ಶಿಲ್ಪಾ ಶೆಟ್ಟಿ ಮಾನ – ದೇಶದ ಅವಮಾನ?

ಶಿಲ್ಪಾ ಶೆಟ್ಟಿಗಾದ ಅವಮಾನ – ದೇಶಕ್ಕೇ ಅವಮಾನವಾಗಿದ್ದು ಹೇಗೆ?    ಪತ್ರಿಕೆ,ಟಿವಿಗಳು ಭಾರತಕ್ಕೇನೋ ಭಾರೀ ಅವಮಾನವಾಗಿದೆ ಅನ್ನೋ ಹಾಗೆ ಬೊಬ್ಬೆ ಹೊಡೆಯುತ್ತಿದ್ದುದು ನೋಡಿ ನನ್ನನ್ನೂ ಇದೇ ಪ್ರಶ್ನೆ ಕಾಡಿತ್ತು.  ಕನ್ನಡಪ್ರಭದ ಈ ಲೇಖನ ಓದಿದ ಮೇಲೆ ಸಮಾಧಾನವಾಯಿತು. ನೀವೂ ಓದಿ ನೋಡಿ.  ಏನನ್ನಿಸಿತು ಹೇಳಿ .

“ದೆಹಲಿಯಲ್ಲಿ ಅಡ್ದಾಡುವ ಬೆಂಗಳೂರಿನ ಯುವಕನನ್ನು ತಲೆತಿರುಕನೊಬ್ಬ “ಮದ್ರಾಸೀ”  ಎಂದು ಕರೆದರೆ ಅದು ರಾಜ್ಯಕ್ಕಾದ ಅವಮಾನ ಎಂದು ಪರಿಗಣಿಸುತ್ತೇವಾ?” – ಲೇಖಕರ  ಈ ಪ್ರಶ್ನೆಯಂತೂ ಬಹಳ ಅರ್ಥಪೂರ್ಣವಾಗಿದೆ. ಲೇಖನದ ಜೊತೆಗೆ ಲೇಖಕರ ಹೆಸರೇ ಇಲ್ಲ!

6 thoughts on “ಶಿಲ್ಪಾ ಶೆಟ್ಟಿ ಮಾನ – ದೇಶದ ಅವಮಾನ?”

  1. shreeni says:

    ನಾನೂ ವೇಣಿಯಿಂದ ಈ ವಾರ್ತೆಕೇಳಿ “Usual Indian over-sensitivity” ಅಂದುಕೊಂಡು ಸುಮ್ಮನಾದೆ. ಕನ್ನಡಪ್ರಭ ಓದಿದಮೇಲಂತೂ ಕುತೂಹಲದಿಂದ ನನ್ನ favorite torrent siteಗೆ ಹೋಗಿ ೪ ಕಂತುಗಳನ್ನು downloaಡಾಯಿಸಿದೆ. Jane Goody ಯಾಡಿದ ಪ್ರತೀ ಮಾತಿನಲ್ಲೂ ಆವಳ racial undertones ಎದ್ದು ಕಾಣುತ್ತಿತ್ತು. ಉದಾ ” I dont want to eat anything served by that bitch, who knows where are all those hands have been ? ” ” Can she cook anything otherthan besides nasty brown things ?” “this bitch wants to be white” “she bleached her facial hair” …

    ಬರೀ ಜೇನ್ ಗುಡ್ಡೀ ಮಾತ್ರವಲ್ಲದೆ ಅವಳ ಸ್ನೇಹಿತರೂ ಕೂಡ ಇದೇ ರೀತಿ ಮಾತಾಡಿದ್ದಾರೆ.

    Danielle Lloyd: “I think she should f**k off home.”

    ಹಲವಾರು ಬ್ರಿಟಿಷ್ ದಿನಪತ್ರಿಕೆಗಳು ಕೂಡ ಇದನ್ನು front-page ನ್ಯೂಸನ್ನಾಗಿಸಿತು.

    The Big Brother race row shows an “ugly underbelly in society only too ready to point the finger at the foreigner”, the Archbishop of York has said. ( http://news.bbc.co.uk/1/hi/england/north_yorkshire/6282665.stm).

    ಇದರ timing ಕೂಡ ಬ್ರಿಟಿಷರಿಗೆ ಮುಜುಗರ ತರುವಂತಹ ಸಮಯವೂ ಅಗಿದೆ, ಕಾರಣ ಮುಂದಿನ ಪ್ರಧಾನಿಯಾಗುವ ಮಹದಾಸೆಹೊಂದಿರುವ ಗಾರ್ಡನ್ ಬ್ರೌನ್ ಭಾರತ ಪ್ರವಾಸದಲ್ಲಿದ್ದರು. ಈ ಗಲಾಟೆ ಶುರುವಾಗುವ ಮುಂಚೆಯೇ UKಯನ್ನು “as a country of fairness and tolerance” ಎಂದು ಘೋಷಿಸಿದ್ದರೂ ಕೂಡ  😀

    ಇದೆಲ್ಲದರಿಂದ ನಮ್ಮ ಭಾರತದ ಮರ್ಯಾದೆಗೇನೂ ಕುಂದಾಗಲಿಲ್ಲವಾದರೂ, ಭಾರತ ಒಂದೇ ಅಲ್ಲದೇ ಬೇರೆ ಯಾವುದೇ ದೇಶದ ಬಿಳಿಯರಲ್ಲದ ಜನರ ಬಗ್ಗೆ ಬಿಳಿಯರ ಧೋರಣೆ ಹೇಗಿದೆ ಎಂಬುದನ್ನು ಚಿತ್ರಿಸುತ್ತದೆ. ಇದು ಚ್ಯಾನೆಲ್ ೪ ನ ಧೋರಣೆಯೂ ಹೌದೊ ಅಲ್ಲವೋ ಗೊತ್ತಿಲ್ಲ.  ಆದರೆ UK Regulator Ofcom ಗಂತೂ ೭೩,೬೭೬ complaints ಬಂದು, ಇಬ್ಬರು ಪ್ರತಿಷ್ಟಿತ sponsorsಗಳನ್ನು ಚ್ಯಾನೆಲ್ ೪ ಕಳೆದು ಕೊಂಡಿತು.

    ಇಷ್ಟೆಲ್ಲಾ ರಾದ್ಧಾಂತವಾದರೂ ನಮ್ಮ ಕನ್ನಡಪ್ರಭದವರು “ದೆಹಲಿಯಲ್ಲಿ ಅಡ್ದಾಡುವ ಬೆಂಗಳೂರಿನ ಯುವಕನನ್ನು ತಲೆತಿರುಕನೊಬ್ಬ “ಮದ್ರಾಸೀ”… ” ಅಂಥ ನಾಲ್ಕು ಸಾಲು ಗೀಚಿರುವುದು ನಿಜಕ್ಕೂ ಶೋಚನೀಯ.

    ಶಿಲ್ಪಾ ಶೆಟ್ಟಿಗೆ ಈ show ಕೊಡುತ್ತಿರುವ ಮೊತ್ತ 630,000 USD ( 370,000 Pounds ). ಈ ಮೊತ್ತದ ಮುಂದೆ ‘ಮಾನ’ ನಿಲ್ಲುವುದು ಅನುಮಾನ..

  2. Shiv says:

    ಕನ್ನಡಪ್ರಭದ ಲೇಖನದ ಅಭಿಪ್ರಾಯ ಸ್ವಾಗತಾರ್ಹ.

    ಇದೊಂದು ನಿಜಕ್ಕೂ overreactive ಘಟನೆ.
    ಶಿಲ್ಪಾ ಆ ಶೋ ಗೆ ಹೋಗಿದ್ದು ತನ್ನ ಸ್ವಂತ ಆಸಕ್ತಿಯಿಂದ, ದುಡ್ಡು ಸಂಪಾದಿಸಲು..ಅದು ಅವಳ ಜೀವನ ಅವಳೇನಾದರೂ ಹಾಳು ಮಾಡಕೊಳ್ಳಿ..

    ನಂತರ ಅವಳನ್ನು ನಿಂದಿಸಿದ್ದು ..ಅದು ಸಹ ಖಂಡನೀಯ..
    ಆದರೆ ನಂತರದ ಎಲ್ಲಾ ಪ್ರತಿಕ್ರಿಯೆ ನಿಜಕ್ಕೂ ಆಶ್ಚರ್ಯಕರವಾಗಿದ್ದವು.
    ಬಾಲಿವುಡ್ ಅಂದರೆ ಭಾರತವಲ್ಲ..ಅಲ್ಲಿನ ನಟ-ನಟಿಯರು ಭಾರತದ ಪ್ರತಿನಿಧಿಗಳಂತು ಅಲ್ಲವೇ ಅಲ್ಲ..

    ಕೊನೆ ಮಾತು..ಶಿಲ್ಪಾ ನಿಂದನೆ ಪ್ರಕರಣದ ನಂತರ ಚಾನಲ್ ೪ ಕ್ಕೆ ಸಿಕ್ಕಾಪಟ್ಟೆ viewership ಸಿಕ್ಕಿದೆ ಅಂತೆ..ಬಹುಷಃ ಶಿಲ್ಪಾ ಆ ಕಾರ್ಯಕ್ರಮದಲ್ಲಿ ಗೆಲ್ಲುವ ಸಾಧ್ಯತೆ ಹೆಚ್ಚಿದೆ ಅಂತೆ .

  3. sritri says:

    ಶ್ರೀನಿ ಮತ್ತು ಶಿವು,

    ನಿಮ್ಮ ಅನಿಸಿಕೆಯನ್ನು ಹಂಚಿಕೊಂಡಿದ್ದಕ್ಕೆ ಧನ್ಯವಾದಗಳು. ಶ್ರೀನಿ, ಘಟನೆಯ ವಿವರವನ್ನು ಎಳೆ ಎಳೆಯಾಗಿ ಇಲ್ಲಿ ಬಿಡಿಸಿಟ್ಟಿದ್ದಕ್ಕೆ ವಿಶೇಷ ಧನ್ಯವಾದ 🙂

    ನಿಜವಾಗಿಯೂ ಈ ಪ್ರಕರಣದಿಂದ ದೇಶಕ್ಕೆ ಅವಮಾನವಾಗಿದ್ದರೆ ಅದೊಂದು ದುಃಖದ,ದುರದೃಷ್ಟದ ಸಂಗತಿ. ಯಾರಿಂದಲೂ ನಮ್ಮ ದೇಶಕ್ಕೆ ಮಾನ ಬರದಿದ್ದರೆ ಬೇಡ,ಅವಮಾನವಾಗುವುದಂತೂ ಬೇಡವೇ ಬೇಡ!!

    ದುಡ್ಡಿನಾಸೆಗೆ ಎಂತಹ ಚಿತ್ರಗಳಿಗಾದರೂ ಸಹಿ ಹಾಕುವ, ಯಾವುದೇ ಉತ್ಪನ್ನಕ್ಕಾದರೂ ರೂಪದರ್ಶಿಗಳಾಗಲು ಒಪ್ಪುವ ನಮ್ಮ ತಾರೆಯರು ಈ ಘಟನೆಯಿಂದ ಏನಾದರೂ ಕಲಿಯುತ್ತಾರೋ ನೋಡಬೇಕು.

  4. ‘ಮೂರೂ ಬಿಟ್ಟವರು ಊರಿಗೆ ದೊಡ್ಡವರು’ ಅನ್ನೋ ಗಾದೆ ಮಾತು ಸುಳ್ಳಾಗಿಲ್ಲ ಬಿಡಿ. ಹತ್ತಿರ ಹತ್ತಿರ ಮೂರು ಕೋಟಿ ರೂ ಸಂಪಾದಿಸುತ್ತಿರುವ ಈ ನಟಿಗೆ ಇದ್ಯಾವ ಮೂಲೆ. ಇದೊಂಥರ ಪ್ರಚಾರ ಅನ್ನಿಸತ್ತೆ. ಮಾಡಿರೋದೇ ಮಾನಗೆಟ್ಟ ಕೆಲಸ(ಬಿಗ್ ಬ್ರದರ್ ಕಾನ್ಸೆಪ್ಟ್ ಬಗ್ಗೆ ನೋಡಿ) ಇದ್ರಲ್ಲಿ ಮಾನ ಹೋಯ್ತೂ ಅಂತ ಆ ಯಮ್ಮನ ಜೊತೆಗೆ ಇಡೀ ದೇಶಾನೇ ಬೊಂಬ್ಡಿ ಹೊಡೀತಿರೋದು ನೋಡಿ ಅಳಬೇಕೋ ನಗಬೇಕೋ ಗೊತ್ತಾಗ್ತಿಲ್ಲ.

  5. ಜ್ಯೋತಿ says:

    ಶಿಲ್ಪಾ ಒಬ್ಬ ನಟಿ, ನಟಿಸೋದು ಅವಳ ವೃತ್ತಿ ಧರ್ಮ. ಅದಕ್ಕಾಗಿ ಅವಳು ೩ ಕೋಟಿಯಲ್ಲ ಎಷ್ಟೇ ತೆಗೆದುಕೊಂಡರೂ ನಮಗೇನು? ಕೊಡುವವರಿದ್ದಾರೆ. `ಬಿಗ್-ಬ್ರದರ್ಸ್’ ಕಾರ್ಯಕ್ರಮದಲ್ಲಿ ನಡೆಯುತ್ತಿರುವುದು ನಟನೆ ಅನ್ನುವುದನ್ನು ನಾವು ಗಮನದಲ್ಲಿ ಇರಿಸಬೇಕು. ಶಿಲ್ಪಾ ಮಾನಗೆಟ್ಟವಳು, ಈ ಸಣ್ಣ ಮಾತುಗಳಿಗೆ ಅಳೋದು ಸರಿಯಲ್ಲ ಅನ್ನುವ ಭಾವನೆಗಳು ಇಲ್ಲಿ ಬಂದುದರಿಂದ ಹೀಗೆ ಹೇಳಿದೆ. ಯಾರನ್ನೇ ಆಗಲಿ, ನಿನ್ನ ಹೆಸರು ಸರಿಯಿಲ್ಲ, ನಿನಗೆ ಇಂಗ್ಲೀಷ್ (ನಮ್ಮಂತೆ) ಮಾತಾಡಲು ಬರೋದಿಲ್ಲ, ನೀನು (ಬೇರೆ ದೇಶದ ಪ್ರಜೆಯಾದ್ದರಿಂದ) ಕೊಳಕ/ಕೊಳಕಿ ಎಂದು ಅಲ್ಲ-ಸಲ್ಲದ್ದನ್ನು ಅಂದರೆ ಅದು ವ್ಯಕ್ತಿಗೆ ಅವಮಾನವೇ ಹೌದು. ಆದರೆ ದೇಶಕ್ಕಲ್ಲ. ಅದರಲ್ಲೂ, ಆಕೆ ಭಾರತೀಯಳು ಅನ್ನುವ ಕಾರಣಕ್ಕಾಗಿ, ಇಲ್ಲಿ ಭಾರತೀಯತೆಗೂ ಅವಮಾನವಾಗಿದೆ, ಒಪ್ಪಿಕೊಳ್ಳೋಣ. ಇದಕ್ಕೆ ಆಂಗ್ಲರೆಲ್ಲರೂ ಜವಾಬ್ದಾರರಲ್ಲ, ಆ ಟೀವಿ ಚಾನೆಲ್ ಮತ್ತು ಇತರ ನಟಿಯರು ಜವಾಬ್ದಾರರು. ಸುಪ್ರಸಿದ್ಧ ನಟಿಯೆಂಬ ಮಾತ್ರಕ್ಕೆ ಇನ್ನೊಬ್ಬ ನಟಿಯನ್ನು ಹೀಗಳೆಯಲು ಅವರಿಗೆ ಹಕ್ಕಿಲ್ಲ.

    ಇಷ್ಟಕ್ಕೂ ಶಿಲ್ಪಾ ತನ್ನ ದೂರನ್ನು ಹಿಂತೆಗೆದುಕೊಂಡಿದ್ದಾರೆ, ಯಾಕಂತೆ?

  6. sritri says:

    ಮೀರಾ,ಜ್ಯೋತಿ ಅನಿಸಿಕೆಗಳಿಗೆ ಧನ್ಯವಾದಗಳು.

    ” ಇಷ್ಟಕ್ಕೂ ಶಿಲ್ಪಾ ತನ್ನ ದೂರನ್ನು ಹಿಂತೆಗೆದುಕೊಂಡಿದ್ದಾರೆ, ಯಾಕಂತೆ? ” –
    ಜ್ಯೋತಿ, ನಿನ್ನ ಈ ಪ್ರಶ್ನೆಗೆ ಶ್ರೀನಿ ಪೋಸ್ಟಿನಲ್ಲಿ ಉತ್ತರವಿದೆ. –

    “ಶಿಲ್ಪಾ ಶೆಟ್ಟಿಗೆ ಈ show ಕೊಡುತ್ತಿರುವ ಮೊತ್ತ 630,000 USD ( 370,000 Pounds ). ಈ ಮೊತ್ತದ ಮುಂದೆ ‘ಮಾನ’ ನಿಲ್ಲುವುದು ಅನುಮಾನ.. “

    ಅಥವಾ, ಬೇರೇನಾದರೂ ಕಾರಣಗಳಿದ್ದರೆ ಅದು ಶಿಲ್ಪಾ ಅವರಿಂದಲೇ ಬಹಿರಂಗಗೊಳ್ಳಬೇಕಿದೆ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Related Posts

`ಕರುಣಿಸೋ ರಂಗಾ!’ – ಇಂಥ ಇನ್ನಷ್ಟು ಸಂತಸಗಳ ಈ ಬಾಳಿಗೆ!`ಕರುಣಿಸೋ ರಂಗಾ!’ – ಇಂಥ ಇನ್ನಷ್ಟು ಸಂತಸಗಳ ಈ ಬಾಳಿಗೆ!

ನಿನ್ನೆ, ಜುಲೈ, ಹದಿಮೂರರ ಸಂಜೆ, ಅರೋರಾದ ಬಾಲಾಜಿ ದೇವಸ್ಥಾನದಲ್ಲಿ, ವಿದ್ಯಾರಣ್ಯ ಕನ್ನಡಕೂಟದ ವಾರ್ಷಿಕ ‘ದಾಸ ದಿನ’ ಆಚರಣೆಯ ಪ್ರಯುಕ್ತ ಗಾಯಕ ಶ್ರೀನಿವಾಸ ಜೋಷಿಯವರ ಸಂಗೀತ ಕಾರ್ಯಕ್ರಮವಿತ್ತು. ಪಂಡಿತ ಭೀಮಸೇನ ಜೋಷಿಯವರ ಮಗನೂ, ಶಿಷ್ಯನೂ ಆದ ಶ್ರೀನಿವಾಸ ಜೋಷಿಯವರು ಹಾಡುತ್ತಿದ್ದರು. ತಂದೆಯನ್ನು ನೆನಪಿಸುವ

ಮಗುವಿಗೊಂದು ಮಗು!ಮಗುವಿಗೊಂದು ಮಗು!

ಕಳೆದ ಭಾನುವಾರ ಯಾವುದೋ ಶಾಪಿಂಗ್ ಮಾಲಿನಲ್ಲಿದ್ದೆವು. ಇದ್ದಕ್ಕಿದ್ದಂತೆ ನಮ್ಮಿಂದ ಸ್ವಲ್ಪ ದೂರದಲ್ಲಿ ಸ್ಟ್ರೋಲರಿನಲ್ಲಿ ಮಲಗಿದ್ದ ಮಗುವೊಂದು ರಚ್ಚೆ ಹಿಡಿದು ಅಳತೊಡಗಿತು. ಅದರ ಜೊತೆಗೆ ಇದ್ದ ಹೆಂಗಸು ಅದನ್ನು ಸಮಾಧಾನಿಸಲು ಇನ್ನಿಲ್ಲದ ಪ್ರಯತ್ನ ಮಾಡುತ್ತಿದ್ದಳು. ಆ ಮಗು ಅವಳ ಉಪಾಯಗಳೊಂದಕ್ಕೂ ಜಪ್ಪೆನ್ನದೆ ಉಸಿರುಗಟ್ಟಿಕೊಂಡು

ಮಾತಾಡ್ ಮಾತಾಡ್ ಮಲ್ಲಿಗೆ!ಮಾತಾಡ್ ಮಾತಾಡ್ ಮಲ್ಲಿಗೆ!

ಪ್ರಪಂಚಾದ್ಯಂತ ಇರುವ ಜನರು ‘ಹಣ ಉಳಿಸುವುದು ಹೇಗೆ?’, ‘ಇರುವ ಹಣವನ್ನು ಕಳೆಯದೆ ಬೆಳೆಸುವುದು ಹೇಗೆ?’ ‘ಮೈ ಕರಗಿಸುವುದು ಹೇಗೆ?’, ‘ದಷ್ಟಪುಷ್ಟ ಮೈ ಬೆಳೆಸುವುದು ಹೇಗೆ?’, ‘ಸಂತೆಯಲ್ಲಿ ಕುಂತರೂ ಏಕಾಂತ ಸಾಧಿಸುವುದು ಹೇಗೆ?’, ‘ಯೋಗ ಕಲಿಯುವುದು ಹೇಗೆ?’, ‘ಓದುವುದು ಹೇಗೆ?’, ‘ಓದಿದ್ದನ್ನು ಮರೆಯದೆ