ಸಾಹಿತ್ಯ ಮತ್ತು ಸಂಗೀತ : ಹಂಸಲೇಖ
ಗಾಯಕ : ಎಸ್.ಪಿ.ಬಾಲಸುಬ್ರಹ್ಮಣ್ಯಂ
ಓಹೋ ಚಂದ್ರಮ, ಕೇಳಯ್ಯಾ ಚಂದ್ರಮ ಒಲವಿನ ಕತೆಯ
ಒಲ್ಲದ ಒಲವಿನಲಿ ಬಾಳುವ ಈ ಜೊತೆಯ ||ಪ||
ಗುಲಾಬಿ ಹೂವಿನಲ್ಲಿ ಅದೇಕೋ ನಗುವೇ ಇಲ್ಲ
ಮುಳ್ಳಿಂದ ಮುತ್ತಿನೆಡೆಗೆ ಅದೇಕೋ ಬಾರದಲ್ಲ
ಕಂಗಳಿಂದ ಕಂಗಳ ಕನಸು ಕಾಣಲು ಕೊಡದಲ್ಲ
ಹೃದಯದಿಂದ ಹೃದಯವ ಅಳೆದು ನೋಡಲು ಬಿಡದಲ್ಲ
ಸಪ್ತಪದಿಗಳೆಂಬ ಸೆರೆಯಲಿರುವ ಹೊಸ ಕತೆಯ ||೧|
ನಿಟ್ಟುಸಿರ ಜಗಳದಲ್ಲಿ ದೂರಾಯ್ತು ಜೋಡಿ ಮಂಚ
ಭಾವಗಳ ಕದನದಲ್ಲಿ ಬೋಳು ಹೃದಯದ ಪ್ರಪಂಚ
ಅಂತರಂಗದ ಆಗಸ ಬೆಳಕು ಕಾಣದೆ ಅಲೆಯುತಿದೆ
ಅಂದದ ಈ ಅಂತ:ಪುರ ಅರ್ಥವಿಲ್ಲದೆ ಅಳುತಾ ಇದೆ
ವಿರಹವೆಂಬ ವಿಷವ ವಿನಾ ಕಾರಣ ಕುಡಿದವರ ||೨||
***