ಉದಯ ಟಿವಿ ಮತ್ತು someವೇದನೆ

ಉದಯ ಟಿವಿ ವೀಕ್ಷಕರಿಗೆ ಎರಡು ಸಂತೋಷದ ಸುದ್ದಿಗಳಿವೆ.ಉದಯ ಟಿವಿಯಲ್ಲಿ ಕೊನೆಗೂ “ಸಂವೇದನೆ” ಎಂಬ ಒಂದು ಉತ್ತಮ ಕಾರ್ಯಕ್ರಮ ಪ್ರಾರಂಭವಾಗಿದೆ. ಈ ಹಿಂದೆ ಶೈಲಜಾ ಸಂತೋಷ್ ನಡೆಸಿಕೊಡುತ್ತಿದ್ದ “ಪರಿಚಯ” ಕಾರ್ಯಕ್ರಮದ ಮಾದರಿಯದು. ಈ ಬಾರಿ ಇದನ್ನು ಈಶ್ವರ ದೈತೋಟ ನಡೆಸಿಕೊಡುತ್ತಿದ್ದಾರೆ. ಶೈಲಜಾ ಸಂತೋಷ್ ಸಾವಿರಕ್ಕೂ ಹೆಚ್ಚು ಕಂತುಗಳಲ್ಲಿ ಬಹಳಷ್ಟು ಪ್ರಮುಖರನ್ನು ಮಾತಾಡಿಸಿರುವುದರಿಂದ ದೈತೋಟರ ಕೆಲಸ ಕಷ್ಟವಿದೆ. ಈವರೆಗೆ ಬಂದ ಅತಿಥಿಗಳಲ್ಲಿ ಅಂತಹ ಆಸಕ್ತಿ ಮೂಡಿಸುವವರಾರು (ನನಗೆ) ಇರಲಿಲ್ಲ. ಎಷ್ಟು ದಿನ ಮುಂದುವರೆಯುತ್ತದೋ ನೋಡಬೇಕು. ಮುನ್ನೋಟದಲ್ಲಿ ಎಸ್. ಎಲ್. ಭೈರಪ್ಪನವರು ಕಾಣಿಸಿಕೊಳ್ಳುವುದರಿಂದ ಆ ದಿನಕ್ಕಾಗಿ ನಿರೀಕ್ಷಿಸುತ್ತಿದ್ದೇನೆ.

ಇನ್ನೊಂದು: ನಾಗಾಭರಣ ನಿರ್ದೇಶನದ “ಅಪ್ಪ” ಧಾರಾವಾಹಿ ಅರ್ಧದಲ್ಲೇ ಎತ್ತಂಗಡಿಯಾಗಿರುವುದು! ಈ ಧಾರಾವಾಹಿ ನೋಡಿದಾಗಲೆಲ್ಲಾ “ಒಳ್ಳೆಯವರ ಮಾನ ಹಳ್ಳಿಯಲ್ಲಿ ಹೋಯಿತು” ಎಂಬ ಗಾದೆಮಾತಿನಂತೆ, ನಾಗಾಭರಣರು ಹಿರಿತೆರೆಯಲ್ಲಿ ಪಡೆದುಕೊಂಡ ಹೆಸರನ್ನು ಕಿರುತೆರೆಯಲ್ಲಿ ಅನ್ಯಾಯವಾಗಿ ಕಳೆದುಕೊಳ್ಳುತ್ತಿದ್ದಾರಲ್ಲ ಎಂದು ಮಮ್ಮಲ ಮರುಗುತ್ತಿದ್ದೆ. ಈ ಹಿಂದೆ ಪ್ರಸಾರವಾಗುತ್ತಿದ್ದ “ಮಹಾಮಾಯೆ” ಎಂಬ ಮಾಟ-ಮಂತ್ರದ ಧಾರಾವಾಹಿ ಕೂಡ ಹಾಗೆಯೇ ಇತ್ತು.

ಕೆಲವು ದಿನಗಳ ಹಿಂದೆ ಅಂತರಂಗದಲ್ಲಿ – “ಸಣ್ಣಪುಟ್ಟ ನಿರ್ದೇಶಕರಿರಲಿ, ನಾಗಾಭರಣರಂತಹ ಉತ್ತಮ ನಿರ್ದೇಶಕರಿಗೇನಾಗಿದೆ? ಏಕ್ತಾ ಕಪೂರ್…ಇತ್ಯಾದಿಗಳೇ ವಾಸಿ, ಅವರು ಕೊನೆ ಪಕ್ಷ ಕಥೆಯನ್ನು ಬಬಲ್ ಗಮ್ಮಿನಂತೆ ಎಳೆದರೆ ಇವರಿಗೆ ಆ ಕಷ್ಟವೂ ಬೇಕಿಲ್ಲ. ನಾಗಾಭರಣರ “ಅಪ್ಪ” ಧಾರಾವಾಹಿಯಲ್ಲಿ ಎಪಿಸೋಡ್ ಪೂರ್ತಿ ಹಿಂದಿನ ಕಥೆಯನ್ನೇ ತೋರಿಸುತ್ತಾರೆ. (ಫ್ಲಾಷ್ ಬ್ಯಾಕ್ ತರ- ಒಂದೋ ಎರಡು ದೃಶ್ಯ ತೋರಿಸುವ ಬದಲು) ಧಾರಾವಾಹಿ ಸಾವಿರ ಕಂತಿಗೆ ಎಳೆಯಲು ಈ ಹೊಸ ತಂತ್ರ ಅನುಸರಿಸುತ್ತಿರಬಹುದು!” – ಎಂದು ನಾನು ಅಲವತ್ತುಕೊಂಡಿದ್ದು ಉದಯ ಟಿವಿ ನಿರ್ದೇಶರಿಗೇನಾದರೂ ಕೇಳಿಸಿತಾ? 🙂

ಏನೋ, ಉದಯ ಟಿವಿಯಲ್ಲಿ ಹೇಳೋರ್ ಕೇಳೋರ್ ಯಾರೋ ಇದಾರೆ ಅಂತ ಆಯಿತು!

2 thoughts on “ಉದಯ ಟಿವಿ ಮತ್ತು someವೇದನೆ”

  1. ಇದು ಉದಯ ಟಿವಿ ಬಗೆಗಿನ ಲೇಖನದ ಕಾಮೆಂಟ್… ಕೆಳಗೆ ಸಾರಿ ಕೇಳ್ತಾ ಇದ್ದುದರಿಂದಾಗಿ ಇಲ್ಲಿ ಹಾಕಿ ಪ್ರಯತ್ನಿಸುತ್ತಿದ್ದೇನೆ… ಒಳಗೆ ಸೇರಿಕೊಂಡರೆ ಸರಿ… ಇಲ್ಲದಿದ್ರೆ…. 🙂

    ಅಬ್ಬಾ…. ಉದಯ ಟಿವಿಯನ್ನು ನೀವು ಇನ್ನೂ ನೋಡ್ತಾ ಇದ್ದೀರಾ…
    ನಾನು ಅದನ್ನು ಮರೆತೇ ಬಿಟ್ಟಿದ್ದೀನಿ… ಇರಲಿ ಒಳ್ಳೆ ಕಾರ್ಯಕ್ರಮ ಅಂತ ಹೇಳಿದ್ದೀರಿ… ಅದರ Some ವೇದನೆಯನ್ನು ನೋಡಬಹುದು…

    ಅದಿರಲಿ… ಇಲ್ಲಿ ಕಾಮೆಂಟ್ ಮಾಡಲು ಬಂದ್ರೆ, ರಾಮನ ಪತ್ನಿ ಸೀತೆ ಗಂಡ ಯಾರು ಅಂತ ನಿಮ್ಮ ತುಳಸೀವನ ಕೇಳ್ತಾ ಇದೆಯಲ್ಲಾ….
    ನಿಮಗೆ ಗೊತ್ತಿಲ್ಲ. ತಿಳಿಹೇಳುವುದು ನನ್ನ ಕರ್ತವ್ಯ ಅಂತ ಉತ್ತರಿಸಿದ್ದೇನೆ…ನಮ್ಮ ಉತ್ತರ ತಪ್ಪು ಎಂದಾದರೆ ದಯವಿಟ್ಟು ಕ್ಷಮಿಸಿ. 🙂

  2. sritri says:

    “ಇರಲಿ ಒಳ್ಳೆ ಕಾರ್ಯಕ್ರಮ ಅಂತ ಹೇಳಿದ್ದೀರಿ… ಅದರ Some ವೇದನೆಯನ್ನು ನೋಡಬಹುದು…”

    ಅನ್ವೇಷಿಗಳೇ, ಈ ಕಾರ್ಯಕ್ರಮ ಚೆನ್ನಾಗಿದೆ. ನಿಮಗೆ ಇಷ್ಟವಾಗದಿದ್ದರೆ ಅದಕ್ಕೆ ನಾನು ಹೊಣೆಯಲ್ಲ!

    “ಇಲ್ಲಿ ಕಾಮೆಂಟ್ ಮಾಡಲು ಬಂದ್ರೆ, ರಾಮನ ಪತ್ನಿ ಸೀತೆ ಗಂಡ ಯಾರು ಅಂತ ನಿಮ್ಮ ತುಳಸೀವನ ಕೇಳ್ತಾ ಇದೆಯಲ್ಲಾ….
    ನಿಮಗೆ ಗೊತ್ತಿಲ್ಲ. ತಿಳಿಹೇಳುವುದು ನನ್ನ ಕರ್ತವ್ಯ ಅಂತ ಉತ್ತರಿಸಿದ್ದೇನೆ…ನಮ್ಮ ಉತ್ತರ ತಪ್ಪು ಎಂದಾದರೆ ದಯವಿಟ್ಟು ಕ್ಷಮಿಸಿ. ”

    – ಇದೊಂದೇ ಅಲ್ಲ, ಇದೇ ರೀತಿಯ ಇನ್ನೂ ಕೆಲವು ಕಠಿಣ ಪ್ರಶ್ನೆಗಳನ್ನು ಕೇಳಿ ನಿಮ್ಮ ಪಾಂಡಿತ್ಯವನ್ನು ಪರೀಕ್ಷಿಸಲಾಗುತ್ತದೆ. ನನಗೆ ಸರಿ ಉತ್ತರ ತಿಳಿದಿಲ್ಲವಾದ್ದರಿಂದ ನಾನು ಉತ್ತರಿಸುವುದೇ ಇಲ್ಲ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Related Posts

ಕಿರುತೆರೆ – ಕಿರಿಕಿರಿಕಿರುತೆರೆ – ಕಿರಿಕಿರಿ

“ಧಾರಾವಾಹಿ ನಿರ್ದೇಶಕರು, ಒಬ್ಬ ವ್ಯಕ್ತಿಗೆ ಕನಿಷ್ಠ ಇಬ್ಬರು ಹೆಂಡಿರಿಲ್ಲದ ಕಣ್ಣೀರ-ಧಾರಾವಾಹಿಯನ್ನು ನಿರ್ಮಿಸುವುದು ಅಸಾಧ್ಯವಾಗಿದೆ ಎಂದು ತಪ್ಪೊಪ್ಪಿಕೊಂಡಿದ್ದಾರೆ ಮಾತ್ರವಲ್ಲದೆ, ರಬ್ಬರ್ ಕಂಪನಿಗಳು ತಮ್ಮನ್ನು ಹುಡುಕುತ್ತಿವೆ ಎಂಬ ಸುದ್ದಿ ಸುಳ್ಳು, ನಾವೇ ರಬ್ಬರ್ ಕಂಪನಿಗಳನ್ನು ಹುಡುಕುತ್ತಿದ್ದು, ಅತ್ಯುತ್ತಮ ರಬ್ಬರ್ ಯಾವುದು ಮತ್ತು ಅದನ್ನು ಯಾವ ರೀತಿ ಎಳೆಯಬಹುದು

ಹೆಸರುಬೇಳೆಗೆ ಈ ಹೆಸರೇಕೆ?ಹೆಸರುಬೇಳೆಗೆ ಈ ಹೆಸರೇಕೆ?

ಮೇಲೇರಿದ್ದ ಬೇಳೆಗಳ ಬೆಲೆ ಕೆಳಗಿಳಿಯುತ್ತಾ  ಇದೆ. ಈ ಬಾರಿ ಸಮಸ್ಯೆ ಬಿಸಿಬೇಳೆ ಬಾತಿಗೆ ಬೇಕಾದ ತೊಗರಿಬೇಳೆಯದಲ್ಲ. ಹೆಸರುಬೇಳೆಯದು.   ಸುಮ್ಮನೆ ಯೋಚಿಸುತ್ತಿದ್ದೆ .. ಬೇರೆ ಕೆಲಸವಿಲ್ಲದೆ ಅಲ್ಲ 🙂  ಹೆಸರುಬೇಳೆಯ ಹೆಸರು ಮೊದಲು ಹಸಿರುಬೇಳೆ ಎಂದು ಇದ್ದಿರಬಹುದಲ್ಲವೇ? ಏಕೆಂದರೆ ಹೆಸರುಕಾಳಿನ ಬಣ್ಣ ಹಸಿರು.  englishನಲ್ಲಿಯೂ green gram

ರಾಮ ರಾಮ ಎಂಬೆರಡಕ್ಷರರಾಮ ರಾಮ ಎಂಬೆರಡಕ್ಷರ

ರಾಗ – ಧನ್ಯಾಸಿ ತಾಳ – ಆದಿ ರಾಮ ರಾಮ ಎಂಬೆರಡಕ್ಷರ ಪ್ರೇಮದಿ ಸಲಹಿತು ಸುಜನರನು ||ಪಲ್ಲವಿ|| ಹಾಲಾಹಲವನು ಪಾನವ ಮಾಡಿದ| ಫಾಲಲೋಚನನೆ ಬಲ್ಲವನು || ಆಲಾಪಿಸುತ ಶಿಲೆಯಾಗಿದ್ದ | ಬಾಲೆ ಅಹಲ್ಯೆಯ ಕೇಳೇನು ||೧|| ಅಂಜಿಕೆ ಇಲ್ಲದೆ ಗಿರಿ ಸಾರಿದ