ಭೂಮಿಗೆ

www.theholidayspot.com

ಎದೆಯು ಬಿರಿದು ಪದವು ಕುಸಿಯೆ
ತಬ್ಬಿ ಹಿಡಿದ ತಾಯಿಯೆ
ಬೇರುಗಳಲಿ ಜೀವ ತುಂಬಿ
ಚಿಗುರ ಪೊರೆದ ಮಾಯೆಯೆ

ಹೂವು ಕೊಟ್ಟು ಹಣ್ಣು ಕೊಟ್ಟು
ಉಪಚರಿಸಿದ ಮಮತೆಯೆ
ಮುತ್ತು ರತ್ನ ವಜ್ರ ಖಚಿತ
ಖ್ಯಾತಿವೆತ್ತ ಘನತೆಯೆ

ಭೂರಮಣರೆಂದು ಮೆರೆದ ಸಾಮ್ರಾಟರ
ಹುಟ್ಟಗಿಸಿ ಹೊಟ್ಟೆಲಿಟ್ಟ ರಾಣಿಯೆ
ದೈತ್ಯ ವೃಕ್ಷ ಬಿಳಿಲುಗಳೇ
ನಿನ್ನ ಹರವಿಕೊಂಡ ವೇಣಿಯೆ?

ಕಾಡಿಬೇಡಿ ಬಂದವರಿಗೆ
ನೀಡಲೆಂದೇ ಅವತರಿಸಿದ ದಾನಿಯೆ
ಬೇಡಿದ್ದೆಲ್ಲ ಮೊಗೆದು ಕೊಟ್ಟು
ಬರಿಗೈಯಾದ ಮಾನಿಯೆ

ವಿಷದು ಉರಿಯ ಒಡಲೊಳಿಟ್ಟು
ಹಸಿರ ನಗುವ ಕರುಣೆಯೆ
ಕಣ್ಮನಗಳಿಗೆ ನಿತ್ಯ ಹಬ್ಬ ನಿನ್ನ ರೂಪ
ಹೂವಿನುಡುಗೆಯುಟ್ಟ ರಮ್ಯ ರಮಣಿಯೆ

ಕೋಟಿಕೋಟಿ ಬರಡು ಗ್ರಹದಿ
ಜೀವಧಾತೆ ನೀನೊಬ್ಬಳೇ ದೇವಿಯೇ
ಮೊಳಕೆ ತರಿಸಿ ಜೀವ ಪೊರೆಯೆ
ಇರುವುದೊಂದೇ ಭೂಮಿಯೇ!

2 thoughts on “ಭೂಮಿಗೆ”

  1. sunaath says:

    ತ್ರಿವೇಣಿ,
    ಕವನ ತುಂಬ ಸುಂದರವಾಗಿದೆ. ಕವನದ ಜೊತೆಗಿನ ಚಿತ್ರವಂತೂ ಅತ್ಯಂತ ಅರ್ಥಪೂರ್ಣವಾಗಿದೆ.

  2. sritri says:

    ಕಾಕಾ, ಧನ್ಯವಾದಗಳು.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Related Posts

ಉದಯ ಟಿವಿ ಮತ್ತು someವೇದನೆಉದಯ ಟಿವಿ ಮತ್ತು someವೇದನೆ

ಉದಯ ಟಿವಿ ವೀಕ್ಷಕರಿಗೆ ಎರಡು ಸಂತೋಷದ ಸುದ್ದಿಗಳಿವೆ.ಉದಯ ಟಿವಿಯಲ್ಲಿ ಕೊನೆಗೂ “ಸಂವೇದನೆ” ಎಂಬ ಒಂದು ಉತ್ತಮ ಕಾರ್ಯಕ್ರಮ ಪ್ರಾರಂಭವಾಗಿದೆ. ಈ ಹಿಂದೆ ಶೈಲಜಾ ಸಂತೋಷ್ ನಡೆಸಿಕೊಡುತ್ತಿದ್ದ “ಪರಿಚಯ” ಕಾರ್ಯಕ್ರಮದ ಮಾದರಿಯದು. ಈ ಬಾರಿ ಇದನ್ನು ಈಶ್ವರ ದೈತೋಟ ನಡೆಸಿಕೊಡುತ್ತಿದ್ದಾರೆ. ಶೈಲಜಾ ಸಂತೋಷ್

ಪುಸ್ತಕಗಳು ಮರಿ ಹಾಕುತ್ತವೆ!ಪುಸ್ತಕಗಳು ಮರಿ ಹಾಕುತ್ತವೆ!

ಯಾವುದೋ ಪುಸ್ತಕ ಬೇಕೆಂದು ಹುಡುಕುತ್ತಾ, ಬೇಸ್‌ಮೆಂಟಿನಲ್ಲಿದ್ದ ನನ್ನ ಪುಸ್ತಕ ಸಂಗ್ರಹದ ಮುಂದೆ ನಿಂತಿದ್ದೆ. ಹಿಂದೆಂದೋ ಹುಡುಕಿದಾಗ ತಿಪ್ಪರಲಾಗ ಹೊಡೆದರೂ ಸಿಗದಿದ್ದ ಪುಸ್ತಕಗಳೆಲ್ಲಾ ಈಗ ನಾನು ತಾನೆಂದು ಸಿಕ್ಕವು! ಆದರೆ ನನಗೆ ಆಗ ಬೇಕಾಗಿದ್ದ ಪುಸ್ತಕ ಮಾತ್ರ ಕೊನೆಗೂ ಸಿಗಲಿಲ್ಲ. ಮಹಾಭಾರತದಲ್ಲಿ ಕರ್ಣನಿಗೆ

ಶೆಟ್ಟಿ ಶಗಣಿ ತಿಂದ ಹಾಗೆ….ಶೆಟ್ಟಿ ಶಗಣಿ ತಿಂದ ಹಾಗೆ….

‘ಶೆಟ್ಟಿ ಶಗಣಿ ತಿಂದ ಹಾಗೆ’ – ಇದು ನಮ್ಮ ಸಂಬಂಧಿಗಳ, ತೀರಾ ಆಪ್ತ ಸ್ನೇಹಿತರ ವಲಯದಲ್ಲಿ ಪ್ರಚಲಿತವಾಗಿರುವ ಒಂದು ತಮಾಷೆಯ ನುಡಿಗಟ್ಟು. , ‘ಬೇಡ ನೋಡು, ಕೊನೆಗೆ ಶೆಟ್ಟಿ ಆಗುತ್ತೀಯಾ…” , ‘ಅಯ್ಯೋ ಎಷ್ಟು ಹೇಳಿದರೂ ಕೇಳಲಿಲ್ಲ, ಕೊನೆಗೆ ನೋಡು, ಶೆಟ್ಟಿ