ಇಷ್ಟುಕಾಲ ಒಟ್ಟಿಗಿದ್ದು ಎಷ್ಟು ಬೆರೆತರೂ…

ಕವಿ – ಎಚ್. ಎಸ್. ವೆಂಕಟೇಶಮೂರ್ತಿ
ಗಾಯಕಿ – ಪಲ್ಲವಿ ಅರುಣ್

ಹಾಡು ಕೇಳಿ

ಇಷ್ಟುಕಾಲ ಒಟ್ಟಿಗಿದ್ದು ಎಷ್ಟು ಬೆರೆತರೂ
ಅರಿತೆವೇನು ನಾವು ನಮ್ಮ ಅಂತರಾಳವ?

ಕಡಲ ಮೇಲೆ ಸಾವಿರಾರು ಮೈಲಿ ಸಾಗಿಯೂ
ನೀರಿನಾಳ ತಿಳಿಯಿತೇನು ಹಾಯಿದೋಣಿಗೆ?

ಸದಾಕಾಲ ತಬ್ಬುವಂತೆ ಮೇಲೆ ಬಾಗಿಯೂ
ಮಣ್ಣ ಮುತ್ತು ದೊರಕಿತೇನು ನೀಲಿ ಬಾನಿಗೆ?

ಸಾವಿರಾರು ಮುಖದ ಚೆಲುವ ಹಿಡಿದು ತೋರಿಯೂ
ಒಂದಾದರೂ ಉಳಿಯಿತೇ ಕನ್ನಡಿಯ ಪಾಲಿಗೆ?

***********

15 thoughts on “ಇಷ್ಟುಕಾಲ ಒಟ್ಟಿಗಿದ್ದು ಎಷ್ಟು ಬೆರೆತರೂ…”

  1. sunaath says:

    ತ್ರಿವೇಣಿ,
    ಸುಂದರವಾದ ಕವನಕ್ಕಾಗಿ ಧನ್ಯವಾದಗಳು.

  2. sritri says:

    ಕಾಕಾ, ಒಳಿತನ್ನು ಗುರುತಿಸುವ, ಮೆಚ್ಚುವ ನಿಮ್ಮ ಸಹೃದಯತೆಗೂ ಧನ್ಯವಾದ. ನಿನ್ನೆ `ಎದೆ ತುಂಬಿ ಹಾಡುವೆನು’ ಕಾರ್ಯಕ್ರಮದಲ್ಲಿ ಕೇಳಿದಾಗಿನಿಂದ ಈ ಹಾಡು ನನ್ನ ಹಿಡಿದುಬಿಟ್ಟಿದೆ.

  3. Tejaswini says:

    ತುಳಸಿಯಮ್ಮ,

    ತುಂಬಾ ಕಾಡುವ ಕವನ. ಧನ್ಯವಾದಗಳು.

  4. sritri says:

    ತೇಜಸ್ವಿನಿ, ನನ್ನ ಬ್ಲಾಗ್ ಮನೆಗೆ ಭೇಟಿ ಕೊಟ್ಟಿದ್ದಕ್ಕಾಗಿ ನಿಮಗೂ ಧನ್ಯವಾದಗಳು.

  5. shyamala says:

    ನಮಸ್ಕಾರ ತುಳಸಿಯವರಿಗೇ…….
    ನಿಮ್ಮ ಬ್ಲಾಗ ಹಾಗೂ ಅದರಲ್ಲಿನ ಕವನ ಎರಡೂ ತುಂಬಾ ಚೆನ್ನಾಗಿವೆ. ಆದರೇ ನನಗೇಕೋ ಕೇಳಲು ಆಗಲಿಲ್ಲ… ಮತ್ತೊಮ್ಮೆ ಪ್ರಯತ್ನಿಸಿ ನೋಡುವೆ.
    ಶ್ಯಾಮಲ

  6. sritri says:

    ಶ್ಯಾಮಲ ಅವರೇ, ತುಳಸಿವನಕ್ಕೆ ಸ್ವಾಗತ. ಹಾಡು ಕೇಳಲು ಆಗಲಿಲ್ಲವೆಂದಿದ್ದೀರಿ. ನಿಮ್ಮ ಕಂಪ್ಯೂಟರಿನಲ್ಲಿ RealPlayer ಇದೆಯೇ?

  7. shyamala says:

    ಧನ್ಯವಾದಗಳು ತುಳಸಿಯವರೇ…
    ಈಗ ಹಾಡು ಕೇಳಿದೇ, ತುಂಬಾ ಚೆನ್ನಾಗಿದೆ. ನಾ ಕೇಳಿರಲಿಲ್ಲ. ಇನ್ನು ನಿಮ್ಮ ಬ್ಲಾಗ ಗೆ ನನ್ನ ಭೇಟಿ ನಿರಂತರ………. ನಿಮ್ಮ ಚಪಾತಿ ಪುರಾಣ ಓದಿ ನಕ್ಕು ಸುಸ್ತಾಯಿತು…….

    ಶ್ಯಾಮಲ

  8. sritri says:

    ಶ್ಯಾಮಲ, ಖಂಡಿತ ಬರುತ್ತಿರಿ. ನನ್ನ ಹೆಸರು ತ್ರಿವೇಣಿ. ‘ತುಳಸಿ’ ಎಂದರೂ ಅಭ್ಯಂತರವೇನಿಲ್ಲ. 🙂

    ಮೆದು ಚಪಾತಿ ಪುರಾಣದ್ದು …. ಮುಗಿಯದ ಕಥೆ ಬಿಡಿ….

  9. shyamala says:

    ನಮಸ್ಕಾರ ತ್ರಿವೇಣಿಯವರೇ..
    ನೀವು ವಿಜಯ ಕರ್ನಾಟಕದಲ್ಲಿ ಬರೆಯುತ್ತಿದ್ದಿರಲ್ಲ… ಆಗಿನಿಂದ ನಿಮ್ಮ ಬರಹ ನನಗೇ ಇಷ್ಟ. ತ್ರಿವೇಣಿ – ತುಳಸಿ ಎರಡೂ ನನಗೇ ಪ್ರಿಯವಾದ ಹೆಸರುಗಳೇ….
    ಶ್ಯಾಮಲ

  10. sritri says:

    ಶ್ಯಾಮಲ, ನಿಮ್ಮ ಪ್ರೀತಿಗೆ ನಾ ಋಣಿ.

  11. Sudhindra V. says:

    ತುಂಬ ಸುಂದರ ಕವನ

  12. RK says:

    ಕೆಲವು ಸಂಬಂಧಗಳು ಅಂತರಗಳ ನಡುವೆ ಸಹಾ ನಿರಂತರ…
    ಪಶ್ಚಿಮದಲ್ಲಿದ್ದೂ ನೀವು ಪೂರ್ವದ ತುಳಸಿವನದಲ್ಲಿ ನಮ್ಮನ್ನು ಸಂಧಿಸುವಂತೆ…. 🙂 🙂

  13. sritri says:

    Thank you @ RK 🙂

  14. Srilakshmi H says:

    ಕೊನೆಗೂ ಬಂದೆ ನಿಮ್ಮ ಅಂಗಳಕ್ಕೆ… ಚೆನ್ನಾಗಿದೆ! ಗೀತ-ಮಾಧುರಿ ಕಾರ್ಯಕ್ರಮ ಕಣ್ಣ-ಮುಂದೆ ಬಂತು… ಧನ್ಯವಾದಗಳು!

  15. sritri says:

    Srilakshmi H, ಕೊನೆಗೂ ಬಂದಿದ್ದೀರಿ, ಆದರೆ ಇದೇ ಕೊನೆಯಲ್ಲ, ನೆನಪಿರಲಿ! 🙂 ಬರುತ್ತಿರಿ…

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Related Posts

ಅಮ್ಮ – ಬಿ. ಆರ್. ಲಕ್ಷ್ಮಣರಾವ್ಅಮ್ಮ – ಬಿ. ಆರ್. ಲಕ್ಷ್ಮಣರಾವ್

ಕವಿ – ಬಿ. ಆರ್. ಲಕ್ಷ್ಮಣರಾವ್ ಹಾಡು ಕೇಳಿ  ಅಮ್ಮ…. ನಿನ್ನ ಎದೆಯಾಳದಲ್ಲಿ ಗಾಳಕ್ಕೆ ಸಿಕ್ಕ ಮೀನು ಮಿಡುಕಾಡುತಿರುವೆ ನಾನು ಕಡಿಯಲೊಲ್ಲೆ ಈ ಕರುಳ ಬಳ್ಳಿ ಒಲವೂಡುತಿರುವ ತಾಯೆ ಬಿಡದ ಭುವಿಯ ಮಾಯೆ ನಿನ್ನ ರಕ್ಷೆ ಗೂಡಲ್ಲಿ ಬೆಚ್ಚಗೆ ಅಡಗಲಿ ಎಷ್ಟು

ಮಿಥಿಲೆ – ಸು.ರಂ.ಎಕ್ಕುಂಡಿಮಿಥಿಲೆ – ಸು.ರಂ.ಎಕ್ಕುಂಡಿ

‘ಮಿಥಿಲೆ’ ಕವಿ : ಸುಬ್ಬಣ್ಣ.ರಂಗನಾಥ.ಎಕ್ಕುಂಡಿ ಎಂದಾದರೊಂದು ದಿನ ನಾನು ಮಿಥಿಲೆಗೆ ಹೋಗಿ ಬೀದಿಬೀದಿಯನಲೆದು ನೋಡಬೇಕು ಅಲ್ಲಿ ಎಲ್ಲಾದರೂ ಮರದ ನೆರಳಿಗೆ ಕುಳಿತು ರಾಮಭದ್ರನ ಮಹಿಮೆ ಹಾಡಬೇಕು ಅಲ್ಲಿಹವು ಎತ್ತರದ ಮನೆಗಳು ಮಂದಿರವು ಅಲ್ಲಿ ಬೇಕಾದಷ್ಟು ತುಳಸಿ ಹೂವು ಹೆಜ್ಜೆ ಹೆಜ್ಜೆಗೆ ಅಲ್ಲಿ

ಕನ್ನಡವೆಂದರೆ….ಕನ್ನಡವೆಂದರೆ….

ಕವಿ – ಕೆ. ಎಸ್ ನಿಸಾರ್ ಅಹಮದ್ ಕನ್ನಡವೆಂದರೆ ಬರಿ ನುಡಿಯಲ್ಲ, ಹಿರಿದಿದೆ ಅದರರ್ಥ ; ಜಲವೆಂದರೆ ಕೇವಲ ನೀರಲ್ಲ. ಅದು ಪಾವನ ತೀರ್ಥ. ಕನ್ನಡವೆಂದರೆ ಬರಿ ನಾಡಲ್ಲ ; ಭೂಪಟ, ಗೆರೆ, ಚುಕ್ಕೆ ; ಮರವೆಂದರೆ ಬರಿ ಕಟ್ಟಿಗೆಯೆ? ಶ್ರೀಗಂಧದ