ಜಯ ಹೇ ಕನ್ನಡ ತಾಯಿ – Jaya he kannada taayi

ಹರೆ ನೂರಿದ್ದರೂ ಮರವೊಂದೇ
ಬಂದವರಿಗೆ ಆಸರೆ ನೆರಳು
ನಡೆ ನುಡಿ ರೀತಿಗಳೆಷ್ಟೇ ಇದ್ದರೂ
ಒಂದೇ ಒಳಗಿನ ಹುರುಳು
ಪಂಪ ಬಸವ ಕವಿ ಕುಮಾರವ್ಯಾಸರ ಕಾವ್ಯದ ಉಸಿರೊಂದೇ
ಹಸುರಿನ ವೈಖರಿ ಸಾವಿರವಿದ್ದರೂ ಧರಿಸುವ ಬಸಿರೊಂದೇ
ಜಯ ಹೇ ಕನ್ನಡ ತಾಯಿ
ಜಯ ಹೇ ಕನ್ನಡ ತಾಯಿ… ।। ೧ ।।

ಹಲವು ನುಡಿಯಿಂದ ಕಂದರ ಕರೆಯುವ ಕನ್ನಡ ಸಿರಿಗನ್ನಡ ಮಾತೆ
ಶರಣ ಸಂತ ಅವಧೂತರ ದಾಸರ ಹೃದಯ ಮಿಡಿದ ಗೀತೆ
ಇಂದಿನ ಒಲವೇ ಎಂದಿಗೂ ಇರಲಿ ಹರಸೆಮ್ಮನು ಮಾತೆ
ಮುಂದಿನ ಬಾಳನು ಅರಳಿಸಿ ಬೆಳಗಿಸು ಕರ್ನಾಟಕ ಮಾತೆ
ಜಯ ಹೇ ಕನ್ನಡ ತಾಯಿ
ಜಯ ಹೇ ಕನ್ನಡ ತಾಯಿ… ।। ೨ ।।

ಕಾಮನಾ ಬಿಲ್ಲಿನಾಡು ನಾನಾ ಪಲುಕಿನ ಹಾಡು
ಹಲವಿದ್ದರೂ ಒಲವೊಂದೇ ಎನ್ನುವ ನಮ್ಮೊಲವಿನ ಕರುನಾಡು
ಕಾಮನಾ ಬಿಲ್ಲಿನಾಡು ನಾನಾ ಪಲುಕಿನ ಹಾಡು
ಹಲವಿದ್ದರೂ ಒಲವೊಂದೇ ನಮ್ಮೊಲವಿನ ಕರುನಾಡು ।। ೩ ।।

ಸಾಹಿತ್ಯ: ಎಚ್.ಎಸ್. ವೆಂಕಟೇಶಮೂರ್ತಿ

ರಾಮದೂತನ ಪಾದ -Ramadootana Pada

ರಾಮದೂತನ ಪಾದ ತಾಮರಸವ ಕಂಡ||2||
ಆ ಮನುಜನೆ ಧನ್ಯನೂ||2||

ಶ್ರೀ ಮನೋಹರನಂಘ್ರಿ
ಭಜಕಸ್ತೋಮ ಕುಮುದಕೆ ಸೋಮನೆನಿಸುವ
ಭೂಮಿಯೊಳು ಯದುಗಿರಿಯ ಸೀಮೆಯ
ಕಾಮವರದೊಳು ಪ್ರೇಮದಿಂದಿಹ ||ಪ||

ಕೋತಿರೂಪದಿ ರಘುನಾಥನಾಜ್ಞೆಯ ತಾಳಿ
ಪಾದೋದಿಯ ಲಂಘಿಸಿ ||
ಖ್ಯಾತ ಲಂಕೆಯ ಪೊಕ್ಕು ಶೋಧಿಸಿ
ಮಾತೆಯನ್ನು ಕಂಡೆರಗಿದಶಮುಖ
ಹೋತ ಖಳಕುಲ ವ್ಯಾತ ಘಾತಿಸಿ
ಸೀತೆವಾರ್ತೆಯ ನಾಥಗರುಹಿದ ||-1-||

ಪಾಂಡುಸುತನೆ ಪ್ರಚಂಡ ಗದೆಯನ್ನು
ದೋರ್ದಂಡದಿ ಧರಿಸುತಲೀ||
ಮಂಡಲದೊಳು ಭಂಡ ಕೌರವ
ಚಂಡ ರಿಪುಗಳ ಖಂಡಿಸಿ
ಶಿರ ಚೆಂಡನಾಡಿ ಸತಿಗೆ ಕರುಳಿನ
ದಂಡೆ ಮುಡಿಸಿದ ಉಧ್ಧಂಡ ವಿಕ್ರಮ ||-2||

ಧಾರುಣಿಯೊಳು ದ್ವಿಜನಾರಿ ಗರ್ಭದಿ ಬಂದು
ಮೂರೊಂದಾಶ್ರಮ ಧರಿಸಿ||
ಧೀರನೀನೆರದಿಕತ್ರಿದಶ
ಸಾರಗ್ರಂಥಗಳವಿರಚಿಸುತ
ಮಹಾಶೂರ ಶ್ರೀಗೋಪಾಲವಿಠ್ಠಲನ
ಚಾರು ಚರಣಕೆ ಅರ್ಪಿಸಿದ ಗುರು ||-3-||