ಯಜಮಾನ – ಪ್ರೇಮ ಚಂದ್ರಮ

ಕಲ್ಯಾಣ್

ಚಿತ್ರ – ಯಜಮಾನ (೨೦೦೦)
ಸಾಹಿತ್ಯ – ಕೆ.ಕಲ್ಯಾಣ್
ಸಂಗೀತ – ರಾಜೇಶ್ ರಾಮನಾಥ್
ಗಾಯಕ – ರಾಜೇಶ್ ಕೃಷ್ಣನ್

ಹಾಡು ಕೇಳಿ

ಪ್ರೇಮ ಚಂದ್ರಮ ಕೈಗೆ ಸಿಗುವುದೇ
ಹೇಳೇ ತಂಗಾಳಿ
ನೀ ಹೇಳೇ ತಂಗಾಳಿ

ಮನಸಾರೆ ಮೆಚ್ಚಿಕೊಳುವೆ
ಹೃದಯಾನ ಬಿಚ್ಚಿಕೊಡುವೆ

ಈ ಭೂಮಿ ಇರುವರೆಗೂ
ನಾ ಪ್ರೇಮಿಯಾಗಿರುವೆ ||ಪ್ರೇಮ ಚಂದ್ರಮ||

ಬಾನಲಿ ಹುಣ್ಣಿಮೆಯಾದರೆ ನೀ
ಸವೆಯಬೇಡ ಸವೆಯುವೆ ನಾ

ಮೇಣದ ಬೆಳಕೇ ಆದರೂ ನೀ
ಕರಗಬೇಡ ಕರಗುವೆ ನಾ

ಹೂದೋಟವೇ ಆದರೆ ನೀನು
ಹೂಗಳ ಬದಲು ಉದುರುವೆ ನಾ

ಹೇಳೆ ತಂಗಾಳಿ
ನೀ ಹೇಳೆ ತಂಗಾಳಿ ||ಪ್ರೇಮ ಚಂದ್ರಮ||

ಈ ಪ್ರತಿರೂಪ ಬಿಡಿಸಲು ನಾ
ನೆತ್ತರಲೆ ಬಣ್ಣವನಿಡುವೆ

ಈ ಪ್ರತಿಬಿಂಬವ ಕೆತ್ತಲು ನಾನು
ಎದೆಯ ರೋಮದ ಉಳಿಯಿಡುವೆ

ಕವಿತೆಯ ಹಾಗೆ ಬರೆದಿಡೆನು
ಉಸಿರನೆ ಬಸಿದು ಪದವಿಡುವೆ

ಹೇಳೆ ತಂಗಾಳಿ
ನೀ ಹೇಳೆ ತಂಗಾಳಿ ||ಪ್ರೇಮ ಚಂದ್ರಮ||

********************

ಪ್ರೀತಿ ಪ್ರೇಮ ಪ್ರಣಯ – ಸುಂದರ ಲೋಕವಿದು

ಸಾಹಿತ್ಯ – ಕಲ್ಯಾಣ್
ಸಂಗೀತ – ಮನೋಮೂರ್ತಿ
ಗಾಯಕಿ – ಚಿತ್ರ
chitra 

ಸುಂದರ ಸುಂದರ ಲೋಕವಿದು
ಸರಿಗಮಗಳೇ ಇಲ್ಲಿ ಇಂಚರ
ಸೂರ್ಯ ಚಂದ್ರ ಚುಕ್ಕಿಗಳೇ
ಈ ಪ್ರಕೃತಿಗೊಂದು ಉಂಗುರ

ಹಗಲಿಗೆ ಬೆಳಕಿನ ಪಲ್ಲವಿ
ಇರುಳಿಗೆ ನೆರಳಿನ ಪಲ್ಲವಿ
ಬೆಳಕು ನೆರಳಿನ ನಡುವಲಿ
ಈ ಕಾಲವೇ ಪ್ರೀತಿಯ ಪಲ್ಲವಿ

ನೂರು ದಿಕ್ಕುಗಳು ನೂರು ದಾರಿಗಳು
ನಡುವಲಿ ನಮ್ಮ ಪಯಣ
ನೂರು ಮನಸುಗಳು ನೂರು ಭಾವಗಳು
ಒಳಗಿದೆ ಚೆಲುವಿನ ಕವನ

ನೂರು ತವಕಗಳು ನೂರು ಪುಳಕಗಳು
ಬೆರೆತರೆ ಒಂದು ಮಿಲನ
ನೂರು ಭಾಷೆಗಳು ನೂರು ವೇಷಗಳು
ಒಲಿದರೆ ಒಲವಿನ ಜನನ

ಜಗವೇ ಸಂಗೀತದ ಬಳುವಳಿಯು
ಹಾಡಬೇಕು, ಆಸರೆ ಬೇಕು, ಆಲಂಗಿಸಲೇ ಬೇಕು ||೧||

ಯಾರು ಎಲ್ಲಿರಲಿ ಹೇಗೆ ನಡೆದಿರಲಿ
ಕನಸೇ ನಮ್ಮ ಜೊತೆಯು
ನಾಳೆ ಹಾದಿಯಲಿ ಹಳೆಯ ನೆನಪಿರಲಿ
ನಗುವೇ ನಮ್ಮ ಕತೆಯು

ಯಾವ ಹಾಡುಗಳು
ಹೇಗೆ ಸ್ಪಂದಿಸಲಿ
ಅದುವೇ ನಮ್ಮ ಕಲೆಯು
ಯಾವ ಋತುಗಳು ಹೇಗೆ ತಿರುಗಲಿ

ಅಲ್ಲೇ ನಮ್ಮ ನೆಲೆಯು
ಸ್ನೇಹ ಹೃದಯದ ಚಿಲಿಪಿಲಿಯೋ
ದೃಶ್ಯವಿರಲಿ, ಅದೃಶ್ಯವಿರಲಿ
ಆನಂದಿಸಲೇ ಬೇಕು ||೨||

* * *