ಮೌರಜಮೋದೆ – ಡಿವಿಜಿ

ಕವಿ – ಡಿವಿಜಿ -ಅಂತಃಪುರ ಗೀತೆಗಳು
ಗಾಯಕಿ: ರತ್ನಮಾಲಾ ಪ್ರಕಾಶ್

ಹಾಡು ಕೇಳಿ

ಏನೀ ಮಹಾನಂದವೇ – ಓ ಭಾಮಿನೀ |
ಏನೀ ಸಂಭ್ರಮದಂದವೇ – ಬಲ್ಚಂದವೇ ||ಪ||

ಏನೀ ನೃತ್ತಾಮೋದ – ಏನೀ ಮೌರಜನಾದ |
ಏನೀ ಜೀವೋನ್ಮಾದ-ವೇನೀ ವಿನೋದ || ಅ.ಪ||

ಢಕ್ಕೆಯ ಶಿರಕೆತ್ತಿ – ತಾಳಗೋಲಿಂ ತಟ್ಟಿ |
ತಕ್ಕಿಟ ಧಿಮಿಕಿಟ – ತಕಝಣುರೆನಿಸಿ ||
ಕುಕ್ಕುತೆ ಚರಣವ – ಕುಲುಕುತೆ ಕಾಯವ |
ಸೊಕ್ಕಿದ ಕುಣಿತವ – ಕುಣಿವೆ ನೀನೆಲೆ ಬಾಲೆ ||೧||

ಆರೋ ನಿನ್ನಯ ಹೃದಾ-ಗಾರದಿ ನರ್ತಿಸಿ|
ಮಾರ ಶೂರತೆಯ ಪ್ರ-ಚಾರಿಸುತಿರ್ಪನ್ ||
ಸ್ಮೇರವದನ ನಮ್ಮ – ಚೆನ್ನಕೇಶವರಾಯ- |
ನೋರೆಗಣ್ಣಿಂ ಸನ್ನೆ – ತೋರುತಲಿಹನೇನೆ ||೨||

***

6 thoughts on “ಮೌರಜಮೋದೆ – ಡಿವಿಜಿ”

  1. sunaath says:

    ಮೌರಜಮೋದೆಯ ನರ್ತನವು ಪಲ್ಲ, ಅನುಪಲ್ಲ ಹಾಗು ಮೊದಲನೆಯ
    ಸ್ಟಾಂಜ್ಹಾಗಳಲ್ಲಿ ನನ್ನನ್ನು ನಲಿಸಿತು. ಆದರೆ ಎರಡನೆಯ ಸ್ಟಾಂಜ್ಹಾದ ಎರಡನೆಯ ಸಾಲಿನಲ್ಲಿ “ಮಾರ-ಶೂರತೆಯ ಪ್ರ-ಚಾರಿಸುತಿರ್ಪನ್” ಎನ್ನುವ ಸಾಲಿನಿಂದ ಬೇಸರವಾಯಿತು. ಎಲ್ಲ ನರ್ತನಗಳೂ “ಮಾರಲೀಲೆ”ಗೇ ಮೀಸಲಾಗಬೇಕೆ?

  2. kaaloo says:

    ಏನೇ ಇರ್ಲಿ, ಹಾಡು ಕೇಳಿ ’ಹೃದಾ-ಗಾರ’ ಅನ್ನೋ ಪದ ಕಲ್ಪನೆಗೇ ಬಂದಿರಲಿಲ್ಲ…ನಮ್ಮ ಕನ್ನಡ ಪದಸಂಪತ್ತೂ ಅನ್ನೋದು ಬಿಸಿಲಲ್ಲಿ ಬೇಯ್ತಾ ಇರೋ ಮಂಜುಗಡ್ಡೇ ಆಗಿದೆಯೋ ಹೇಗೆ? 🙂

    ಯಾಕ್ ಮೆಡಮ್ ಏನೂ ಬರೆದಿಲ್ಲಾ ಕೆಲವು ದಿನಗಳಿಂದಾ?

  3. kaaloo says:

    ’ಡಕ್ಕೆ’ಯನ್ನು ’ಢಕ್ಕೆ’ಯಾಗಿಸಿ ಃ-)

  4. sritri says:

    “ಎಲ್ಲ ನರ್ತನಗಳೂ “ಮಾರಲೀಲೆ”ಗೇ ಮೀಸಲಾಗಬೇಕೆ?”

    – ಸುನಾಥರೇ, ಎಲ್ಲ ನರ್ತನಗಳೂ ಮಾರಲೀಲೆಗೆ ಮೀಸಲಾಗಬೇಕಿಲ್ಲ. ನೃತ್ಯ ಭಕ್ತಿಯ ಸಾಧನವೂ ಹೌದು. ಆದರೆ ಈ ಕವನ ಸಂಕಲನದ ಹೆಸರೇ “ಅಂತಃಪುರ ಗೀತೆಗಳು”. ಶಿಲಾಬಾಲಿಕೆಯರಿಂದ ತುಂಬಿರುವ ದೇವಾಲಯವನ್ನು ಗುಂಡಪ್ಪನವರು ಬಣ್ಣಿಸುವುದು ಹೀಗೆ – “ವಾಸವನೋಲಗಕಿಂತಿದು ಮಿಗಿಲಂತೆ, ಕೇಶವರಾಜೇಂದ್ರನಂತ:ಪುರವಿದಂತೆ!”

  5. sritri says:

    ಯಾಕ್ ಮೆಡಮ್ ಏನೂ ಬರೆದಿಲ್ಲಾ ಕೆಲವು ದಿನಗಳಿಂದಾ?

    ಬರೆಯೋದಿಕ್ಕೆ ಬೇಜಾರು. ಸುಮ್ಮನೆ ಓದಿಕೊಂಡಿರೋದೆ ಸುಖ ಅನ್ನಿಸುತ್ತಿದೆ 🙂

    ’ಡಕ್ಕೆ’ಯನ್ನು ’ಢಕ್ಕೆ’ಯಾಗಿಸಿ –

    – ಆಗಿದೆ. ಧನ್ಯವಾದ.

  6. ಇದು ನನ್ನ ಮೆಚ್ಚಿನ ಹಾಡು ಸಾಹಿತ್ಯಕ್ಕೆ ರಾಗವೂ ಹೇಳಿ ಮಾಡಿಸಿದಂತಿದೆ
    ರತ್ನಮಾಲ ತುಂಬಾ ಚೆನ್ನಾಗಿ ಹಾಡಿದ್ದಾರೆ
    ಭಾವಸಂಗಮ ಸಂಪುಟದ ಇನ್ನೊಂದು ಸುಮಧುರ ಗೀತೆ ನಂದಗೋಕುಲದ
    ಲೇಟೆಸ್ಟ್ ಪೋಸ್ಟ್ ನಲ್ಲಿ ಕೊಂಡಿ ಕೊಟ್ಟಿರುವೆ ಬಿಡುವಾದಾಗಲೊಮ್ಮೆ ಬನ್ನಿ

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Related Posts

ವಿಶ್ವಭಾರತಿಗೆ ಕನ್ನಡದಾರತಿವಿಶ್ವಭಾರತಿಗೆ ಕನ್ನಡದಾರತಿ

ಕವಿ – ಚೆನ್ನವೀರ ಕಣವಿ ಹಾಡು ಕೇಳಿ ವಿಶ್ವವಿನೂತನ, ವಿದ್ಯಾಚೇತನ, ಸರ್ವಹೃದಯ ಸಂಸ್ಕಾರಿ ಜಯಭಾರತಿ, ಕರುನಾಡ ಸರಸ್ವತಿ ಗುಡಿಗೋಪುರ ಸುರಶಿಲ್ಪ ಕಲಾಕೃತಿ ಕೃಷ್ಣೆ, ತುಂಗೆ, ಕಾವೇರಿ ಪವಿತ್ರಿತ ಕ್ಷೇತ್ರ ಮನೋಹಾರಿ. ವಿಶ್ವವಿನೂತನ…………………….||೧|| ಗಂಗ, ಕದಂಬಾ, ರಾಷ್ಟ್ರಕೂಟ ಬಲ ಚಲುಕ್ಯ, ಹೊಯ್ಸಳ,ಬಲ್ಲಾಳ ಹುಕ್ಕ,ಬುಕ್ಕ,ಪುಲಕೇಶಿ,

ಕೊಳದ ಪಕ್ಕದ ಹೊಲದ – ಕೆ.ಎಸ್.ನರಸಿಂಹಸ್ವಾಮಿಕೊಳದ ಪಕ್ಕದ ಹೊಲದ – ಕೆ.ಎಸ್.ನರಸಿಂಹಸ್ವಾಮಿ

ಕವಿ – ಕೆ.ಎಸ್.ನರಸಿಂಹ ಸ್ವಾಮಿ ಸಂಗೀತ – ಪ್ರವೀಣ್ ಗೋಡ್ಕಿಂಡಿ ಗಾಯಕಿ – ಎಂ.ಎಸ್.ಶೀಲಾ ಹಾಡು ಕೇಳಿ ಕೊಳದ ಪಕ್ಕದ ಹೊಲದ ಮೈತುಂಬಾ ನಾ ಕಂಡೆ ಬಿಳಿ ಹಳದಿ ಹೂಗಳನು ಸೇವಂತಿಗೆ ನೀರ ಮೇಗಣ ಗಾಳಿ ಬೀಸಿತೋ ನನ ಮೇಲೆ ಅದರ

ಯಾವ ಜನ್ಮದ ಕೆಳೆಯೊ ಕಾಣೆನು – ಮಹಾತ್ಯಾಗಯಾವ ಜನ್ಮದ ಕೆಳೆಯೊ ಕಾಣೆನು – ಮಹಾತ್ಯಾಗ

ಕವಿ –   ಡಾ. ವಿ. ಸೀತಾರಾಮಯ್ಯ( ‘ವಿ.ಸೀ’) ಚಿತ್ರ – ಮಹಾತ್ಯಾಗ ಗಾಯಕಿ – ಪಿ. ಸುಶೀಲ ಯಾವ ಜನ್ಮದ ಕೆಳೆಯೊ ಕಾಣೆನು ಕಂಡ ಕೂಡಲೆ ಒಲಿಸಿತು ಕಣ್ಗೆ ರೂಪವು ಇಳಿವ ಮುನ್ನವೆ ಎದೆಗೆ ಪ್ರೇಮವು ಹರಿಯಿತು ಯಾವ ತಾಯಿಯೊ ಯಾವ