುವೆನು ಸೊಲ್ಲ ||ಪಲ್ಲವಿ|| ದುಷ್ಟ ಮನುಜರು ಪೇಳ್ವ ನಿಷ್ಟುರದ ನುಡಿ ತಾಳು ಕಷ್ಟ ಬಂದರೆ ತಾಳು ಕಂಗೆಡದೆ ತಾಳು ನೆಟ್ಟಸಸಿ ಫಲಬರುವ ತನಕ ಶಾಂತಿಯ ತಾಳು ಕಟ್ಟು ಬುತ್ತಿಯ

ಲಕ್ಷ್ಮೀಕಾಂತ ಬಾರೊಲಕ್ಷ್ಮೀಕಾಂತ ಬಾರೊ

ಲಕ್ಷ್ಮೀಕಾಂತ ಬಾರೊ ಶುಭ ಲಕ್ಷಣವಂತ ಬಾರೊ||ಪಲ್ಲವಿ|| ಪಕ್ಷಿವಾಹನ ಏರಿದವನೆ ಪಾವನಮೂರ್ತಿ ಬಾರೊ ||ಅನು|| ಆದಿಮೂಲ ವಿಗ್ರಹ ವಿನೋದಿ ನೀನೇ ಬಾರೊ ಸಾಧುಸಜ್ಜನ ಸತ್ಯಯೋನಿ ದಾನಿ ನೀನೇ ಬಾರೊ||-೧-|| ಗಾಡಿಕಾರ ಕೃಷ್ಣ ನಿನ್ನ ಬೇಡಿಕೊಂಬೆ ಬಾರೊ ರೂಢ ಮಾತನಾಡಿ ಸರ್ವರೂಢಿಗೊಡೆಯ ಬಾರೊ ||-೨-||